شو بتسوي إذا مر لك هالموقف .........

[وحدانيه]

هلا
شخباركم انشاله طيبين
أنا عندي لعبه وانشاله تعجبكم
هيه عباره عن كتابة موقف واللي بعدك يقول شو بسوي اذا هو مر في هالموقف وبنفس الوقت يذكر موقف عسب اللي يرد وراه يقول اشلون بيصرف في هالموقف وجذي أوكي
أعتقد ما يبالها شرح أكثر من شذي ........
أنا ببدا
الموقف :
شو بتسوي إذا خانك أعز انسان لك في الدنيا ......أرجو انه الجواب يكون صريح...

[مشتــــــــــاق]

والله مريت بهالموقف بس اول شي انصدمت..لاني ما اذكر اني مسوي شي ..يعني بدون سبب ..والصراحة مب مرة خانوني ..

عشرين مرة ..والصراحة هالشي اثر فنفسيتي ..الحين ما اعرف شو اسوي ..خلاص تخبلت..بعد ما تعلقت فيها وحبيتها من خاطر ..

انا مستغرب من شي واحد؟؟ كيف رامت تنساني بهاي السهولة..بس شو انسوي ..مكتوب وبرضي به ..

انزين شو بتسوي لو كنت تحب واحد وانت ما تعرف انه يقولك الصدق او يلعب عليك ..وبعدين تكتشف انه هو يقص عليك بس انت ما تروم تودره لانك متعلق فيه واخرتها ايي هو ويلبسك ..شو بتسوي ؟؟

[الحبووووبه]

شوف انا مامريت بس ان شاء الله ما امر ..

شوف اول شي بنجلط هعهع قويه اممم بس اكيد بستويبي شي عقب بقول الحمد الله تعرف لليشش لانه ربيعاطاني هديه قبل ما اتعلق في اكثر ويهدني احسن من الاول

شو بتسوي اذا انت تحب وحده وهي ماتعرف بتقليها ولالا ..؟

[وحدانيه]

الصراحه ما فهمت سؤالج
أنا بسأل سؤال ثاني
شو بتسوي إذا بعدت عن أعز الناس لك في ظروف خارجه عن إرادتك
ياترى بتنسى هالشخص أو بتترياه لين ما يرجع لك

[وحدانيه]

لها الدرجه الموقف صعب

[فــ الكلمة ــارس]

اي والله يا أبله ... كان السؤال صعب وااايد ؟؟

ومحد عرف يحله .. حتى الزلمات اللي في الصف ؟؟

[العيناويه وبس]

مساء الخيــر ..
الصراحه مااقدر انساه وخاصه اذا المده كانت طويله بينااا ...

(( انزين شو بسوي اذا كان عندك شخص يحبك ونته ماتقدر تبادله هذا الشعور ))

العيـ وبس ـناويه

[فــ الكلمة ــارس]

يعني قصدج مادانيه ؟؟

بحاول اغصب نفسي ؟؟ شسوي ..

انزين ... شو بتسوي اذا كنت جدام القول ... وعطوك باس وكان القول فاضي .... وضيعت الفرصه ؟؟

[وحدانيه]

أحاول أحترم شعوره
وما أحسسه على انه مشاعري صوبه أقل من ما يتوقع
ويعني بعد أيام وبطريقه لطيفه ومن دون دفاشه
و بطريقه غير مباشره أحسسه اني ما أحمل له أي شعور
ناحيته وجذي يكون أحسن عسب ما يتوهق الطرفين بالنهايه
يعني مثل القطب الجنوبي والشمالي للمغناطيس
هههه
بعدت اشوي

[وحدانيه]

انزين شو موقفج أو موقفك اتجاه
بعدك أو بعدج عن منتدى الكتبي

[وحدانيه]

ليش محد يجاوب عليه
لها الدرجه الموقف صعب

[عافك الخاطر]

والله اني اعتبره بيتي الثاني..

انزين..

شو موقفك اذا انت كنت ضامن في واحد / وحدة

وكنت معطنه/ها كل ثقتك,, واخر شي ت/يخونك ولا ت/يعبرك؟؟

[وحدانيه]

أصبر عليه يمكن يكون عنده ظروف الله أعلم
شو يكون موقفك اذا صارحت انسان بمشاعرك اتجاهه وهو وعدك انه يقولك لكن ما قاااااااال

[فطوم]

السلاااااام عليكم ورحمه الله

مشكووووووورة وحدااانية عاللعبة العجيبة..



وبرايي اذا فيه شي هالشخص واباه يقووولي بزعل اكييد وبشل بخاطري انه ليش اوثق به وهو لا

وما بعيدها بس بعد شوية برتاح لاني قلت شي من اللي بخاطري شوي



شووووووو بتسوي اذا حد قال عنك شي مو صج يعني قاال عنك شي وهو مو فيك..؟؟

[فــ الكلمة ــارس]

بسكت ..... لانه اذا سارعت بالنفي قبل لا يسألونني .. بيصير كأنه صج فيني

وبوكل امري لله وهو بينصرني ... وبعدين اسوي نفسي مادريت بالموضوع .. والناس عارفيني من اول

وبالسكوت راح ينسون الناس الاشاعه ... وبالكلام راح تظل في ذاكرتهم



شو يكون موقفك اذا ولدك الصغير يركض باتجاه الشارع ويايه سياره مسرعه ... ومافيه مجال اذا سرت صوبه الا ان السياره تدعمكم الثنينه ؟؟ ادري صعب .. بس شو بتسوي

الله لاييبه لكم في الصدق

[فطوم]

بركض وبحاول ادزه بعيد عادي الله ياخذني..افتك من الدنياا عالاقل..اعتبرها فرصة ياتني وبس..



شووو بسووي اذا انجرحت من انسااااانه قريبة..؟؟

[فــ الكلمة ــارس]

ههههههههههههههههههههه

يعني بتنقذينه مو حبا فيه .... لا سبب عشان تفتكين من الدنيا ... والله حاله ؟؟



في الحقيقه انا انجرحت من انسانه قريبه ...... لكن للحين ماسويت شيء
لازلت مصدوم .......... شو اللي خلاها تسوي جيه
يمكن قلبها اسود ... او ماتحس بأدنى مستويات المسئوليه ... او انها غبيه ومغفله ... ولا تعرف شيء عن الحياة ... ولاتعرف شيء عن الواجب

وشو راح اسوي ... كل واحد حر في نفسه ... ما لي سلطه عليها ... لو كانت اختي كان رديتها لرشدها ... لكن هذي نتيجة تربية اهلها لها .... تربية آخر زمن .. البنت مافيها حيا ... ولاتثمن اقوالها

ماعلينا .. انا مطنش




شو يكون موقفك لما يزعل عليك حد بدون سبب ...... بس اونه يبا يجرب غلاه عندك ؟؟

[الحزينه]

مرحبااااااا . تسلمين الغالية عاللعبة :)

اول شي براجع نفسي اذا كنت مسوية شي ولالا و حتى لو ماكنت مسوية به شي براضية مرة مرتين ثلاث اذا ما رضى وان واثقة من عمري اني ما مسوية شي بالطقاق مو لازم يرضى حتى لو كان الشخص غالي علي .. صج اني بتعذب بس ما بذل عمري :)

اوكي شو بيكون موقفك اذا حسيت انك شخص غير مرغوب فيه .. يعني تحس ان الكل حاقد عليك وكارهك ومحد يباك .. ؟؟

[فطوم]

خياااال مبرووك عالرقاابة بس مكتوب مراقب لاكن وين مادري هههههههه

يلا مبرووك



وبفر عمري عشاان السببين ههههههههه احبه + ابا افتك من الدنيااا




ويالحزيينة اعتقد اني بنسحب من المكااان بهدووووء وما برجع احب القعدة ويااهم..




شو بسوي اذا مو محصل حد يفهمك او يقراا افكاارك ويعرف شو فيك دوون ما اتقوول..؟؟ يعني من عيوونك..

[فــ الكلمة ــارس]

بطالع في المنظره وبحاول افهمها انا هههههههههههه

الله يبارج فيج ... توني داري من ساعه اني مراقب ........ بس صدقج مو مكتوب اي شيء ثاني

طبعا في المنتدى العام ... بس ليش ما كتبوا في المنتدى العام <<<<<<<<< يمكن لاني جوكر ؟؟

شو بتسوي اذا كنت ولد ودش وقت الصلاة .... وماباقي الا خمس دقايق
رجاءا لاتجامل وتقول بسير المسيد .......... قول اللي بتسويه صدق ؟

[الحبووووبه]

امممممم والله بصلي في البيت هعهعهع

شو بتسوي اذا شفت عضو من اعضاء المنتدى في مكاان...؟

[أنا]

بشغل البلوتوث .. وبفضحه خخخخخخخ

عاد هووو من الذكاء بيحط خيال العاشير و لا مشتاق ولا يمكن تكون الحبوبه


طبعا بسوي بسويله دعايه بقوله : ايييييييييييه انته عضو مبدء ولا رجيستر مثل بعض النا س خخخخ

والله صارلي الموقف وشفت بعض العضوات..

بس الله لا يعوده من يوم ز... لان كان يومها عندي تصوير تلفزيوني ( في المستفشى)


تخيلو عاد مشربيني 3 بطوول ماي واتريا دوري و الحلوه هالعضوه مشرفه ..

وين تبين انا بروحي افحاله :(

والله كنت شوي وبصيح صدق يومها ابتلشت فيه خخخخخخخخ


طيب شو بتسوي لو سرت تقدم على وظيفه
وانت يالس جدام المدير ولا تشوف طيطار شاد بعمره على راسه؟؟

بتخبره ولا بتسكت لين يكتشف روحه ويصارخ ويرتبش وتروح عليك الوظيفه

وان سكت ترى الدور ياينك وعادي طياطير هالايام تناقز ع روس الاوادم :)


تحياتي أنووه :)

[فــ الكلمة ــارس]

الحمدلله ماحتاي امر بهالموقف

والله انتي عليج سوالف

يعني بالله عليج شو بحط النك نيم مالي <<<<< اكيد خيال العشاير

انا ماعندي بلوتوث


طيب .. شو بيكون موقفك / موقفج
اذا كنت ماشي في السوق وطاحت وحده جدامك وانكسرت
او طاح واحد جدامج وانكسر
ومافيه حد ساعده ؟؟

[مشتــــــــــاق]

اذا عيوز طاحت جدامي على طول بتتكسر وبتروح من الدنيا ههههههه..


شو بتسوي اذا كنت تحب حد وهو مفارقنك ..ولا من زمان ما رمسته ..وانت ما تروم تستحمل فراقه دجيجة وحدة ..

[وحدانيه]

بصبر
لين ما يرجع لي
يمكن عنده ظروف ولا شي
الله أعلم

بس الصبر بحدود

اذا ما قدرت حاول تحصل حد ثاني اتحس انه زين فيك
يعوضك عن اللي نساك
أو فقدته
أحسن
من انك تتعذب يوم ورا يوم

[فــ الكلمة ــارس]

انزين شو الموقف الياي ياوحدانيه

[وحدانيه]

بدعي ربي انه ينجيه
وبكون قويه
وانشاله الله ينجيه
خله ايمانك بالله قوي
وهو ينصرك

[فــ الكلمة ــارس]

استفسار من الوحدانيه

ردج على هاللعبه والا بالغلط هههههههههههههههه

عطينا موقف

[فطوم]

هههههههه البنت مضيعة..ما تنلاام نحن بنص الاسبوع هههههههههه



يلا بترياا وحدانية او اي حد يقوول ههههههه;)

[ملاك_بوظبي]

دام إنه الوحدانيه ما حطت موقف برد على المشتاق

شو بتسوي اذا كنت تحب حد وهو مفارقنك ..ولا من زمان ما رمسته ..وانت ما تروم تستحمل فراقه دجيجة وحدة ..

الصراحه إذا كان هذا الشخص مفارقني على خير و له ذكريات حلوه فقلبي,,,ممكن أدق و أسأل عنه و عن أخباره وحتى لو كان بس مجرد سؤال....و لو حسيت إنه مش مقدر اللي أنا يالسه أسويه و اتضايق مني...بكره نفسي و بتعب نفسيا وايد لني ذليت عمري....

شو بتسوي لو اكتشفت يوم من الأيام إنه ربيعك الوفي و أقرب الناس لك....رمس و طلع سر من أسرارك و جدام ناس ما يستاهلون
هل بتتفهم لنه هو صديجك الوفي اللي لو دورت في هل العالم كله ما بتلاقي صديج مثله و بتغفرله زلة لسانه؟
ولا ممكن إنه ينكسر شي من بينكم وتحس خلااااص صعب تثق فيه؟

[عيون الريــم]

لو كانت زلة لسان واول مره تسويها بسامحها واذا كررتها مستحيل تكون صديقه وفيه انا بتعلم درس ما اعطي سري لحد

اصلا ما احب اقول اسراري لحد غير نفر من الناس :)

شو بتسوي لوحسيت بشي يمشي تحت ثيابك واخر شي طلع طيطار ؟؟؟؟ههههههههههههههههههههه

[فــ الكلمة ــارس]

اعنبو ..... وين عايشين

هذا كله من انوووه هي اللي مردتكم على هالسوالف ......... الا طيطار ساير وطيطار ياي هههههههههههه

غيروا السالفه

طبعا اذا بنيه راح ادور اقرب كرسي تركب فوقه وترفع ثوبها شوي واطنب بالصياح ايييييييييييييييييييييييييييييييييييييييييييي

اما اذا ولد ( عادي مب ولد نعمه ) راح يمسكه بيده ويفره على اقرب حد عنده ( اونه يسولف )




فطوم ليش ماعطيتينا موقف ... بنترياج

خلاص شباب مافيه مواقف لين تعطينا فطوم !!

[مجنـ البنفسج ون]

حراااااااااااااااااااااااااااام ليش عاد الين متى بيلس اتراها

[مشتــــــــــاق]

فطوم ما عندها موقف ..عندها باركن ههههه..


انزين يوم بتيي فطوم خله تحط موقف ..انا بحط موقف..

شو بتسوي لو طلبت من الكفتيريا وتاخر عليك ..بعدين ياب الاكل بعد ساعة ..شو بتسوي ؟؟؟

يلا تفنن على راع الكفتريا ..طلع مواهبك القتالية هههه..

[فطوم]

لحححححححححضة

اشمعنى انا انا مو فاضية عندي بزنز هههههه

[فــ الكلمة ــارس]

ههههههههههههههههههههه

والله اني قليل اطلب ........... لكن صار لي هالموقف ورجعتهم
اونه عزة نفس ......... بس شو تعذبت يوم رجع هههههههههههه

هم نتريا فطوموه هههههههههههه

[فطوم]

المينون ايلس اتريااا شو وراك ههههههههه


مشتاااااااااق مبروووووك الررقاااابة تستاهل ماشااء الله عليك..:)

بس ماتعرف تترياني يعني خخخخخخ..

ونا لا موقف ولا باركن يحليلي بريـءة هههههههههههه


ومابسوي شي لانه مو انا اللي ببطل الباب ههههههههههه انتو تضاربو ويا راعي الكفتيريا هههههه

[فطوم]

خلاص لك موقف



لو خيروووك بين قعدة النت والرقاااد شو بسوي هههههههههههه

[فــ الكلمة ــارس]

الثنتين .. ارقد ع النت ههههههههههههههههههههه

طيب .. لو خيروك بين قعدة النت والا وقفة النت شو بتختار هههههههههههه


لالا
شو تسوي لو كنت في الصحراء وميت عطش ومحد عندك ... وحصلت جدامك بطاطس برينجلز بالفلفل يمممممممم
هاه شو بتسوي

[الحزينه]

السلاااااااااااام عليكم والرحمة .. شحالكم

الحين بالصحرا والمكان مافي حد .. البرنجلز شلون وصل .. ؟؟ ههههههههههه

طبعا بخليه وبروح ولا جني جفت شي ..

اوكي شو بيكون موقفك اذا الاستاذ زفك وبهدلك يدام كل الطلبة .. بتسكت ولا بتدلفع عن نفسك ولا بترد عليه وتطول لسانك ؟؟ << وايد متاثرة من المدرسة :)

[فــ الكلمة ــارس]

بمسكه من حلجه وبعطيه ذاك الطراق اللي على كيف كيفج

اشحقه يهزءني جدام الطلبه وانا مو طالب .... ليش اللقافه هاه

طيب شو يكون موقفك اذا كنت في البحر وخلاص بتغرق .. وحصلت برينجلز بالجبه عدالك يطفو ؟؟ بصراحه رجاءا

[وحدانيه]

قولوا مواقف معقوله
هههههههههههههه
جذي عااااد

[العفريت]

وحدانية


شو بلاج عخيال المشاعر .. حليله تفكيره عقده .. ربي يكون في العون



بس بصراحة لو شفت البرنجلز قدامي وانا بغرق .. بكله وخلاف بغرق .. اخاف خلاف يحز بخاطري وانا ميت .. ( استغفر الله )





موقفي يقول .. لو كنت يالس تسوي رياضه ( مشي ولا ركض ) في الحاره .. وظهرلك كلب .. ( جاوب بصراحة و بدون خقه )






الــعــفــريـــــــــــــــــتAL-3freet

[فــ الكلمة ــارس]

بصير اسع عداء على وجه الارض هههههههههههههههههههههه

هلا اخوي العفريت

وحدانيه مافيه موقف معقول اكثر من هذا الموقف .... والدليل انه جاوب عليه العفريت

العفريت ووحدانيه

شو يكون موقفك لما يكون باقي مقعد واحد في بطولة كاس طيبة الفال .. واقولك الحق بسرعه .. ترا بنبدأ البطوله

يالله واحد فيكم يشارك .... ناقصنا لاعب

[العفريت]

بصراحة


بجدم الوحدانية .. لني بصراحة انا ما ادخل وايد عالنت وهيه اولى ..




اللي عقبي يقول شو موقفه لو سار مطعم وكانت جدامه وحدة .. والحبيب كاشخ ومظبط القعدة ومريح .. يوم يابو الاكل بالغلط طيح اللي مقدم الاكل شي من الاكل على ثيابه .. شو بيسويبه تتوقعون ؟؟






الــعــفــريـــــــــــــــــتAL-3freet

[وحدانيه]

أصلا أنا بطولة طيبة الفال ما أدري تتكلم عن شو
فكيف أرد على سؤالك
اعفيني

[العفريت]

وحدانية


وانا مثلج يخويتي ما اعرف عن شو موضوعها ..



سوري طيبة الفال .. لني قطعتكم وايد صرت ما اعرف شي عنكم




وحدانية ..

عزيزتي هذي المرة الثانية اللي تشاركين في الموضوع ولا تكتبين موقف ولا تردين على المواقف بعد




موقفي يقول .. لو كنت قاعد تتمشى روحك في السيارة فليل وتسمع اغاني ومعلي عالمسجل وكنت اصلا تمشي في الحارة .. وفجأه كانو جيرانكم قاعدين يتمشون .. شو بيكون موقفكم على هالاغاني اللي مطول عليهن




الــعــفــريـــــــــــــــــتAL-3freet

[وحدانيه]

أحس انه هالشي عادي جدا
سيارتي وأنا حره
بس هم أقدر واحترم وجودهم
واخفض على صوت الأغاني اذا كان لهم قدر وشان عندي
وبس


انزين شو موقفك اتجاه من يهمه أمرك وهو مسوي شي غلط
مثلا ما يصلي

يا ترى بتنصحه لين ما يقتنع بالصلا
ولا مره اثنين وبتتركه
خلاص مليت من انك تنصحه وحاس انه مارح يسمعلك

[مشتــــــــــاق]

بحاول وياه ..وبتم انصح وانصح ..

واذا ما صلا الله بيحاسبه..لاني ذكرته بالصلاة وعقوبة تاركها ..وهو مصر ومعاند..يعني اثمه اكبر..قلنا لو ما يدري شو عقوبة تارك الصلاة ..عادة هو يعرف ويعاند ..يعني الخلل فيه مب فيني ..وبتم ادعي الله لين يصلحه ويهديه ..

واذا كان هالشخص اعز انسان عندي بزعل منه..وبحسسه اني زعلت منه عسبت هو ما يصلي ..يمكن يحس ويصلي ويتوب..

ما عندي موقف ههه.

[الحزينه]

اوكي انا بحط بحط موقف ..

شو بيكون موقفك اذا حسيت ان اقرب الناس لك ما يعزك .. يعني يقولك ان انت غالي ومدري شنو من هالكلام الفاضي وهو اصلا ما يداني يشوف رقعة ويهك .. ؟؟

[العيناويه وبس]

مساء الخيــر ...
اممم الصراحه بتكون صدمه بس زين يايه منه بدون ماكشفهاا من حد ثاني ...

(( شو بيكون مصيرك اذاا ناس يعزونك ويغلونك ونته تدري بس تريد تسمعهاا منه بس الطرف الثاني مايباا يقول يعني عنده نوع من المستحي ))

العيـ وبس ـناويه

[فــ الكلمة ــارس]

مصيري للسجن هههههههههههه

قصدج موقفي .... اذا يغلوني بحترق هههههههههههههه

لالا .. الصراحه بحاول اعرف عن طريق التعريض لا التصريح ... وبييبها على شكل سوالف


شو بيكون مصيرك اذا قتلت واحد بالغلط

وشو بيكون موقفك لو كنت انت المقتول .. وتلفظ انفاسك الاخيره ...... هل بتفكر بسيئاتك وكيف بتقابل ربك

وشو بتسوي لو قالوا لك بترجع للحياة عشان نعطيك فرصه ثانيه




تذكر انه اللي بيقول بعمل صالحا قال الله عنه كذاب .. راح يرجع مثل اول

يالله طوفوها لي هالمره ههههههههههه

[مشتــــــــــاق]

شو بيكون مصيري اذا قتلت واحد؟؟ اعدام على طول هههه..

لو انا كنت المقتول؟؟ عندي سبع ارواح وبرد بالروح السادسة وبزغده هههههه..

لو يعطوني فرصة ثانية عسب ارجع بروح ازغد اللي جتلني .هههه


شو بيكون موقفك لو انت تحب حد وهو يحسسك انه يحبك وانت تدخل كل يوم عشانه ولبست ناس عشانه وضحيت من اجله ..وما تروم ترقد الليل بسبته ..ويوم تعطيه هدية يعطيه واحد ثاني ..ويمكن يحب هذاك..شو بتسوي ؟؟واللي عنده بناية يخبرني عسب انقز من فوق بنايته

مليت خلاص..ما اعرف شو اسوي ؟؟

هاه شو بتسوون فهالموقف؟؟؟

[منصوريه]

شو بيكون موقفك لو انت تحب حد وهو يحسسك انه يحبك وانت تدخل كل يوم عشانه ولبست ناس عشانه وضحيت من اجله ..وما تروم ترقد الليل بسبته ..ويوم تعطيه هدية يعطيه واحد ثاني ..ويمكن يحب هذاك..شو بتسوي ؟؟واللي عنده بناية يخبرني عسب انقز من فوق بنايته

مليت خلاص..ما اعرف شو اسوي ؟؟
احقره .. وارفع ظغه شوي لانه بعد ما يهون عليه
واعلمه معنى كلمه احبكعدل يمكن انه ما يعرفها عدل يتحراها لعبه يتسلى فيها متى ما بغى

وعن سالفه البنايه سير برج العرب نط منه وسيده عالبحر يمدحوونه ههههههههههههه لا لا اسوي سوالف

ولا تحرق اعصابك عليه لي ما يبانا مره ما نباه مليووووووووووووون مره


انزين

شو بتسوي/ن لو ابوك/ج عطاك/ج نص مليون وقالك/ج افتح مشرووع ... شو المشرووع اللى بتفتحه/ينه

[فــ الكلمة ــارس]

ههههههههههههههههههههههههه هذي الضحكه على الاولى

هههههههههههههههههههههه وهذي على الثانيه

والموقف صراحه صعب ما بعرف شو اسوي




شو بيكون موقفك اذا دشيت اهنيه ادور موقف وحصلت اللي جدامك مب حاط موقف هههههههههه

[فــ الكلمة ــارس]

وين طلعتي انتي

انا كنت ارد على مشتاق



الموقف هذا مايصلح معاي

لانه ابوي ميت الله يرحمه

[منصوريه]

هههههههههههههههههههههههههههههههههه .. وين طلعت بعد من بيتنا

الله يرحمه ويغمد رووحه الينه ان شاء الله

انزين



شو بيكون موقفك اذا دشيت اهنيه ادور موقف وحصلت اللي جدامك مب حاط موقف هههههههههه

بحط بداله وبسهل عليه المهمه هههههههههه


شو بتسوي لو واحد من الربع اللى تثق فيهم سافر عنك حليله بيدرس برى وانت اهني بالبلاد وين بتروح شو نفسيتك بتكون ؟؟

[فــ الكلمة ــارس]

بسير السوق ههههههههههههههههههههه

شو بتسوي اذا سرت السوق وماحصلت السوق ؟؟؟؟؟؟؟؟؟؟؟؟؟؟

[منصوريه]

عادي برووح العزبه هههههههههههههه

يعني نهايه الدنيا اذا ماشي سوق لاااااااااال

شو بتسوي اذا طحت في مصيبه مع واحد من الاعضاء وتبى الفكه منه ؟؟

[مشتــــــــــاق]

انتي اشري عليه بس هههه..

امم..اول شي تتفاهمين وياه..اذا ما تاب عندج الكتبي ..بيشوف شغله ههههه..

واذا ولا حل فاد وياه ..<< عندج سوبر مان ههههه...

شو بتسوي لو قمت الصبح وما لقيت ماي ؟؟

<< لو ما لقى ماي بيتيمم ههههه..

[العفريت]

مادري



والله لا يجيب الزعل





شو موقفك من شخص حبيته وخانك ؟؟




الـعــفــريـــــــــــــتAL-3freet

[فــ الكلمة ــارس]

بطلب الفزعه مني هههههههههه يعني من خيال العشاير


شو بتسوي لو مافزع لك خيالوووو

[منصوريه]

عادي هب نهايه الدنيا ههههههههههههههه

بطلبها من غيره لاااااااااااال

مشتاق هههههههههههههههه الحمد لله ما طحت في مصيبه عشان اطلب مساعده ولا بطيح ان شاء الله ههههههههههههه

شو بتسوي لو عطيتك فراوله +موز+منجا

[العفريت]

بسويهن كوكتيل ..


والله يعين شو بيطلع هالناتج





شو بتسوي لو حرمنوك من كلاس اللي فيه كلهم ربعك ..





الـعــفــريـــــــــــــتAL-3freet

[الطـرف الذبوحـي]

http://www.ashog.com/images/flower66.gif



][ (h)(h) ][

ابصرااااحه بتضااايج واااايد .. لاني احب اكون مع ربيعااااااتيه ومتعوده عليهن وماريد ابتعد عنهن

لي عقبي شو بتسوي اذا انطرت عباااتج من تحت \\ انطرت كندوووورتك جدام خلق الله ؟؟

تحياااااااتي

(h) راعيـ الطرف الذبووحي ــه (h)


http://www.ashog.com/images/flower66.gif

[منصوريه]

اممممممممممممممم

بتم قاعده ما بتحرك

وبخليهم ايبون لي بدل غيار هههههههههههههه


شو بتسوي اذا عطيتك 3 وردات
1 حمرا
2 بيضاء
3 صفراء

لمنو تعطيهن وبصراحه لاااااااااااال

[العفريت]

الحمرا .. بعطيها لأمي
البيضا .. لأخويه
الصفرا .. بعطيييييييييها همممممممممممم نفسي


لني ما اغار الا على عمري




اللي عقبي شو بتسوي لو دخلت مسابقة اللي ياكل أكثر ..





الـعــفــريـــــــــــــتAL-3freet

[فــ الكلمة ــارس]

بسويهن علم هههههههههههههه

شو بتسوي اذا قالوا لك الحق على الصلاة ماباجي وقت هاه

عن اذنكم

[فطوم]

السلاااااااااااااام عليكم ورحمه الله


ما بشاارك بس بقعد اشووفهم واضحك ههههههههههه



شو بسوي اذا تميت مكاااان فترة طويلة وغبت عنه ولما ترجع اتشووووف النااس تغيروووو عليك ماجنك كنت فترة هناك ودااخل قلوبهم..؟!

[منصوريه]

العفريت .... بدش وباكل فيها واسرع وحده يمكن اكون بس ما اعتقد انه يمتن لاااااااااااااال

خيال العشاير ........ بخلي كل اللى في ايدي وبربع اتمسح واركع لي ركعتين ابرك :)

[فطوم]

خياال انا وانت خرفنا مادري على اي رد انرد هههههههههه


وووووعلى موقفك..

اممممممم بركض عشاان الحق عالصلاة ههههههههههه


ونفس سؤاالي او الموقف مالي..:)

[فطوم]

سؤااال..انا ليش كله متأخرة..!!!!!!!!!!!!

[العفريت]

فطوم ..


لنج يمكن تفكرين بشو بتكتبين وايد




اللي عقبي شو رايه لو يسير يصلي عقب مافاته الصلاه مثلي


دقايق وراجع





الـعــفــريـــــــــــــتAL-3freet

[فــ الكلمة ــارس]

فطوم على موقفج

بحاول اسويلهم عملية القلب المفتوح وبشوف بعدني داخل قلوبهم والا بدش وبخلي الدكتور يسكر العمليه

يعني ماتحتاي تفكير وايد << حليتها بسهوله ههههههههههههههه


شو بتسوي لو قالولك بنفتح قلبك نبا نعرف منوه داخله ؟؟ اهاه حاصرتكم ههههههههههه

[مشتــــــــــاق]

عادي ..بخليهم يشوفون منو داخله ..هههه

شو بتسوي لو كنت تتريا حد وما لقيته ؟؟

[فــ الكلمة ــارس]

بتم اتريا لين ازهق وبعدين بروح

شو بيكون موقفك يوم واحد عزيز عليك جدا ويسوى ربعك كلهم .. ويتغلى عليك ويزعل بدون سبب .. وهالشيء يضايقك وايد

[منصوريه]

اممممممممممممممم .... احاول اتفاهم معاه واشوف شو سبب زعله اذا تافه وبدون سبب بزعل عليه بخليه اي ويراضيني :) حركات بركات هههههههههههه

شو بتسوي لو فصلوك من الشغل او المدرسه فصل نهائي

[الـهـجـران]

هههه بقعد في البيت

على الاقل بيكون عندي عذر بقول حق ابوي فصلوني

اما يوم اغيب .. ييلس يحشرنا ليش ما تسير المدرسة هههه

على الاقل بنحصل اجازة سنوية ههههههههه

شو بتسوي يوم واحد يسوي عزيمة وما يعزمك انت خخخ

[منصوريه]

هههههههههههههههههههههه

عادي بعزم عمري على شي من المطاعم ههههههههههه ويوم تي الفاتوره بطرشها عند العازم ههههههههه

شو بتسوي لو طلبت لكل الاعضاء باسكن روبنز بس ما طلبت لك انت ؟؟

[فــ الكلمة ــارس]

بفرح ... لانه كله الوان مضره ههههههههههههههههه

شو موقفك اذا قالوا لك انته ربحت تذكرتين للعمره في العشر الاواخر من رمضان

[الـهـجـران]

ههههههههه اممم بشتري اسكريم قوم بو نص وبيلس اكل جدامهم اوني اغايظهم هههه <<< ولا سويت شي بالعكس هم بيغايظونك

شو بتسوي لو واحد انت وفيت لانسان عزيز وهو قابلك بالخيانة

[منصوريه]

االه ياليت والله صدق يتحقق

اسميني بطير من الفرحه وبشل امي فيايه والمحرم يحجز له تذكره بروحه هههههههههههههههه

شو بتسوي لو ربحت سياره مرسيدس من خمس اللى في العالم بس ماشي غيرهن

[فــ الكلمة ــارس]

ببادل بها راعي كلوزر ههههههههههههههههههههه
وفوقه بكره ولا تزعلين

شو موقفك لو قالوا لك اختر واحد من اعضاء المنتدى تضارب وياه
منوه بتختار <<<<<< اكيد واحد ضعيف ههههههههههه

[منصوريه]

ههههههههههههههههههههههههه ....

بتضارب فياك هههههههه ترى ماشي شغله بس بيب المحرم ويايه عشان اتضاربمعاك هههههههههههههههه

انزين الحين الكتبي يفكر يبيع المنتدى ؟؟ يعني بنضيع بعد هالاداره الفنانه والمتعاونه ؟؟ شو تفكر تشتريه عشان اتم مثل ما نحن ولا ما تهتم ؟؟

[فــ الكلمة ــارس]

والله صدق بيبيعه
اوه مصيبه

اذا صدق بنسوي منتدى ثاني على حسابنا وبنسجل كلنا .. وبنسميه منتدى العوده هههههههههههههههه سبيس تون

شو موقفك لو قالوا لك تبرع حق المنتدى اليديد ب 30 درهم ونص هههههههههههه

[منصوريه]

خيبه واااااايد هههههههههههههههههه

يهون والله حتى لو طلبو 1000 فالهم طيب رقوبنا سداده بس يطلع فنان مثل هذا المنتدى واذا احلا مقبوول هههههههههه


شو بتسوي لو خسرت 20.000 درهم

[فــ الكلمة ــارس]

الشكوى لله

قضاء وقدر

بس الحريم لايدرن بالخساره ........ طر جيوب هههههههههه


موقفك لو انا حسرت 20000 د وانته ربحتهم مني بالظلم .... ياظالم !!

[منصوريه]

بعقهن بحر هههههههههههههههه او بردهن لك ولا اقول لا بعطيهن حرمتك ههههههههههههه

شو بتسوي ولا ما تسوي ههههههههه

[فــ الكلمة ــارس]

بروح لبنان عشان ماسوي وبروح البرتقال عشان اسوي <<<<<<<<<< انزين شو اسوي ؟؟



اذا سويت .. شو سويت
واذا ماسويت .. شو ماسويت !! والله سؤال مال علمي خخخخخخخخخخخخخ

[منصوريه]

هههههههههههههههههههههههه

علمي عيل خل هل علمي يجاوبون انا بنت ادبي فديت ادبي شطار :)

اذا ما سويت شي يعني شو ما سويت ما تغير شي ههههههههههههه جواب ادبي

اذا طحت وما طحت بس ليش طحت هههههههههههه سؤال ذكي

[فطوم]

امممممممممم هيه اذا سويت بيستوي واذا ما سويت ما بيستوي

واذا استوى لازم اتفكر توقف المستوي عشام ما يستوي شي زياادة خخخخخخخخخ




شو بسوي اذا انته يووعان وامك محد وانته ماتعرف تطبخ..؟؟

عاد بسرعة ابا حل هههههههههههه

[الـهـجـران]

والله الصرااحة

بخلي حد من اعضاء الكتبي يعزمنا

ولا شو رايج انتي تطلبيلنا من مطعم <<<<فكروا في اخوكم المسكين ههههه

الصراحة انا ماعرف اطبخ غير بيض

حطوا موضوع عشان نتعلم خخخخ نفس المنصورية تسوي طبخات سحرية ولا حد يدري بالامراض اللي فيها ههههههه اسولف

شو بتسوي لو واحد يدورك وانت تشرد عنه؟

[فــ الكلمة ــارس]

بروح مطبخ الكتبي

فطوموه لو داري انج اهنيه جان حطيتج بالطبخه اللي توني مسويها هههههههههههههه


شو موقفك يوم ينطلب منك اجابه سريعه هههههههههه

[الـهـجـران]

قصدي بالعكس.. اذا انت تدوره وهو يشرد عنك

[منصوريه]

خيا ل ... عادي بجاوب بسرعه لانه لكل جواب سؤال ولكل سؤال جواب :)

الهجران .... ما بدوره بلقاه جدامي ههههههههههههه.

شو بتسوي لو فريتك بحصاه وشوهت لك نص ويهك :) مجرمه هههههههه

[الـهـجـران]

هههههههه جي تحيديني اسرائيلي تفريني بحصى هههههههه

ما بقولج شي

سمعت كل شي من ايدج حلو هههههههه<<< استحمل الحصى عيل ههههههه

شو ببتسوي لو واحد عطاك وردة؟

[منصوريه]

هههههههههههه بحبه على راسه وبيبس الورده وبقرطسها وبيودها واهم شي اكتب عليها اسمه وتاريخ التسليم والمناسبه ههههههههه

لازم حقوق الطبع

شو بتسوي لو غمضت عيونك واكلتك اكل والاكل عجبك ويوم فجيت عيونك وشفت الاكل طلع مجموعه من الديدان + عيون بقر + مخوخ فيران :)

[مشتــــــــــاق]

يمكن انجلط ..او قلبي يوقف ههههههه.. واذا وقف من وين بييب له كرسي عسبت ييلس هههههههه


شو بتسوي لو حد رمس من وراك ..وربيعك زعل منك عسبت هاي الرمسة ؟؟

[منصوريه]

بيرتفع عندي الضغط والسكري .... بس بعد اللى يسمع كلام الناس ولا يستافسر من صاحب الامر نفسه

يطلع غبي وفي منتهى الغباء مع احترامي للقارئين :)

شو بتسوي لو كنت اذكى واحد في الامارات كلها وامريكا طلبتك عاد ان شلتك امريكا تحلم تشوف هلك مره ثانيه

[فــ الكلمة ــارس]

والله العظيم انهم طلبوا اخويه العود ورفض

كان الاول عليهم في الجامعه في امريكا

والحين مايحتاي منصب ولا احسن .. ماشاءالله عليه



شوبتسوي اذا درست في امريكا .. وفي نص الدراسه قالوا لك : الله يخليك روح لبلادك .. مستغنين عن خدماتك ههههههههههه

[منصوريه]

ههههههههههههههههههههههههههه

قبل لا ارد لبلاد بخش راسي في ماي حار من القفطه والفشله

ويوم ارد ويقولون شبلاه ويهج بقولهم حرقوني وكان اطلع ابرك من القعده عند ارهابيين ههههههههههههههههه


حجه ولا احلا

شو بتسوي اذا طلبوك انت بدال اخوووك ؟؟

[فــ الكلمة ــارس]

ماانعطى ويه ... على طول بملابسي اللي علي هههههههههههههههههههه



وشوه موقفك اذا سافرت امريكا .. ويوم شافوك هناك .. قرروا يتركون البلاد ويهجون ههههههههههههه

[منصوريه]

ههههههههههههههههههههههه احلا شي فكه

واللى بعدي مثل الشي

[المهيريــــــه]

..فكاك ..محد طلب منهم ايلسون ...ويحمدوووووووووووون ربهم ان شيخة المهيرات رايحتلهم ..

والله بعد ..



انزين ..اذا وانت في نص السفر قالولك ..الطياره بطيح ..

شو بسوي..

[منصوريه]

ايه سودا عن الخقه تدرين ليش شردووو هههههههههههههههههههههههه بخبرج باجر ههههههههههههههههه


بقولهم صبرووا بودع امي وابويا وبتشاهد على روحي ههههههههههههه


اللى بعدي مثل اللى قبلي

[فــ الكلمة ــارس]

بقعد اذكر الله واستعد حق القيامه الصغرى


واللي بعدي نفس الشيء <<<<< واحد عيزان يكتب موقف ههههههههههههههههههههه

[منصوريه]

هههههههههههههههههههههههههههههه خيال حقوق الطبع ومحفوظه

نفس اللى قبل قبلي :)

[فــ الكلمة ــارس]

نفس اللي قبل قبلي ثلاث قبلات ههههههههههههه

[منصوريه]

ههههههههههههههههههه ما خليت شي


شو بتسوي لو حد يضربك على راسك بقب هههههههههههههههه في وقت وانته واقف مع شخصيه تهمك وايد وتحترمها

[فــ الكلمة ــارس]

بينتفخ مكان الفلعه وانا بقول آااااي
وبصد صوبه وبقوله : لو سمحت الاخ كنت قاصد >>>>>>>>>>>> اونه اتكيت ههههههههههههههههه

واللي وراي نفس الموقف <<<<<<<<< والله عجيبه هاي اللعبه .. كل شوي بقول نفس الموقف هههههههههه

[منصوريه]

هههههههههههههههههههههههههههههههههه .. خيال عن التقليد انزين انا بس اقول اللى وراي نفس الموقف هههههههههههه

حقوق الطبع محفوظه لدى منصوريه جي بكتب مره ثانيه

انزين شو بتسوي لو عطيتك شوكه لمنو بتعطيها ههههههههههههههه هب لي اكيد يعني ههههههههههههه واثقه الحرمه

[فــ الكلمة ــارس]

لو عطيتيني شوكه باخذها وبتحمر خدوده <<<<<<<<< حشا ورده مب شوكه هههههههههههههههه

باخذها وبروح الصف في المدرسه وبحطه على كرسي صهيب الله يذكره بالخير هههههههههههههه

كنت احط الدبابيس تحته هههههههههههههههههه

وافر الطباشير عليه هههههههههههههههه



شو بتسوي لو عطيتك هديه .. ويوم سرت البيت وشفتها طلعت احسن هديه حصلت عليها في حياتك
وماضني اتحصل مثلها

ضفدع محنط

[منصوريه]

ههههههههههههههههههههههههههههه
هههههههههههههههههههههههههههههههههههههه


عاد انا امووت على الضفادع ...... اسميني في اليوم الثاني بي وبحبك على راسك

ههههههههههههه بس ما بهديها حق حد

شو بتسوي لو واحد من الربع عزمك على عشى ويوم تعشى ومز بطنه قالك بروح الحمام وسار ولا رد وتوهقت انته بالفاتووره هههههههههه

[فــ الكلمة ــارس]

بغني حق راعي المطعم وانا طالع

طاش طاش .. طاش ماطاش هههههههههههههههه

[فــ الكلمة ــارس]

اوه نسيت اقول للي بعدي نفس الموقف اللي قبل

[منصوريه]

ههههههههههههههههههههههههههه ... نسيت اكتب حقوق الطبع محفوظه

ما بسوي شي بعطيهم شيك ابيض وباسمه ههههههههههههههههههه

شو تسوي لو حد ياك فجئه وعطاك كف محترم جدام الربع

[فــ الكلمة ــارس]

بقوله بصوت عالي .. الله ياخذك يالمقرود .. ماتخلي صربتك <<<<<<<<<< عشان يتحروني ضربته قبل ولا اتفشل


انزين شو بتسوي لو يات الشرطه وخذت على انك قاتل

والمحكمه حكمت عليك بالاعدام ........... على فكره صارت في السعوديه .. سمعتها في شريط .. وبعد 18 سنه اعترفوا المجرمين وطلع براءة المسكين

شو بتسوي لو ماعترفوا .. وانا المجرم وقاعد اشوفك في اللحظات الاخيره .. وانت تتريا اعترف وانا مب طايع وقاعد اضحك عليك هههههههههههههه

[منصوريه]

هههههههههههههههههههههههههههههههههه .. بتشاهد على روحي وبقول الله ينتقم منك مثل ما انتقمت مني وانا بريئ

بس اقول يمدحون الواسطه هههههههههههههههههه يوم بيدرون اني منصوريه ما بيقربون صوبي هههههههههههههههههه


وانا اقول نفس اللى قبلي :)

[فــ الكلمة ــارس]

هههههههههههههههههههههههه

كفو والله بالمناصير .. صدق واسطه ماشاءالله عليهم


انا ترا دوري في الموقف المجرم اللي يضحك ..... ماقدر اخلي دوري هههههههههههههههههه

اللي بعدي دورك انته

[منصوريه]

هههههههههههههههههههههههه لا لا انا المجرم اللى يضحك وانت المجرم البريئ هههههههههههههههههه

اتخيل حاطين الكيس الاسود على راسك شو شعورك ذيك اللحظه ؟؟

[فــ الكلمة ــارس]

بغمض عشان ماحس بالموت ههههههههههههههه مثل اليهال لما يغمض يعني انته ماتشوفه حسب عقليتهم
ههههههههههههههههههه وحليلهم ههههههههههههههههههههههه

اللي بعدي كيف اختار بين البريء والمجرم .. وييوز تختار السياف ؟؟ يمه منه ههههههههههههه

[منصوريه]

ههههههههههههههههههههه وايد خيالي

[فــ الكلمة ــارس]

لا مب خيالج .. خيال نفسي ؟؟ كيفي !!

[منصوريه]

ههههههههههههههههههههههههههه ... خيال نفسك .... تصبح على خير

[فــ الكلمة ــارس]

اذا مر لي هالموقف <<<<<<<<< وين ماشيء موقف هههههههههههههه

الخير بويه اهل الخير

نوم العوافي


اللي بعدي شو بتسوي اذا ياك النوم

[منصوريه]

بحط راسي على المخده وبرقد هههههههههههههه بس ما بفكر انه باكر علينا جورج بوش يعني تجنيد البنوتات

[فــ الكلمة ــارس]

شو انتي صدق عسكريه هاه

[منصوريه]

ههههههههههههههههههههههههههه لا لو انا عسكريه جان شفت الدوله خربانه من زمان هههههههههههههههه

شو بسوي اذا حد قالك انت كلام زين او شين وفي ويهك .. شو نفسيتك بتكون ... وشو ردت فعلك

[مشتــــــــــاق]

اذا قاللي كلام زين ..بضحك هههه..

واذا قاللي كلام شين ..اعرف كيف ارد عليه هههه..

واذا ما قاللي شي ..بقوله ليش ساكت هههههههه..


انزين ..شو بتسوي لو حد عزيز فارقك..بتصبر ولا شو بتسوي ؟؟

[منصوريه]

امممممممممممممممم ... بوكل امري لله

اللى بعدي نفس الشي

[فــ الكلمة ــارس]

حقوق الطبع محفوظه ههههههههههههههههههههه

اللي بعدي نفس الشيء

[منصوريه]

هههههههههههههههههههههههه بدينا بالسرقه

انزين شو بتسوي لو استوى طواري يعني لازم تخلي بيتك لانه (منصوريه) حاطه قنبله في بيتكم ههههههههههههههههه ارهابيه

[فــ الكلمة ــارس]

بسوي مثل توم وجيري

باخذ القنبله وباكلها .. وبعدين .. بوووووووم في بطني
والا صاير مثل العبد هههههههههههه

شو بتسوي اذا طلعت جدام البيت في الليل ويا هواء وسكر الباب عليك

واللي في البيت كلهم نايمين

[الــشــيـبـانـي]

بشرد فوق السرير

مثل ما يقول المثل

شرده نص المريله

[منصوريه]

هههههههههههههههههههههههههههههههههه

عادي بفرش في الحوووش وبرقد هههههههههههههههه


اللى بعدي مثل الشي

[الــشــيـبـانـي]

هههههههههههههه

و لو ياج الجني شو بتسوين

[فــ الكلمة ــارس]

ما بسوي شيء

لانه انا الجني اللي بيي حق المنصوريه هههههههههههههه

شو بيكون موقفك لو ياتك رساله وكانت موجهه لصديقك وانتوا في امريكا

والرساله تقول انه ربيعك بيموت خلال ايام .. وكانت الرساله من الجامعه بعد ماسويتوا فحص طبي عندهم


على فكره صارت مع اخويه العود .... وعاش عقبها سنين وللحين عايش الله يطول عمره بالطاعه

[منصوريه]

هههههههههههههههههه اميه لا تتكلمون عن الينانوه تراني اتروع وبروحي في البيت بعد سكتوو لا يسمعونكم ههههههههههههه

بهربه ولا بكون انا بداله

تستحج سلامت اخوووك وزين يوم انه سلم

[الــشــيـبـانـي]

مـــا يـــــــحتـاي

[منصوريه]

اووووووووووووووه نسيت اقووووول

شو بتسوي يوم فجئه تنش من الرقاد وتلقى عمرك في عالم ثاني ما تعرف حد فيه واللى فيه يشوفونك بنص عين

[الــشــيـبـانـي]

ااممممممم

اذا تمو يحقدون علي باخذ منديل و برقص

[فــ الكلمة ــارس]

هذي خرافات الامريكان

يتحرون الموت والحياه بايدهم

ربيع اخويه ماقال حق اخوي .. خلاه لين خلصوا دراسه .. وبعدين قال له


شو موقفك لو قالوا لك انك مريض بمرض معدي ولازم يودونك العزبه مع الهوش والبوش حجر صحي ههههههههه

وبيعطونك هناك حوش لحالك ... وبيخلون حد من هالبهايم يسهر على خدمتك ههههههههههههههه

[منصوريه]

ههههههههههههههههههه الله يقطع عدووووك

انزين شو بتسوي اذا حد قالك مبروك وعلى شو انت ما تعرف وكملت الموضوع معاه بس مقطعنك الفضول تبى تعرف على شو مبرووك

شكله خيال بيرد قبلي هههههههههههههههه

[فــ الكلمة ــارس]

انتوا ماتخلون حد يرد على راحته

[منصوريه]

ههههههههههههههههههه احلى شي يا خيال بسهر مع القمر والظوووو

وبقرص وبحلب البوش وبشرب وباكل بدون محاسبه ولا وقعه على الاكل هههههههه

[الــشــيـبـانـي]

بذ عمري لين ما اعرف الموضوع شو هو

[منصوريه]

ههههههههههههههههههههههههه خيال دامك هني ما شي على راحتك ههههههههههههه

[مشتــــــــــاق]

انزين شو بتسوي لو كنت رايح الدكان وشفت جلب جدامك ههههه؟؟

[وحدانيه]

أولا أنا ما روح الدكان ألحين
كنت قبل
ألحين خلاص
ثانيا اذا مر لي هالموقف وأنا كنت إصغيره يمكن وبكل براءه أروح ألعب وياه
من دون ما أدري شو اللي بسويه فيني
وإذا ما سوى فيني شي بشتريله حلاوه من الدكان
وإذا سوى فيني شي بشتريله بيبسي عسب يدوخ منها لأنه برأيي ما يحبون الغازات
ههههههههههه

[الــشــيـبـانـي]

انا بشرد مثل ما يقول المثل :(( شرده نص المريله ))

خخخخخ

[وحدانيه]

انزين شو بتسوي اذا
كنت مستعيل وطلب حد منك انك اتسويله شي و انت تتريا موعد مهم
بس الطلب يستغرق انه نص الموعد يفوتك
يا ترى اشلون بتتصرف
مثلا أبوك طلب منك الطلب

[الــشــيـبـانـي]

بلبي طلب ابوي اول شي بعدين بسير بسوي شغلي

بالمعنى اسوي الشي الاهم اول شي ..

شو بتسوي لو الاستاذ ما خلاك اتجاوب ولا جواب في الصف و حاطلك علامة مشاركة (( علامة السقوط ))؟؟

[وحدانيه]

بكل بساطه
بشتكي عليه في الاداره
بس الأستاذ ما يسوي شذي الا اذا أخذ منك موقف مب حلو
بس على حسب الاستاذ

[الــشــيـبـانـي]

و في مرات اساتذة اذا شافوك شاطر ينزلون مستواك

[وحدانيه]

يمكن

انزين شو بتسوي اذا حد قالك كلمه مب زينه يعني سبك
وانت ما يهمك أمره
بطنشه
ولا بترد عليه

[الــشــيـبـانـي]

بقوله الله يسامحك

و اذا في المدرسه بشتكي عليه

شو بتسوي لو يبت علامة مب زينه في الشهادة بس في الامتحان التحريري علامة جيده ؟؟؟

[وحدانيه]

بنقهر
..................

[الــشــيـبـانـي]

هههههههههههه

[وحدانيه]

شو موقفك اذا حد عطاك كف عويهك
وهو عزيز على قلبك
غير الماما والبابا

[الــشــيـبـانـي]

امممم بسكت عنه لين ما يهدأ و نتصالح ...

[وحدانيه]

غرييييييبه

[العيناويه وبس]

وين السؤال ؟؟

اممممممم (( شو بسوي اذا في شخص يقول عنك كلام ونته مافيك شي من هذا الي قاله ))


العيـ وبس ـناويه

[مشتــــــــــاق]

يمكن هالشخص متغايض منك ..

" شو بتسوي لو حد يرمس من وراك "..

[الــشــيـبـانـي]

هههههههههه

ما بسوي شي بتجاهله...ليش اسوي مشاكل و ضرايب و اقوله ليش ترمس من وراي ... خله يرمس من وراي قد ما يبا

[الحزينه]

الشيباني .. ما كتبت لي موقف ..

اوكي انا بحط
شو بتسوي اذا اعز شخص على قلبك تخلى عنك وبدون سبب .. ؟؟

[مشتــــــــــاق]

بصبر عليه..يمكن انا زعلته فشي..وبتفاهم وياه..وبتم اذكر اذا سويتله شي او قلت شي يجرحه ..

" شو بتسوي لو بشكارتكم شردت من البيت " هههه..

[وحدانيه]

ما بسوي شي
أبوي واخواني اللي بسوون
بس أنا ببتلش في البيت والشغل اللي فيه
وااله يعين ذيج الساعه

يمكن أنا اللي أشرد
بعدين
ههه

[مشتــــــــــاق]

ههههههههههههههههههههه..بس وين بتروحين ؟؟ هههه..

" شو بتسوي لو حطيت بيبسي فالثلاجة ..ويوم اتيي عسب تشربه ما تلقاه "" يمكن خطفوه " ههههه..

[وحدانيه]

عاااااااادي
اللا هيه بيبسي

عيل اذا سيارتك

[الـهـجـران]

اذا سيارتي سرقوها؟؟ بسير بسيكل خخخخ

قصدي بييبون طيارة حقي <<< vip

هه شو بتسوي لو اعز الناس لك لابسنك؟

[حرقــوص]

بحاول اعرف شو الي مزعلنـــه ؟؟ وبمشي عليه وبرضيــــه ؟؟

وذا ما يابته الرمســــه على قوله الشواب :- ما بتعرف اقديري يلين ما اتياور غيري ...

انزين شو موقفك / موقفــج كنت في عزيمه ؟ ومكان مزدحم ولسبب من الاسباب كلت بايدك .. وما خليت شيء

وتكتشف انه ما فيه مغاسل ؟؟ شو بتسوي ؟؟

وخاصه لو فرضنا انك بتسلم على شخص بعدين مثل الاعراس مثلا ؟؟ :) :) :)

[مشتــــــــــاق]

شي اختراع اسمه " وزار " ..بمش ايديني بالوزار ههههههههههه..شو انسوي ما شي حل ثاني ..ولا اقول ..بتيمم هههههه..

" شو موقفك لو كنت تحب واحد وبعدين اكتشفت انه ما يحبك..ولا جنه كان يحبك قبل "..

[الــشــيـبـانـي]

بركهه كره الدنيا و لا بكلمه ولا بعطيه ويه

و بسوي اي شي يغيضه