المساعد الشخصي الرقمي

مشاهدة النسخة كاملة : مسكينه تبكي


مطر
28-04-2002, 12:34 AM
هذه قصه...حقيقيه ميه بالميه...

مرت ايام وهي تبكي ....تبكي ليل نهار تبكي.

..تبكي لحد ماقاربت اعيونها على العمى...

وهي تبكي ...يسألونها ليش البكي ..؟

وهي تبكي...

تبكي حضها العاثر...اللي رماها رمية غدر مابين نيبان الزمن...

مرة سنه وهي تاخذ الزاويه من البيت وتبكي...لي يشوفها يحن قلبه لها ويقولها

لاتبكين ...وهي تجاوب لو تشوفون اللي انا شفته بكيتوا غصب عنكم....

حاولوا اهلها يساعدونها ...مالقت من يثيب ويقعد مكانها...

المشكله تأخرت ويزة الخدامه وهي كل يوم عليها تقطيع البصل....

وحليلها صدق انه غصبن عليها تبكي
:D :D :D

شو تسوي يوم هي يالسه في زاوية المطبخ...

وكل يوم اتقطع بصل عند الغدا والعشاء...:)
شروق الشمس
28-04-2002, 02:13 AM
هههههههههههههههههه
حتى انا اعاني من نفس المشكلة
ما حب تقطيع البصل :(

مشكور اخوية لكن اتحريت السالفة جايدة .. لكن طلعت بصلة ‍‍‍!!! :)
الرحـ2000ــال
28-04-2002, 07:16 AM
مشكور اخوية على هالقصة
والحل موجود
في شركة ام ناصر
راجعو الوعد اثناء الدوام الرسمي
من الساعة 2 الى الساعة 4 صباحا
ومن الساعة 10 الى الساعة 6 مساءا

ههههههههههه

مع تحياتي
الرحال
لولوه
28-04-2002, 12:37 PM
والله يا مطر عليك حركات

وانا اقرا ومندمجه واتوقع السبب ليش البنيه تصيح وآخر شي

تطلع المشكله بصله :mad:

والله انت الي يبيلك تقطع بصل عنها :D

لكنها حلوه منك وااااايد

لو كل واحد مشكلته بصل جان هانت المشاكل
شروق الشمس
28-04-2002, 02:29 PM
لولوه
تتحرين تقطيع البصل امر سهل ويسير
حبيبتي تقطيع البصل وراه سالفة عودة الا وهي ... الطبـــــــخ :(
لولوه
28-04-2002, 03:01 PM
اممممممممممممم شهيتيني
شروق الشمس
28-04-2002, 03:25 PM
هههههههههههههه
شو مشتهية تاكلين
مجبوس - برياني - صالونة .. أمري ;)
الحالمة
28-04-2002, 11:19 PM
ههههههههههههههه.. و عقب كل هذا البكة السالفة بصل..
هي طبعا وياها حق.. البصل.. تقطيعه شيء مش سهل..
غمضتني,,

و انت بصراااااحـــة.. واحد سالفه.



تحيـــاتـــي
الحـالمـــة
مطر
29-04-2002, 12:16 AM
هلا عزيزتي ...

اقول مادام اتعانين من نفس المشكله ....ركبي نظارات مال البقره الهولنديه التي

تطلع في الدعايا في التلفزيون اظني تذكرينها...النظارات الكبار....تذكرتيها؟ّ!!

اوكي زين...

اقول ولا لاتلبسينها يمكن اتشوفين البصله كبر اليحه وبدال ماتصيحين يغمى عليك....

هههههههههههه:D
مطر
29-04-2002, 12:21 AM
هلا اخوي الرحال..

وحلوه منك مراجعة الوعد:D

بس يمكن ابروحها يالسه اتصيح ماشوفها وين سارت....؟:rolleyes:

المهم بلغها انها شوي اطول في المواعيد الصيف ياي والزباين بيكثرون...:)

وخاصه مال المطاعم الشغل بيزيد...في مهرجان الصيف في دبي...:D

وتسلم يا خوي على الرد...;)
مطر
29-04-2002, 12:29 AM
شكرا عزيزتي الطيبه على الرد...

اشدراك اني ماقطعة؟؟

في يوم من الايام كنا سايرين رحله مع الشباب على البحر ....

وحبينا نطبخ وكل واحد يسوي شيء المهم قالولي انته اختار اتسوي قلت اسهل

شيء البصل ....ويوم قطعة كنت بشرد ولا خلوني حلفوا عليه اكمل التقطيع ...:)

وسويت عمري متضايق:(

ويلست اقطع جني مكينه....ديزل تك تك تك تك تك تك تك تك تك تك تك

المهم تميت اصيح وامسح الكلينكس بعيني ...ويتحرونه متضايق واصيح وحليلي يتحرونه ياهل..

المهم يوم شافوا السالفه جذيه قالوا لي خل عنك....وقلت الحمدلله ...وقالوا لي سر ارتاح..

قلت لا والله وجان اقوم واقطع الطماط....

اسهل شيء جان احطلهم بزار داخل الطماط...وكل ماكل حد منهم طماطه حرقته وقامو عن الاكل

ويلسة بروحي اكل على راحتي....وتوته توته خلصت الحتوته ولا الحدوده كله واحد اهم شيء فيه دوده:D
مطر
29-04-2002, 12:35 AM
اهلين وسهلين الحالمه...

نعم بعد كل هذا السالفه بصله ليش صدق تتحرين السالفه هينه على قولة شروق الشمس

السالفه وراها طبخ....وعقب الطبخ فيه ياهزاب يامدح....

وحده من الاثنين يافوق ياتحت...ليش اصنصير..؟:D

اتحراه لفت...:)

اقول يربي مره وحده وحطيلك بصله على شاشة الكمبيوتر وشوفي السالفه بسيطه ولا صعبه:D