كم هير بيبي.....

[أنا]

اول شي: طرشو اخوكم الصغير الدكان.. ولا اقول اتصلو وهو بيي
يالله اتصلتو.. اوكي قولوله اييب جيس سلايس بس من الكبار..
وجبن كيري طبعا حجم متوسط وكبير اذا عادي بتسجلون ع الحساب

اوكي الحين .. لين يوصل راعي الدكان جهزو وعاء(طاسه) وحطو فيها حليب ..
عاد بكيفكم حليب فرش ولا نيدو وماي عادي ماعليه خلاف

اقول نشو فتحو الباب راعي الدكان وصل ..
تعرفون ترى يعلق الجيس في الباب ويسير لاايي حد وياخده:(

انزين الحين ييبو السلايس وقطعو اطرافه وعقب الحبه سووها بالنص.. اوكي
والجبن الحبه سوووها بعد جزئين

هاااا خلصتوووو....
يالله عاد بسرعه عشان اكمل..


اوكي الحين ييبو نص السلايس وغمسوه في الحليب
وبعدين حطو قطعة الجبن في وسط السلايس وكوروووه
طبعا وانتو تكورون حاولو تضغطون عليه شوي لين تصير كره.....وجي يعني كل ساعه حبه ..
وعقب تقلوونه في زيت حاااااااامي وبعدين تحطونه في ماء قطر لين يتشربه عدل...

ويمعو الصغاريه وعطووهم اسمي بيستانسون تراه طعمه مثل اللدوه الهندي بس بشكل مبتكر ومفيد وصحي للاطفال

ملاحظه : وانتو تسوون الاكله هاي اياني واياكم حد يشوفكم لان منظر التحضير تووووووب..
والحليب يسيل بين اصابعكم والحاله ع الله بس والله جربو شوفو شي مرتب يطلع في الاخير
@8@


ولكم تحياتي وسلامي أنااااااااااااااااا:)

[دمــ اللؤلؤــوع]

.
.

يم يم دام السالفه فيها جبن كيري .. اكيد بتكون روعه
بس انا اذا سويتها .. شكلي بخلص الجبن قبل ما احطه في السلايس :D

يسلموووووووو مدام انا على الاكله ..:)
وعلى طريقة التحضير .. صراحه طريقتج تووووووووب .. في الشرح التفصيلي بعد :D

.
.

[أنا]

شفتي عاااااااااا

عشان تعروفووووون بس ان اناااااااااا( شيفه) ناجحه:)


تراها مؤنث شيف خخخخخخ


تسلمين ع المررور دموووعه


تحياتي أنا:)

[Methayel]

http://www.mowjeldoha.com/mix-pic/borders/www.mowjeldoha.com-borders-54.gif




السلام عليكم و رحمة الله و بركاته

الله طبخه حلوه انا بطبقلكم لايف في المنتدى بس الله يعين ما احرق المنتدى و انا اطبخ :)

http://www.uaekitten.com/goodies/hungry/esp4guys/cb06.jpg

http://www.uaekitten.com/goodies/hungry/esp4guys/cb08.jpg

شفتوا ما اشطرني عاده انا احب ازينه بالفستق عاد سيده انتوا ما شفتوا التقطيع سيده على القلي احسن صح

هني و عافيه و شكلها يمي يمي روعه بس انا و ماماتي دموع بناكل @39@ @39@

انا اطبخ و هيه تاكل :)



مثـــــــــــــــــــــايل


http://www.motheer.net/freesite/mohra/right1.gif

http://www.alkitbi.net/vb/attachment.php?attachmentid=2540&stc=1&thumb=1

[شروق الشمس]

تدرين يا انا .... انا ما احب هالحلاوة وايد
افضل الليقيمات

[سررراب]

ياااااااااي انا اكله ووووايد حلووووووه ثااااااانك علي الوصفه.........

سررراب........

[نسيم_المطلعي]

يسلموووووو الاكله شهيه و الله و انا اقرا الروااااان يسيل
ما شا الله عندنا الشيف أنا السيد
على وزن أسامه السيد
^_^
نتريا الوصفات اليايه

[أنا]

مثايل تسلمين ع توضيح المقادير و الطريقه



وهاذي المقادير والوصفه بشكل علمي مدروس:)


المقادير
1 كيس توست صغير
6 مكعبات جبنة طرية غير مالحة (120 غرام)
1 كوب حليب بودرة
مقدار من الزيت للقلي
شيرة للتحلية
1 كوب سكر
1/2 كوب ماء
1 ملعقة طعام ماء ورد


الطريقة
تقطع أطراف التوست ، ثم تقطع كل شريحة إلى نصفين. .1
تبل القطعة الأولى من التوست بالحليب وتوضع فية الجبن ( قطعة صغيرة)، تكور ونستمر حتى ينتهي المقدار بالكامل. .2
يوضع المقدار بالثلاجة لمدة نصف ساعة ثم تخرج من الثلاجة وتقلى بالزيت. .3
بعدها تسكب عليه الشيرة. .4
لتحضير الشيرة: يغلى سكر وماء وماء ورد على النار حتى يثقل المزيج قليلا ويعقد. .5





تلسمون ع المرور واتمنى تعيبكم اكلتي:)


تحياتي وسلامي أنا

[موعود]

انا


اكله طيبة


تسلم ايدك عليها

[Methayel]

http://www.mowjeldoha.com/mix-pic/borders/www.mowjeldoha.com-borders-54.gif




السلام عليكم و رحمة الله و بركاته


لطرح الموضوع 10 نقاط
لرد دموع اللؤلو 25 نقطه
لرد سرااب 25 نقطه
لرد شروق الشمس 50 نقطه
لرد موعود 10 نقاط
لردي انا نقطه
لرد نسيم المطلعي نقطه

المجموع = 122


مثـــــــــــــــــــــايل


http://www.motheer.net/freesite/mohra/right1.gif

http://www.alkitbi.net/vb/attachment.php?attachmentid=2540&stc=1&thumb=1