مواصفات ست الحسن

[©™¤§امارات§¤™©]

يقول فلان بن فلان الفلاني :

اسمعوا اذا يا حد يخطب من اهم شروطه الاتي ...

وتعتبر كل هالسوالف من الاساسيات:
ابــــــغي وحــــــــــــــده شعـــــــــرها طويـــــــــل

مع انهم لو يقارنون بين محاسن الشعر القصير والطويل راح ترجح كفة الشعر القصير
لو سمحتوا انا ما يخصني !!
وعلى حد قول هالفلان الفلاني
اثبتت الدراسات التي اجريت ان للشعر الطويل مساوئ جمه

اولا: تستهلك اسبوعياً شامبو هذا اذا صار شعرها ناعم

يعني لو خشن اضف للقائمه بلسم زيت وخلافه

يعني تحدد ميزانيه لنظافة شعر زوجتك ولمعانه وحيويته.

ثانيا: تستهلك كميه كبيره من المياه اثناء غسل شعرها

تقعد تبربس في هالمويه وتغسل هالكشه مدة لاتقل عن ساعتين ان مازادت
وتخلص الماي عن الحاره وفي الاخير تأثر على مستوى المياه في الدوله

ونحن دوله صحراويه وين ترشيد استهلاك المياه؟؟؟؟؟

ثالثا: تستهلك كهرباء

حطوا تحت هالنقطه عشر خطوط

تقعد تنشف في هالشعر وتستشور فيه 3 ساعات وتسحب من هالكهرب

وعاد مايبيلها كلام فاتورة الكهرب من اصلها مملوحه من غير شعر زوجتك

كيف معه تنفضك نفاض

رابعا: فى المناسبات والاحتفالات الله يكون في عونك

شعرها طويل وشو بتسوي فيه لازم تسريحه لاتقل عن 500 درهم

خامسا: تتعبك نفسياً

يعني اذا يتك من عزيمه وطاحت شعره من شعيرتها تقعد تنوح اليوم كله
وتقول نضــــــــــــــــــــــــلـــــــونــــــــي
وتهبك وتسندك وراها من مطوع لمطوع من غير عاد الفلوس اللي بتدفعها
لزيت والماي الموفاي فيه وغيره
هذا اذا ماخلتك تمر كل بيت وحده حضرت العزيمه ومعك طاسه ماي
تخليها تتفل فيه

سادسا: تتعبك جسديا

راح تلقى شعرها في كل مكان في صحنك على ثوبك

واخرتها بتطيح بالمستشفى يستخرجون الحصوه اللي في معدتك

ملاحظه:الحصوه شعرها تجمع في بطنك
انشاء الله تلفك بشعرها وتخليك مثل المومياء

سابعا: تسوي اشتراك سنوي مع احد السباكين

طبعا عشان تفتح المجاري المسدوده بسبة شعر زوجتك المصون

وشو اقول وشو اخلي بلاااااااااااااااوي متلتله
على لسان...
فلان بن علان العلاني

عساكم بتقولون

ابغي وحده شعرها طويل؟؟؟؟؟؟؟؟؟؟؟؟

انا عني بنت وشعري طويل الحمد لله والشكر ولو ما يباني خله يدق راسه باليدار
ولا شو رايكم بناااااات؟؟؟؟
;)



تحياتي
امارات(h) (h)

[نبراس]

مشكوره اختي على مشاركتك الخفيفه

بس انا اخالفك الراي ( الراي والراي الاخر) ومانتم مجبورين...... إن جمال البنت في شعرها
وبالنسبه لي انا مااحب البنت راعية الشعر القصير:mad:


انا مت من الضحك من النقطة الخامسه : تتعبك نفسيا :D عسى مانتي منهم :p :p :p

خلي اخلاقك رياضيه(أضربك) ولاتعصبين علي


(hi)
نبراس

[زهـرة الـوادي]

أبيه :rolleyes:

كل هذا يطلع من الشعر الطويل :rolleyes:

حشى جنّــكم تحلون مشكلة الشرق الأوسط :rolleyes:




:D الله يعينكم يا بنات(h)

[الرحـ2000ــال]

والله حاله
كل شيء ولة اوصاف ومشاكل
مستوين اندور عن سيارة ومواصفات


خلاص يابوي
بطلنااااااااااااااااااااااااااااااااااااا
ما نبي نعرس




ههههههههههههههههههه

مشكورة اختى على هالموضوع
مع تحياتي
الرحال

[شروق الشمس]

الرحال اتعقد من العرس والحرمة :(

[©™¤§امارات§¤™©]

احسن يا شروق خلهم لا يعرسون ;)
وهذا المطلوب ولا كل هذا في ذات الشعر الطويل :mad:


تحياتي للكل (h)

[ضوى الروح]

ههههههههههه طلعتو الف عيب فيني
ادري شعري يستهلك شوار مدة طويلة
وغير الشامبو والكوندشنر والحمام الزيت و.........و......... شغلانه شو اقول لكم بس

يباله سالفه بس اعتقد الي بيآخذني عسب شعري طويل ولا قصير فأنا ما اباه خليه يدور على وحده تنعش له كل يوم هههههههههههههههههه

لأن الشعر شئ كمالي مو أساسي
تحياتي لذوات الشعر الطويل

ضوى الروح

[©™¤§امارات§¤™©]

هلا هلا يا ضوى
اعتقد اتكلميني ....من ذوات الشعر الطويل اللهم لا حسد

:D :D

شكرا لمشاركتج (h) (h)

[باربي]

امارات

هههههههههه و اللى شعره طويل شو الحل اقصه

مع اجمل تحياتي باربي

[الحالمة]

هههههههههههههههه.. كل هاي السالفة علشان الشعر..
موضوووووع مرح و حلـــــيو..


تسلمين..
تحيــــاتـــي
الحـــالمـــة

[©™¤§امارات§¤™©]

الحالمه حياج حبيبتي

واشكرج على تواصلج :)

باربي عن اتسوينها الغاليه واتقصينه لا :D بعدين محد يباج...وتبتلشين


امارات (h) (h)

[شروق الشمس]

انا مع باربي
الحل في المــــقـــــــــص :rolleyes:

[©™¤§امارات§¤™©]

افا يا شروق اتسوينها بعد انتي ؟؟؟

لا اسميني سويت مصيبه بهالموضوع :D

[شواقه]

انا ويا اختي الامارات في الرأي
و في مثل يقول ،،هذا يوم إيون الناس بيخطبون البنت شو يشوفون فيها،،يقول المثل
((بنت الفقير بطول شعرها،،و بنت الغني بكثر بيزاتها))

و انا ويا ذوات الشعر الطويل :D

اختكم..شوااقه(h)

[شروق الشمس]

شواقة
عيل مصاريفج وايد مثل امارات ‍‍!!