غناةالروح
13-02-2004, 06:23 PM
رجعت لسكة أحزاني أنين الشارع المهجور
على نفس الوهم أمشي بضيق الدرب بأحزاني
يطل الخوف من عيوني يدور للأمان حضور
يعانق بالندم نظرة تضيع فـ عبرة أشجاني
يمرني الوقت مستعجل وينسى يحتضني شعور
على حد الألم قلبي جلس.. والوقت عداني
نفضني كل فرح مرني على غفلة حزن مغرور
تلقفني الزمن يضحك على ياسي وحرماني
أضم الهم وإحساسي أخذني للورا مجبور
لدنيا كانت الفرحة سما والضحكة أوطاني
على ذاك الوعد جرني زمان العاشق المغدور
رمى همي على قلبٍ شعوره فارق أزماني
مشيت فـ دربنا المنسي مشيت وخافقي مبهور
أطالع حول أتامل .. سكون الكون بكاني
أدور للقا لمحة .. تطيب خاطري المكسور
أملي بشوفها (اللمحه)عيني وأحضنها بأجفاني
تغير كل شي بعدك تلعثم بالظلام النور
أنادي لك .. وأنفاسي تبعثر صرخة لساني
تمرغ بالألم وجهي وبات بهالشقا مغمور
تضيعني تعابيره .. وأجهل كيف تلقاني
تلبسني الحزن وأصبح رفيقي والهنا مأسور
ف ركن أجهله بعدك وأعرف ليه ما جاني
لأني من بعد عينك شعوري طار به عصفور
رحل لأبعد مدى وقفّى ولا رد لي من ثاني
وقلت بداخلي ترجع .. بنيت من الأماني قصور
وكنت أضحك على نفسي إلين الوقت صحاني
زماني غرني ضحكك تبعتك والنظر مسحور
هقيتك بالفرح تزخر .. صدمني فرحك الفاني
صدمني وبعدها جرني لسكه حزني المنثور
على نفس الطريق أمشي ألملم باقي أحزاني
على نفس الوهم أمشي بضيق الدرب بأحزاني
يطل الخوف من عيوني يدور للأمان حضور
يعانق بالندم نظرة تضيع فـ عبرة أشجاني
يمرني الوقت مستعجل وينسى يحتضني شعور
على حد الألم قلبي جلس.. والوقت عداني
نفضني كل فرح مرني على غفلة حزن مغرور
تلقفني الزمن يضحك على ياسي وحرماني
أضم الهم وإحساسي أخذني للورا مجبور
لدنيا كانت الفرحة سما والضحكة أوطاني
على ذاك الوعد جرني زمان العاشق المغدور
رمى همي على قلبٍ شعوره فارق أزماني
مشيت فـ دربنا المنسي مشيت وخافقي مبهور
أطالع حول أتامل .. سكون الكون بكاني
أدور للقا لمحة .. تطيب خاطري المكسور
أملي بشوفها (اللمحه)عيني وأحضنها بأجفاني
تغير كل شي بعدك تلعثم بالظلام النور
أنادي لك .. وأنفاسي تبعثر صرخة لساني
تمرغ بالألم وجهي وبات بهالشقا مغمور
تضيعني تعابيره .. وأجهل كيف تلقاني
تلبسني الحزن وأصبح رفيقي والهنا مأسور
ف ركن أجهله بعدك وأعرف ليه ما جاني
لأني من بعد عينك شعوري طار به عصفور
رحل لأبعد مدى وقفّى ولا رد لي من ثاني
وقلت بداخلي ترجع .. بنيت من الأماني قصور
وكنت أضحك على نفسي إلين الوقت صحاني
زماني غرني ضحكك تبعتك والنظر مسحور
هقيتك بالفرح تزخر .. صدمني فرحك الفاني
صدمني وبعدها جرني لسكه حزني المنثور
على نفس الطريق أمشي ألملم باقي أحزاني