صلالة بعدستي أنا،،،

[أنا]

اول مشاركه لي .. طبعا الصور مب يديده يعني صورتها ع زماني:)

يعني ع ايام ماشي كاميرات رقميه .. والمطور بس عنده كاميره صورها ملونه !!

المهم خلونا نشوف الصور ولكم الحكم ..
طبعا كلها في دار حيانااا .. ارض السلطنه وسط جبال صلالة


أولا بنشوف المناظر الطبيعيه

http://www.alremshweb.com/fh/enty/4.jpg

http://www.alremshweb.com/fh/enty/s6.jpg

http://www.alremshweb.com/fh/enty/s2.jpg

http://www.alremshweb.com/fh/enty/s3.jpg

http://www.alremshweb.com/fh/enty/s1.jpg

http://www.alremshweb.com/fh/enty/s17.jpg

http://www.alremshweb.com/fh/enty/s9.jpg


ثانياً ننتقل للاماكن السياحيه

هاذي طبعا النوافير الطبيعيه المعروفه عن اهل صلالة وكل من يزور اراضيها

http://www.alremshweb.com/fh/enty/s5.jpg

وهذا محل أثري آخر يسمى بالدحقه نسبه إلى دحقة النبي صالح عليه الصلاة و السلام
كما موضح في اللافته الموضوع في المدخل..
http://www.alremshweb.com/fh/enty/s15.jpg


طبعا في هذه الصوره موضح مكان قدم الناقه واثرها
http://www.alremshweb.com/fh/enty/s14.jpg


وهنا مكان أثر دم الناقه حيثما سال وساح على الصخر
http://www.alremshweb.com/fh/enty/s16.jpg


وهذه المغاره هي التي هرب منها ابن الناقه ولم يعلم الى الان اين توصل نهايتها
و كما أخبرنا به المرشد السياحي ان بعض الاجانب حاولوا ان يغامروا ويعبروا هذا المكان
ولكن لم يعد منهم أحد البعض يقول بانها توصل إلى البحر
والبعض الاخر يقول بأن نهاية المغاره على أرض اليمن والله اعلم..
http://www.alremshweb.com/fh/enty/s11.jpg


أما هذا فقبر النبي أيوب والضريح موجود في عالي الجبال

http://www.alremshweb.com/fh/enty/s13.jpg

وهذا قبر آخر للنبي عمران عليه السلام .. ( الظاهر كانت بنيته شاهقه ) سبحان الله
http://www.alremshweb.com/fh/enty/s12.jpg
للعلم هذا الاماكن يمنع دخول النساء اليها برغم ان صلالة مشهورة بكثرة قبور الاولياء فيها


كانت هذه بعض النماذج السياحيه على ارض صلالة ..
واتركم مع آخر صور للساحل والذي يعد مكان رمانسي ويقع قريبا من منطقة الدهاليز

http://www.alremshweb.com/fh/enty/s10.jpg


وهذا جبل السعاده .......
ولا اخفي بأن هذا الجبل حين ازوره وكاني بارض الامارت لكثر شعبنا المتواجد هناك!!

http://www.alremshweb.com/fh/enty/s8.jpg



ولكم تحياتي وسلاااااااامي اناااااااااااااااااااا *a9*

[الحر الأشقر]

مرحبمبو

تسلمين اختي انوه عالصور



اختي انوه انا عندي صور صلاله بس لا غييير ويا ربعي



وننتظر جديدك



ويامـرحبانــي (h)

[أنا]

مرحبمبو...

يعطيك العافيه اخوي الحر ع المرور

انزين عادي قص صوركم وخل الطبيعه الخلابه :)

شفت الذكاء خخخ

تحياتي أختك أناااااااااا :)

[الحر الأشقر]

مرحبمبو

حلوه .... على هامان يا فرعون


الله يسلمج عندي صور طبيعيه بس عند ولد خاالتي وهو مسااافر وان شاء الله في اول 9 رااح يرجع



وان شاء الله رااااح انزل الصور







ويامـرحبانـــــــــي (h)

[أنا]

خلاص ونحن نرتقب الصور يا فرعون:)

بس لازم تصويرك مب تصوير ولد خالتك عيل لو جي اسمي بنزل صور في القسم:)

يعني هذا شرط يديد لازم ينحط في المنتدى لازم بعدسة العضو مب حد من اهله ولا ربعه

:)

[الحر الأشقر]

مرحبمبو

عموووه انوووه :) الله يسلمج انا كل ما اسااافر مكاان ويا ربعي نصور عماارنا ويوم اساافر ويا ولد خالتي فنصور امااكن السيااحيه طبعا مش كله صور مناطق سياحيه ومش هو الي مصور وانا الي مصـــور بس لا غييير هو يحتفض فالصور وانا عندي اهمااال فالصور :) اناا احب احتفظ في الافلام اما هو فيحب يحتفظ فالصور





ويامـرحبانـــــــي (h)

[أنا]

اسمي والله هوايات عليكم انتو.. واحد يحتفظ بالصور و واحد بالافلام :)

زين خلاص نرتقب وصول ابن الخاله الكريم


ويااااخوفي ايي يقول لا انا غيرت هوايتي احب احتفظ بالكاميره بس خخخخ


:)

تحياتي اختك أنااا:)

[الحر الأشقر]

مرحبمبو
ههههههههههههه


اتوقع منه هالشي لانه هوو معرس ههههههههههههههههههههه




وان شاء الله عنده الصور واذاا مضيع الصور فبنبش في النكاتيف



ويامـرحبانـــــــي (h)

[عــيـ دبـي ــون]

تسلمين اختي أنا على هالصور

هذي يمكت ثالث مرة ادش الموضوع كل ما ادش ماتطلع الصور كانت بس الحين مية مية ولافراخ الجمعية

بالنسبة لقبرالنبي عمران عليه السلام .. مانقول غير سبحان الله دخلت المكان نفسة وشفته

[غناء المطر]

انتي


شو هالصور الحلوه :)

للعلم هذا الاماكن يمنع دخول النساء اليها برغم ان صلالة مشهورة بكثرة قبور الاولياء فيها؟؟؟ كيف دخلتي @51@

تسلمين على هذي الصور ونتريا مغامرانج اليايه :)

[شـذى]

انووه

ما شاء الله عليج

فنانه ثرج

ذكرتيني بسيرتنا النحسه

اتخيلو انه تمينا اندور مكان انبات فيه من المغرب لين نص الليل


صدق المواطنين وايد هناك

هذاك اليوم كنا نطالع برنامج عن صلاله و الاماكن الي فيها
جان يتقابلوون ويا شباب مواطنين فاجين بيبان السياره و يالسين و عقب حطووهم و هم يرزفوون و واحد يطوف جدام الكيمره و يقول ياابس ياابس
صدق ضحكنا عليهم



و تسلمين انووه على الصور الحلوه


و لا تحرمينا من يديدج


في حفظ الرحمن *a9*

[فــ الكلمة ــارس]

الاخت الفاضله أنا .... شكرا لك على الصور الجميله ....

اما بالنسبه للقبور ... فمن حكمة الله انه أخفى عنا قبور الانبياء وكذلك قبور كثير من الصحابه ... حتى لاتعبد ..

ولايعلم الا قبر النبي صلى الله عليه وسلم ... وقد حفظه الله من البدع ....

وتحضرني الآن قصه قرأتها في كتاب ...

وهي أن رجلا من أهل اليمن في الزمن الماضي كان مسافرا على حمار له ... وفي الطريق نفق حماره ... فدفنه ودسه في التراب على عجل ... فصار القبر مرتفعا نوعا ما ... وبعد سنتين عاد هذا اليمني ... وعندما وصل الى حيث دفن حماره .. وجد الضريح عليه واجتماع الناس حوله ... فقال لهم : ما هذا ... فرد عليه أحدهم : إنه قبر أحد أولياء الله الصالحين .... فقال له : منذ متى دفن هنا ... فقال الرجل الآخر : منذ قديم الزمان ... فتعجب اليمني !! وقال : ويحكم إنه حماري ؟؟

فضربوه واوسعوه ضربا ... الى ان قال لهم : ان لم يكن حماري فاقتلوني ... فوافقوه ظنا منهم بأنه يبحث عن مخرج .. ولامناص ...

فعندما حفروا ... بدأت تظهر لهم عظام الحمار عظما عظما ....



أخواني واخواتي .... إن الجهل بالدين جعل الناس يصدقون كل دجال همه الماده .... فيدعي ان هنا قبر فلان .... ومن ثم تأتي الاموال وتقذف في هذا الضريح المسرج عليه ... وتذهب هذه الاموال الى هذا الدجال ... ويتوارث ابناؤه هذه الوظيفة من بعده ...

ارجو المعذره

ومشكوره انا على الصور مره اخرى

أخوك خيال العشاير

..

[همسة أسير]

تسلمين أختي انا بصراحة شفت نص الصور

إن شاء الله احاول ادش مره ثانيه على الموضوع و يظهرن لي

بس ماشاء الله الصور عجيبه شكلج تميتي فترة لين ما وقفتي أحس الأماكن خطره شوي يعني كلها ماي و حصى

[مدهش]

ياسلامي عليج

صور حلوووه

ذكريتي بصلاله ,,, شفتها بالفيديو ,, قوم ابوي سارولها بس انا ما رحت كنت مسافر ويا قوم عمي وتندمت اني ما رحت:( كانت الرحله كشخه والله :(

ان شاء الله نص السنه ناوين نروح

وتحياتي لج:)

[الحر الأشقر]

مرحبمبو


اختي غناااء ما اعتقد انه نفس هالامكااكن يمنع دخول النساء لاني يوم سرت عند قبر النبي ايوب عليه السلام حصلت عواائل ..


واذكر في يوم الجمعه سرت عند قبر النبي عمران عليه السلام وحصلت عواائــــــــل وشفت عواائل يصورين القبر ...


صح كلامك يا خيااال العشااير ..


وشي ثاااني قبر النبي عمراان علييه السلام تحصل علييه ورود وهذا من البدع وكل بدعه ظلاله وكل ظلاله في النااار .

بس بعض الاماااكن رااح تحصل لوحه مكتوب عليها حسب الروايااات .... يعني شي ضعيييف ..


ويامــــرحبانــــــــي (h)

[فتى الإمارات]

أنا


صلاله معروفه بالجمال الطبيعي بطلب منج طلب صوري ولاية عبري يقولوا مكان الانسب لـــ ( أنا )

مشكوره اختي عالصور

والله يعطيج العاافيه

[أنا]

أخوي عيون تسلم ع المرور

والحمدالله قدرت تشووف الصور:)


والصراحه هالاماكن ع كثر مانزورها مانمل منها :)


تحياتي وسلااااامي أنا

[أنا]

خالوه غناااااااااااااء


لازم تفشليناااااااااااااا:(


عادي متنكره خخخخخخخخخخخخخ


تحياتي وسلاااامي أنا:)

[أنا]

شذوووووووووه


الله يسلمج


ياخي انزين جان رقتو في اي استراحه :)


بس تبين الصراحه .... حتى البر الواحد له خاطر يرقد فيه


وباعوضهم مايقصر خخخخخخ


تحياتي وسلااااااااامي أنا :)

[أنا]

همسة اسير

تسلمين اختي ع المرور

وانشاءالله تكون عيبتج الصور:)


عادي ترى انا من الضفادع البشريه ماخاف خخخخخخخ



تحياتي وسلاااااااااااااامي أنا :)

[أنا]

مدهش يالذكي

صلالة في اجازة الربيع شرات راس الخيمه في الصيف

صبر ولك مني انوديك ويانااااافي الصيف الياي


عاد مشكله


مدهش يطلع من دبي في الصيف :(


شو الحل ؟؟؟:)


تحياتي وسلااامي انا

[أنا]

خيال العشاير ...

والله ادري اخوي ان كان صدق ولا لااااااااااا

نحن مجرد سيااااااااااح ولسناااااا مؤرخين


يعني مجرد زيارات نشوف المعالم


وان كان ضريح حقيقي للنبي او غيره ......... فلاااا يفرق معنااااا

يعني في كل الاحوال مجرد جثمان تحت التراب

مابنسير نطلب الرحمه مكانه



والله اعلم


تتسلم ع المرور اخوي

ولك تحياااااااتي أناااااااا:)

[غدر الايام]

هلا وسهلا ....
تسلمين انووووه ..ع الصور الحلوة ..
وشو عن الصيف هذا وين سرتي .. ما شفنى صور مقيضكم

[أنا]

أخوي الحر ..

كان قبل صح مب ممنوع .. بس الحين لو تسير بتشوف في هناك حاطين ناس عسب دخول النساء

انا يوم كنت صغيره احيد كنت ادخل عادي .. بس طبعا يوم عيزت قالو العيايز مب زين يدخلن :)



طيب نقدر نثبت صحة القبر اعتقد من تاريخ النبي وعلى اي ارض كانت حياته


ومثل ماقلت نحن مجرد سياح يعني مش مؤرخين .. وبنخلي هالشي للمتخصصين

اذا بتتبرع يالحر يالله ولك الاجر :)



تحياتي أناااااااااا

[أنا]

فتى .. تصدق لفت انتباهي اسم الولايه وسرت ادور عنها في قوقل


شكلك حافظ ولايات السلطنه ولايه ولااااااايه وخبير اراضيهاااااااا:)


بس ماعرفت ليش تناسبني يعني.؟؟؟؟

ترى قريت عنها وعرفت انها ولايه كبيره وو تاريخا كان موقع جغرافي
ويمكن لانها كانت المعبر بين الولايات لقبوها بولاية عبري

بس بعد اتريا اسمع منك السبب... وانشاءالله بزورها وبيبلكم صورها ليش لااا .. :)


يمكن تكون هالزياره خير لي خخخ


تحياتي أناااااااااا

[أنا]

غدورررررررررررررر هلا والله هلا وغلااااااااا بالغايب

وينك يا ريال .. الحمدالله ع السلامه

ها بشر شوو السفر انشاءالله استانست:)



ياخوي انا ماسرت مكان قار في البيت ويا الاهل :(

[الكتبي]

مشكوره يا انتي على هالصور وتسلمين :)

[طيـــــ الفال ـــــبة]

ننوووووه

تســلمين عـ التصوير الفناان
صلاله حلوه لكن انا كرهيتها و حالفين يمين ما نشبر هاك الصوب
خصوصا بعد الحوادث اللي اسمع فيها :rolleyes:
وآثار البقابيص اللي تمت في اخواني الصغار

.. :) ..

[فــ الكلمة ــارس]

..



اختي الفاضله انا ... مشكوره على الرد اللطيف ..



اختي لازم تعرفين ان النبي صلى الله عليه وسلم قد نهى اصحابه عن تتبع الآثار ..



وكان يأمرهم بالإسراع والبكاء أو التباكي عند المرور بالقرى القديمه التي عاقبها الله عز وجل ...



ومما ينهى عن تتبعه العلماء .. على سبيل المثال .. غار حراء وجبل النور كما يسمى ..



ولقد قطع الفاروق عمر بن الخطاب رضي الله عنه شجرة كان النبي صلى الله عليه وسلم يجلس تحتها عند المرور عليها في حياته ... وذلك عندما رأى الناس كلما مروا عليها قعدوا تحتها ...



فالآن أين نحن من فعل الرسول وصحابته ... وهل امتثلنا امرهم ؟؟



هذا الكلام كله موجه لنا نحن الرجال .... أما انساء فاسمعي هذا الحديث الصحيح :



لعن رسول الله صلى الله عليه وسلم زوارات القبور



حسن




صحيح ابن ماجه لالألباني









حتى لو كان قبر ابوها وليس اثرا .... فما بالك بالقبور الأخرى ، والتي في معضمها دجل في دجل !!!



أرجو ان لاأكون قد أثقلت .... ولكن نصيحه لمن يريد النصيحه .... ولست ملزمة بها او بالرد على كلامي ..

اخوكم خيال العين

..

[أنا]

بالعكس اخوي انا سعيده برودودك


لكن مثل ماقلتلك نحن مجرد زوار وننقل الي شفناه


ان كانت علينا الحمدالله عارفين بامور دينا وقائمين بها


لكن الي يريد يخالف امر ربه .. فربه وحده من يحاسبه اخي الكريم

و شكرا مره اخرى ولا عدمناااا نصحك اخي


تقبل تحياااااااااااااتي

اختك اناااااااا

[الحر الأشقر]

مرحبمبو



صبحكم الله بالخيـــــــــــــــــــــــــــر


اختي ا نووووه الاخ خيال االعشاااير رد علييج ... واخوي خيااال العشااير كفيت ووفيييت والله يكثر من امثااالك والله يطول بعمرك باعماااال صاالحه
ويزااك الله خييير



ونصيحه في وجـــــــــــــه لله .


اذا سمعتو فتوه او شي قاالوه عنه حراام او نهي عنه رسول عليه السلام .. فلازم يجييب ايه قرانيه وتفسسسسير ايه .. او يجيب حديث وطبعا الحديث ما يكون ضعييييف .




وعن منطقه العبري .. اختي انوووه طبعا اذاا انتي تسيرين عماان او صلاله من درب المزيـــــــد رااح تمرين على منطقه عبري واما اذاا من درب الكلباااء او من درب حتاااا فصعبه تمرين على عبري ...












ويامـرحبانـــــــي (h)

[أنا]

اخوي الحر انا تسلم ع النصيحه

والله يهدي عبادة جميعاً

مشكووورين اخوي خيال العشاير و اخوي الحر ع نصايحكم


خيال العشاير......... شو السالفه اشوفك قلبت لخيال العين مره وحده!!!!!


اخوي الحر..... نحن متعودين نسير من درب الذيد عاد على شوو نمر مادري لاني متعوده ارقد في السياره :)


بس ابا اعرف شو فيها العبري بشو متميزه ؟؟؟


اخوي فتى كيفك الرحله القيض عليك للعبري :)


تحياتي اختكم أنااااااااااااا :)


وبارك الله فيكم

[أنا]

أحلا وسحلاااااا بااباااا الكتبي

تسلم والله ع المرور ... ( قسم التراخيص ) :)

اقصد شكرا على تعقيبك اخوي


ولك تحياتي وسلااامي انا :)

[أنا]

طيبة الفال


والله حل الفال بمرورج

وانشاءالله تكون الصور عيبتج :)


تحياتي أنااااااااااا

[فــ الكلمة ــارس]

من طيب اصلك اخوي الحر الاشقر .. وكلامك صحيح

وايضا اختي انا .. من طيب اصلج يوم تتقبلين نصايح من اخوج الصغير

العين روحي ووجداني ........ تصدقين ماروم اصبر عنها ........ اروح اروح واردلها .... وانا ماغيرت .. انا خيال العشاير .. وفي نفس الوقت هالخيال تراه من العين .. يعني من فرسانها ...

وعلى فكره قبل العصر بشويه يتنا رشة مطر حلوه اهنيه في العين

تحياتي .. خيال العشاير العيناوي

[أنا]

خيال مره من الكويت ومره من العين !!!!!!!


يالله مطر خير وبركه


ومحد ماكل الحر وذايقنه غيرناااااااااا:(

[فــ الكلمة ــارس]

خيال مره من الكويت ومره من العين !!!!!!!


مافهمت شو قصدج .... ارجو التوضيح ........... احس انج رميتيني بالكذب ؟؟ انا مو كذاب .. قولي لي شو قصدج وبجاوب !!

[أنا]

لااااااااااا ياخوي انا زين مني تعلمت السباحه بعد اكون رمايه !!!!


لا اخوي ماقصدت بس احيد في ردك ع السؤال العمر 14 قلت لانه تاريخ تحرير الكويت او ماشابه


فالضن انك من الكويت ولهالسبب استغربت وجود كلمه خيال العين


اتمنى اني ازلت الالتباس :)


ا

[فــ الكلمة ــارس]

ههههههههههههههه

هيه تاريخ الغزو اثر فيني مثل ما اثر فيج ..... بس مو معناه اني كويتي .......... انا إماراتي وافتخر ... ولا عليهم قصور الكويتيين


وبعدين دوم انا مطيح في الكويت ...... ولي اقارب هناكي ..


بس ماشيء غير العين وبس ؟؟

[غدر الايام]

هلا انووووووووووووووووووووه
الله يسلمج يا الغالية ...
والله السفرة كانت حلوة واستانسنا فيها ,,, يا ريتكم كنتوا معانا بنسوي يولة في ذيج البلادين

[أنا]

السموحه يا خيال .. و اهل الكويت ترى اخوانا :)

غدوور شو حلاة السفر اذا مافيه بحر وحداق :(