المساعد الشخصي الرقمي

مشاهدة النسخة كاملة : حاجــز الصمت


محمد بن خادم الكتبي
18-04-2002, 04:08 PM
مراااااحب للجميع

لي متى وإنتي وأنا؟
والشوق حاير بننا
لي متى وإنتي وأنا؟
والصمت حاجز بيناا
لاني قادر عالحكي..
ولانتي بالك معي..

*******
لي متى وإنتي وأنا؟
ليل وسنا..
لا الليل قادر يستنير..
ولا السنا دون ليله سنا..
خايف أحكي وابتدي..
تاخذك فيني الظنون...
تتعبي .. وأتعب أنا..

*******
لي متى وإنتي وأنا؟
مراسينا شوق وعنا..
تشتاق لي..أشتاق لك
ولا زمان يضمنا..
ترسم عيونك..حروفي
وأعشقك..
وامشي الخطوه منى..

*******
لي متى وإنتي وأنا؟
والعمر تاليه الفنا..
هاتي يدينك ياغلاي
وأبتدي...وتبتدي..
ونعيشه حلمنا
انتـــي وأنـــــا
باربي
18-04-2002, 04:20 PM
تسلم اخوي

على هذه الخاطره الرائعه

مع اجمل تحياتي باربي
بنت جميرا
18-04-2002, 04:24 PM
رائع انت دائما كما عودتنا دائما

شكرا لك اخ محمد الكتبي
©™¤§امارات§¤™©
18-04-2002, 05:20 PM
تسلم يالكتبي على كلماتك الجميله ..
وننتظر المزيد ...



تحيات...


امــــــ الكتبي ــــارات
(h) (h)
شروق الشمس
18-04-2002, 07:32 PM
خاطرة رائعة
تسلـــم والله يعطيك العافية
عــيـ دبـي ــون
18-04-2002, 07:52 PM
شو تباني اقول أخوي الكتبي
بصراحة يعجز لساني عن الوصف...او الرد:)
وماقول غير الله يعطيك العافية
روااااااااااان
18-04-2002, 09:00 PM
الللللللللللله على الخاطره الروعه00أخ محمد الكتبي000
وأمام كلماتك أسمح لي بالرد بكلمات متواضعه000


لي متى أنت وأنا000
في عذاب وأسى000
حاجز صمتك كل يوم يزيد000
بعدك عني أظلم ليلي00
وقتل كل سنااااا000
لو تدري هجرك لي000
دمر كل أحلامنا000
لي متى وأنت بعييد000
لي متى وصدك يزيد000
لي متى بعذابي تفرح000
وانتظر حلم بعيد000
لي متى عيوني بعذاب000
وقربي لك يزيد العنا000
لي متى أنا بوهم000
أسمه حبيبتي أنااا000


وسامحني على الرد000ويعطيييك العافية0


رواااااااااان
الحالمة
18-04-2002, 09:35 PM
لي متى نرفض نكون احنا سوى؟!
ليه يا عمري تعاند و تطلب تعيش البعاد؟!
انت شمسي و القمر بليلك أنا!!
انت تسأل لي متى؟!
و انت أدرى انك انت المشكلة!؟
ترفض انك تحتويني و احتويك!؟
ترفض تكون بحياتي لي شريك!؟
انت راضي ببعدنا!؟
لا تقول و لا تساءل ليلنا!؟

انت بحلامي سراااب ما يعود..
اجري يمّه، اتساءل لي متى تجري بعيد..
كنت أحاول أجمع اشتات قلبك يا العنيد..
و انت تبعد تستريح بتعذيب قلبي في كل عيد..
لا تقول لي متى نبقى بعاد انت و أنا؟!
انت أدرى منّي و أدرى من عيوني..
انك الماضي التليد..
انت كل اللي عشقته و اهتويته و لا يزيد..
ارتجيتك و انت ترفض لي تكون ذاك الحبيب!؟
ما سألت ف يوم عمرك.. ايش ذنبه هالوحيــد؟!
باع هالدنيا عشاني!؟..
فارق أحبابه و داره و احتمى فيني يجيد!؟..

ان كنت خايف أني أتعب و أتعبك.. لا لا تعيد..
لا تساءل لي متى نبقى بعيد؟!
خلّـك لغيري هديّــــة ما أبي منك إلا الزهيد..
احتفظ باسمي ذكرى.. و الهدية خلها منك قريب..
لا تناسى قلب حبّك صادق الوقت المجيد..
انت بد الناس و بعدك القلب ما يريد..
لا تساءل.. لي متى..
انت انسان عنيـد..


راااااائعــــة خاطرتك استاذ محمــــد.. و بصرااااحة أنا آسفه على المداخلة اللي ما تساوي كلماتها ميزان كلمة من كلماتك الجميلة جدا..
أملي أن يكون اجتهادي في المسايرة.. قد أعجبكم...



تحيـــــــــاتــــي
الحــــالــمـــــة
زهـرة الـوادي
19-04-2002, 09:47 AM
الكتبي :)

هذا البحر من فيض .. ولازلت تروينا من فيضك الدافق :)

و من بحر عطائك .. و من أمواج أحاسيسك :)



أتمنى أن يحالفك التميز في خطواتك

و إلى الأمام دوما إن شاء الله (h)
الغــMــلا
20-04-2002, 12:47 AM
مرراحب
الخاطررره رائعه جدا مثل ماتعودنا منك
كل خاطره اروع من اللي قبلهاااااا
يعطييك العافيه
تحياااتي (hi)