بدون عنوان

[غدر الايام]

الصراحة التغيير اللي سويتوه يطفش الاعضاء ؟...
قبل الواحد يعرف من رد وش المواضيع اليديده .. من غير ما اتسير ادور في متاهات .. والحين .. ما تعرف من هنا .. و من يرد عليك ... وما ادري شو ..
قبل ها التغيير الواحد يحس انه في حركة في المنتدى ..بس الحين جنك داش في غرفة مظلمة ما فيها حد غيرك ....
ما ادري شو رايكم .. لا وبعد اللي يدش مب عضو .. ما يقدر يدش ولا يقرا اي موضوع ..
زين عندنا لا بات الكي بورد مالها مش عربي .. شو انسوي كيف ندخل .. تجبرونا انرد البيت وانرد او نقرا المشاركات ....
ما ادري شو القصد من التغير ..
والسموحة ... شكلي اتكلمت وايد .. اتمنى احصل الرد اللي يريحني ..

[طيـــــ الفال ـــــبة]

غدر


شو السالفه ؟؟

انا عندي كل شي شغال

يمكن العله من عندك ؟؟.. :)

[الرايقه]

هيه صح .. حتى انا كل شي عندي اووكي ..

يعطيكم الف عاافيه ,,,

[أعمـــاقـ]

السلام عليكم ورحة الله وبركاته
ــــــــــــــــــــــــــ

غدر الايام انا معاك في اللي قلته اخوي ,, وفي نقطه ثانيه مهمه الظاهر غابت عن عيون الاداريين

ما لاحظتوا في الفتره الاخيره بانه عدد الاعضاء زاد بشكل كبير ,, كل يوم اكثر من 5 اعضاء يشتركون وكلهم عدد مشاركاتهم صفر ,, هذا كله لانه حابين يقرون المواضيع لكنهم مش حابين يشاركون ,, فما اعتقد هالشي في صالح المنتدى ,,

واسمحولي ,, وجهة نظر مش اكثر

ــــــــــــــــــــــــــــ

أعمـــــاقـ

[محمد بن خادم الكتبي]

مرحبا

اشكركم على ملاحظاتكم
اولا انا ما ادري كيف ماتشوفون المشاركات الجديده وكيف ماتعرفون من رد على مشاركاتكم مع انه كل شي
واضح وخاصه انه في تحت احدث خمس مشاركات

ثانيا بالنسبه للزوار فيه اشياء فنيه انتوا ماتلاحظونها عدد الزوار شهريا للمنتدى مليون زائر بحسب احصائيات السيرفر
وهذا سبب لنا وايد من المشاكل في التصفح واعتقد البعض لاحظ هالشي

لذلك قررنا انه مايكون فيه تصفح من الزوار حفاظا على تصفح المنتدى وعلى راحتكم اللي يبا يقرى يسجل وبيكون
من حقه انه يتصفح واسمه عضو مع الايام بيشارك

فيه اشياء نسويها عشان نحاول نخفف من الضغط عالمنتدى .

وتأكدوا انه مافيه خطوه نسويها الا بعد تفكير ولما نشوفه لصالح الجميع نقرر نسويه

والسموحه منكم

[جسر المحبة]

من وجهة نظري ان المنتدى بهذا الشكل احلى ...........

[أنا]

وانا اشوف..

لو نرجعه شرات قبل احسن.........:)

والتصفح صار ابطأ ....... بيني وبينكم المكان صار مثل الدهليز يوم ندخله!!

وجهة نظر لا أكثر...........:)


تحياتي وسلامي أنا:)

[زوايا عيون]

وانا كذلك اشوف قبل افضل

لكن الادارة المسؤولين عايزين كدا

[غدر الايام]

يلا كل حد له وجهة مظر ونحن علينا .... ما ادري شو