وصية الحب

[مطر]

الشعر اللي بكتبه لازم تعرفون قصته قبل لا تقرونه :

واحد اسمه خالد جاه مرض و قالوله انه بيموت... جا كتب الشعر لصديقه يقوله فيه
انه يحب حبيبته و يخليها تنساه ....



وصاتي لك من بعدي.. تموت فيها علشاني

ابيها تعيش و تحيا بك.. واظل بالذاكره مفقود

وصاتي لك تنسيها.. ملامح وجهي و تنساني

وتعزفها قصيدة حب.. على عكس اللي عزفته بعود

وصاتي لك تبعدها.. عن اشعاري وقيفاني

تراها مغرمة بالحيل.. ويشهد لي عدد الردود

وصاتي لك تسايرها.. ترى فيها من احزاني

طلبتك لايضيق بالك.. طلبتك والطلب مردود

وصاتي لك تناديها.. حياتي..عمري..ازماني

انا عودتها دايم.. ادلعها وانا موجود

وصاتي لك تعاملها.. بطيبه قلب و احساني

تراها تذرف الدمعه.. ودمعتها بليٌا حدود

وصاتي لك تحفظها.. سور وآيات قرآني

وتخبرها عن الميت.. رحل لايمكنه بيعود

وصاتي لك ترسمها.. على قبري وأكفاني

ابيها لوحة تبقى.. على طول الزمن محدود

وصاتي لك تمازحها.. وتشوف الضحكة بأسناني

سعيتك ياضحك هالكون.. طلبتك لاتصير جلمود

وصاتي لك تقهويها.. من دلالي و فنجالي

تراها تعشق السمرا.. ويكفيها دخون العود

وصاتي لك تركبها.. على خيلي و على حصاني

وربي فارسة من قلب.. شهادة ماهي لشهود

وصاتي لك تسفرها.. بلاد الشام و لبناني

ترى يحلالها تقطف ورده.. وردة من بلد الورود

وصاتي لك تراقصها.. على الحان رحباني

ترى فيها عرق خالة.. وفيها من جنون السود

وصاتي لك تحببها.. فأبونورة بعد هاني

وتنسيها ندم غلطة.. انا فيها ترى المقصود

وصاتي لك تكرهها.. في تاريخي و عنواني

أبيها تلعن اللحظة.. وتلعن كل فرح موعود

وصاتي لك تكلمها.. عن المجني وعن الجاني

وتخليني انا الظالم.. وانا من حرق الاخدود

وصاتي لك تشبهني.. بدم أحمر قاني

وانا هالقاتل السفاح.. مجرم من عصر نمرود

وصاتي لك تحلفها.. تتوب تحبني ثاني

ترى يكفيها ماعانت.. ويكفي حيلها مهدود

وصاتي لك تنسيها.. وصية قالها لساني

أنا اخبرك رجل موقف.. وانت قدها وقدود

صديقي مالقيت غيرك.. يعرف وشلون تنساني

أمانه ضمها بقلبك.. ترى خالد....رحل مايعود




منقوله من الايميل.

[الحالمة]

الله يعطيك العافيـــة .. ما قصـّــرت..

و هل يتبدل الحبيب بحبيب؟!..
و هل يكون النسيان جزاء للعرفان و الحب الخالد..

الله يصبّـــرها على فقدان حبيبها..
و يا سبحان الله.. يوصي بحبها و تدليلها حتى بد مماته..

و أنا أقول وين قريت هالقصيدة.. و متأكده أني رديت عليها.. سبحان الله شوف يا مطر الصدفة لعبت معاك و بحر العنا.. أنكم تختارووون نفس الاختيار..
بس كل واحد منكم عطاها اسم شافه الأقرب لمضمونها.. تسلمون.. و بصراحة ما قصّرتوا..

تحيـــــاتـــي
الحـــالمــــة

[عــيـ دبـي ــون]

مطر
تسلم على هذي المشاركة والله يعطيك العافية أخوي

[باربي]

اخوي مطر + شواقه

نفس المشاركات و نفس القصايد

المهم القصيده حلووه

مع اجمل تحياتي باربي

[شروق الشمس]

قصيدة مؤثرة .. وتخنق العبرة :(

تسلم أخوية