المساعد الشخصي الرقمي

مشاهدة النسخة كاملة : ماهي الوجبه التي تحب ان تأكلها..؟


مطر
06-04-2002, 08:23 AM
مرحبا الاصدقاء الكرام....

على كل مشارك اختيار وجبة واحده يحبها ايا كانت

هذه الوجبه ريوق ولا غدا ولا عشاء...يعني المهم ان

المشارك يحب ياكل هذه الاكله ...ويختار معها شراب

لاتفهموني غلط مو شراب من هذاك...لا لا لا :)

أقصد عصير ولا شاي ولا ايتها حاجه ...

ملاحظه على المشارك ان يذكر وجبه واحده فقط

ومشروب واحد فقط فقط فقط......:D

ــــــــــــــــــــــــــــــــــــــــــــــــــ ـــــــــــــــــــــــــــــــ

عني انا ...أحب وجبة العشاء ..مشاوي مشكل وعصير شاي :D قصدي كوكتيل.


تحياتي

مطر
شروق الشمس
06-04-2002, 03:57 PM
ههههههههههههههههههههههه
انا أحب الــ kitkat :) :D
الوعد
06-04-2002, 05:08 PM
شرووووووووووووووووووق !!!!!!


الكتكات اكل هذا بعد ؟؟؟؟؟



انا شو احب ... شو احب .... شو احب ... اصلا انا مالي وجبه .... ساعات اتغدى مااتعشا ... ساعات اتعشى ماتغدى .... ساعات وساعات .....

انزين .... انا احب وجبة العشا او كانت الغدا ... كله واحد وهي .... سباجيتي مع عصير ليموووووووون
زهـرة الـوادي
06-04-2002, 06:04 PM
أنا أحب المجبوووووس و عصير برتقال ..مممم ما أقدر اقاومه :)
عطر الإمارات
06-04-2002, 10:37 PM
السالفه فيها اكل ........ مطر ننتظر العزومه بعد ما نقولك

افضل المعكرونه بالبشمل وعصير الرومان

ت ح ي ا ت ي
عاشق نصراوي
06-04-2002, 11:24 PM
رهش مع قهوة :p
مطر
07-04-2002, 08:17 AM
هلا ....واشكرك على التواصل

تعالي اهنيه...الوعد صدقها الكتكات وجبه بعد...؟:)

يالله حكمة عليك انك اتشاركين وتكتبين وجبه وليس

حلويات.....موضوع الحلويات بعدين عقب مانخلص

موضوع الاكل بنطرحه في المنتدى....لاتسبقيني

وتسيرين تكتبينه....ترا حقوق الطبع مدفوره:D

قصدي محفوظه داخل الكبت:)

اوكي لاتنسين وجبه مع مشرووووووب(أضربك)
مطر
07-04-2002, 08:23 AM
اشكرك على المشاركه

ماعرفتلك ساعات اتحبين وساعات ماتحبين...:rolleyes:

لا زم تعرفين زروووري زرووووري تعرفين شو بتاكلين

أخاف تعظين اصبوعك يوم تغلطين ولا تعرفين شو بتاكلين

:D

المهم سباجيتي مع عصير ليموووووووون.....لذيذ

أكله حلوه بس حطي حذاك زيت اذا نشبت معكرونه

بحلكك...صبي زيت بخشمك:D علشان تتسلك الامور:D

هههههههههههههههههههه
مطر
07-04-2002, 08:27 AM
اشكرك على التواصل...

وفي الحقيقه المجبوس ماعليه كلام....

بس اول مره اسمع مجبوس بعصير برتقال:)

مال وين هذا مال الهند ولا بسكتان قصدي

باكستان...:)

(hi)
مطر
07-04-2002, 08:33 AM
هلا عزيزي...واشكرك على المشاركه اللطيفه...

تبغيني اعزمك حاظر وممنوع قصدي ممنون:D

مشكله كلمة الحق تسبق دايما.....:p لا لا اكلم نفسي

المهم عليك تشوف مطعم زين لا دور من الغاليات :D

ترا وايدين بيون العزيمه ...واخاف المطعم مايكفي

مافيني استأجر خيمة البداد..:D

مابيتم حد مابيي بيتحرون ملايين عندي وحليلي:D

المهم اقرب في اي وقت المطعم مطعمك ولحساب عليك

قصدي عليه:)

واكلتك حلوه ...عزمني مره وبذوق اذا حلوه الاكله

بفكر ادفع عن البارد لا لا الشاي ارخص:D
لولوه
07-04-2002, 08:33 AM
اموت في الكولا مع الجلكسي وسنكرس
هذا للتحليه بعد الاكل بس:D
مطر
07-04-2002, 08:37 AM
هلا عزيزي ...اشكرك على المشاركه

والصراحه رهش مع قهوه ....واطالع

مباراة النصر ...ويسجل كاظم غول

راحت الدله والرهش....:D
مطر
07-04-2002, 08:44 AM
هلا بالطيبه...وشكرا على المشاركه...الجميله

عليك غرامه خمسه سنكرس وخمسه باونتي وخمسه

وخميسه...جلاكسي...:D

لازم عزيزتي اتعيدين المشاركه ولا تراني بخليهم

يمنعون الجلاسكي خربطيبي الجلاكسي:D

من السوق .....لمدة عشر سنوات بس:)

ولا عليك انك تكتبين وجبه مال هم هم هم

مو حلويات(أضربك)

انتي وشروق الشمس معاندات مشاغبات..:D

عليكن انتن اعادة المشاركه وجبه وجبه وجبه

اوكي ألحين معلوم ما ماه:D
لولوه
07-04-2002, 08:55 AM
لا حول ولا قوة الا بالله

لو منعوا الجلكس وسنكرس بموت من اليوع
شروق الشمس
08-04-2002, 08:51 AM
يا مطر انا الـ kit kat عندي اهم وجبة بس انت مب طايع
تقبلها وتوقع عليها وتعتمدها :(

زين بقول
احب ..
احب ..
احب وجبة الغدا
عيش شيلاني مع سمج مقلاي .. :(
وعقبه شاي سليماني :D
مطر
09-04-2002, 01:47 PM
اشكرك على التواصل في البدايه....


وثانيا السنكرس غير معتمد عندي في الوجبات

اذا تريدين القائمه ...اتصلي لاقرب مطعم هندي

حذاكم وقوليله شو فيه أكل....؟

واسمعي شو بيرد عليك قصيده كم طولها

اولها برياني دجاج برياني لحم برياني سمك

كيمه ناشف بيض ايون بيض مقلي بيض مدبوك

.....القصيده عووووده ولكن لاتحتوي على

جلاكسي:D

شدي حيلك معاي ...أعتبري ماشي هناك

جلكسي بالدنيا..وخلص من كل الدكاكين..

لاتقولين لي بتموتين ...ماحد يموت من اليوع في

هالزمان...اقل شيء بيودونك المستشفى

وبيحطون لك مغذي:D وبتردين بخير

مثل لحصان...(أضربك) يعني نشيطه..:)

المهم ...عليك عليك لازم تكتبين الوجبه...

اوكي انزين ولو اكلتيها مره بس لازم تذكرينها

اوكي اتريا انا الرد...

على فكره بعيد الشر عنك وعن الجميع لاتصدقين

الا سوالف..(hi)


ملاحظه اخيره انا سمعت ان الدهن اللي يسون

منه الجلاكسي انه من


من....




من...







ولا اقولك مب لازم اقول اخاف تلوع جبدك..





باي(أضربك) (hi)
مطر
09-04-2002, 02:01 PM
هلا عزيزتي واشكرك على المشاركه الجميله

اقول من وين تشترين عيش شيلاني....أكيد من عند الشيالين

اللي مايقعدون مكان:D المهم انا بعد ابا عيش شيلاني...

وابا سمكه مشوايه ...مع الليمون ...الصراحه اموت بهذي

الاكله....بس مشكلتي شيء واحد من وين بيييب هالعيش

الرجاء منك عزيزتي تطرشين جدر متروس حق المنتدى

علشان الاصدقاء والصديقات...يبون يتذوقون العيش

الشيلاني....على الجميع انهم يصفون طابور وكل واحد

صحن صغير ...الا انا غرفيلي في صحن عود....:)

لاتقولون ليش انا اللي جبتلكم هذي الفكره...وصاحب

الفكره لازم ياكل اليوم وبكره:D

ملاحظه :::أخيره تم رفض قبول الكتكات كوجبه معتمده

لانه مايستوي حاولنا انسوي برياني كتكات بس للأسف

عند ماسخنت النار ...طلعن من داخل كتاكيت ديايه اربعه

اثنين ذكر واثنين انثى.....:D تعادل لاتخافوووووووون

المهم...عند ماطلعوا الكتاكيت تحول تلقائيا من برياني

كتكات الى برياني دياي...:D هذا التحويل كيميائي

تعرفين ليش....حصلت داخل الجدر كيمه وخبزة براتا...;)

المهم احذر الجميع ...من عدم اتباع الخطوات في التحويل

في الاكلات اخاف ينفجر الغاز ولا شيء بكم...:rolleyes:

وقد اعذر من انذر....(hi)
لولوه
11-04-2002, 07:10 AM
حشى تتمنالي ادش مستشفى:confused:

منك لله يا ضالم

المهم احب مجبوس دياي لكن لازم كولا(h)
باربي
11-04-2002, 08:25 AM
امممممممممممم

انا احب المشاوي البحريه

من روبيان و السمج و غيره

و احب الاكل الصيني ......

و احب السلطات بانواعها الفرنسيه و الايطاليه

و احب ورق العنب

اممممممممممم

لا عاد مصختها هههههههههههه

مع اجمل تحياتي باربي
فديت العين
11-04-2002, 01:48 PM
تسلم على الموضوع الحلوو

احب الثريد

وكل شي شهي

وتسلم
عــيـ دبـي ــون
11-04-2002, 03:28 PM
بالله عليك من وين تيب هذي الافكار انتة
يوعتنا اله يهديك........

وانا انا انا أحب الغداء إلي تغديتة اليوم.....

برياني دياي:D ولا دجاج خخخخخههههخخخخخ(أضربك)

وبعدة شاي سليماني مثل بعض النااااااااس:rolleyes:
العيـــــوز
13-04-2002, 01:25 PM
شو مطر ثرك فاتح مطعم وانا مادري...

المشكله متشرط علينا بوجبه وحده ..حراااااااااااام عليك....

المهم...عيووز شو تباها تااكل المسكينه ..بيتزا....لا ...هامبورجر...لالالا .....كافي ..لا مارووم لهن...

بقووولك شو..

يقط (بثيث) وسح....امممممممممممممممممممممممم روووعه احلى من اكل الدكاين ...لا وحلاته فيا الدهن رووووووووووووووووووووعه....

اما المشرووووووووووووب فتحيضرت شوي بشرب فيااه تووركش كوووفي :D ;) :D ;)


شو رايكم ولا أحلى منها ..ههههههههههههههههههههههههههههههههههههههههه



تحياتي لك....(hi)



العيــــــوز
+*^^*ماريه*^^*+
13-04-2002, 02:26 PM
ههههههههههههههش وسالفتكم كل واحد كافي وما ادري شو


يا ناااااااااااااااس نبي نعرف احلى اكل اكل مب تصبيره هههههههههههههه



طيب شوف مطر انا امووووووووت على اي تركبيه مكونه من الدجاج(حبذا لو مسحب او ستيك) والذره والمشروم مع كريم صوص(او جاينيس صوص) مع بطاطا مهروسه

آآآآآآآآآآآآآآآآآآآه عذاب والله اخوي احلىىى شي عندي

احم احم وبعد احب الثريد (تشوفني انتظر رمضان بس علشان الثريد هههههههههههه)

واحب السمك ........ غرامي السمك خصوصا الصافي والهامور والينم :)

اوه اما عن الخرابيط احب السنيكرز وطبعا في البحرين عندنا مينو وبفكى انواع تجنن اذذ متفيج مطر بطرش لك لسته :p اوه وطبعا الحلوى والرهش والمتاي وووووووو

<<< اللي يسمعها بيقول عنها درام يا حظي

والعصير احب المانجو مع عصير الفراوله طبقات :D

اما السويت احب الجيز كيك

وشو بعد

وشو بعد

جني مصختها ههههههههههههههههههه


اوكى خلاص خلاص محد قال لكم تيبون طاري الاكل :p

ماريه
لولوه
13-04-2002, 02:42 PM
يا نااااااااااااااااس يااااااااااااا عااااااااااااااالم ياااااااااا هووووووو

الريال قال وجبه وحده تحتها 10 سطور مب 100 وجبه مثل بعض الناس:D

لو على جذيه انا احب كل ما لذ وطاب(h)
مطر
14-04-2002, 11:55 PM
الصراحه ما اتمنالك الشر حشا والله اني اتمنالك الخير انتي والجماعه كلهم...

المهم لاظالم ولا مظلوم خلينا وسط احسن...

والصراحه مجبوس دياي ماعليه كلام عليه كتشب ...

تحياتي لك

تحياتي

تحياتي
مطر
15-04-2002, 08:43 AM
مشكوره كتير على المشاركه..

وشو تبيني اقولك ....شو يعني لازم تاخذين مخالفه مثل ربيعاتك

قلنا وجبه واحددددددددددددددددددددددددددددددددددددددددددددده

ماقلنا بوفيه مفتوح...:D

اقول ماخليتي شيء حتى البوفيه مافيه هالكثر....انتي لو شاله معاك عشر

صحون ماخليتيلنا شيء ...الا تحطين في هذي الصحون وبعدين ماتاكلين...عارف

السالفه شوفوني عاد انا ماخلية شيء....:)

المهم مشاركتك مقبوله بس اذكري صنف واحد ...خلاص نسمحلك بالسلطه

بس بنحذف المشروب...:rolleyes: لا لا ماقلت شيء ...(أضربك)

اوكي يالله لا تتأخرين وجبه واحده بتكفي;)
مطر
15-04-2002, 08:55 AM
مرحبا ومسهلا فيك ياخوي...وياحياك الله اقرب الخير كله

موجود من هريس وثريد وبلاليط ....بس لاتنسى الرقم مال المطعم الشعبي

فيه كل مالذ وطاب من المأكولات الشهيه ...:D

خله ايسجل على حسابي بتحصل فاتوره اطول عني وعنك عنده مالتي قله

ارباب بيك اخريوم بالشهر....:) وان مايته الشهر هذا تراني الشهر لي عقبه

بلف عليه:) وان نسية ألف بلفه تراني الشهر اللي عقبه ان كنا من الحيين:D

وان مايته اربع شهور خله يسامحني تراني انسا وايد ولا اعرف من كثر الصبر

وين اسير من المطاعم;) ....لاتخبر هذي السالفه بيني وبينك..اذا تبا راعي المطعم

يعاطيك على الحساب عطه بخشيش ..واسأل عن اسمه ...وكل يوم ازغره وعطه بخشيش

ويوم اتحيد ماعندك شيء ازغره وقله مثلا بابوه ان شاء الله الشهر اللياي بعاطيك

بيقولك اوكيه ارباب:D مافيه مشكل...وبعدين تعرف السالفه عقب شهر غير المطعم:D
لولوه
15-04-2002, 11:29 AM
شو عزيزي مطر

انت الحين تطلب من كل واحد اكله يحبها انا ادري ليش

لانك عازمنا وتريد تحط في البوفيه كل الاكلات الي نحبها

لكن متى موعد العزومه لانك شهيتني وايد

:D (h) كريم انت ونحن نستاهل :D (h)
مطر
15-04-2002, 09:49 PM
هلا فيك اخوي عليك بهذا الدياي تراه طيب وطازج


اقول اخوي اخاف عليك والله من الدياي وايد اخاف من كثر ماتاكل

دياي يطلع لك ريش :D ....تحذر كل الديايه وخل العظام حق القطاو..;)

لا تستوي خلاطة مولينكس تطحن الاخظر واليابس...:D اطحن الجاهي مومشكله

المشكله اهي اخافك تطحن العيش بعد:D

اشكرك عزيزي وايد ...
مطر
15-04-2002, 10:02 PM
هلا فيك هلا اشرقت وانورت...

وشكرا على مشاركتك وتسلمين قصدي بتقربين...؟

الخير مكود الحمدلله فيه سح وجامي وبثيث شيء منه منتهي وشيء فيه

صلاحيه اشوي...:D عادي مابيعورك بطنك متعووووووووده على السحه والبسيسه

قصدي البثوثه اوهوووه البثيث...

معلومه عن البثيث ....

البثيث جبنه محليه صنع جابون...لا لا لا مو جابان امارات والله

ان البثيث الوطني المصنوع من زبدة البقره الجاموسه المنحوسه:D

هي بقره اصيله وبنت اصول ..

:D تاكل همبورغر وتشرب حلووول....وتضحك وتقول لووووووووووول..:p

المهم هي من النوع لاعوده مثل التريله ولا صغيره مثل السيكل والله انها ماتروم اتشل ذيلها

علشان جذيه معلق:D

المهم انا يمكن احاول افتح مطعم واسوي دراسه قاعد اذاكر فاك حلقي اي ذبابه دخلة اي غصية

كوب ماي بسرعه اشوف اعيوني في خشمي ...واشوف باطني ناشف ....اتحراه شوارما...:D

ملاحظه عيوزيه: اصرح لك بأكل كل الادويه مع الاكل وكلي قد ماترومين...لحد ماتمتنين:D
مطر
15-04-2002, 10:17 PM
هلا فيك عزيزتي الطيبه يامرحبا والله

والله انتي فاهمه الموضوع بس انا مو فاهم موضوعك....لا لا فاهم اسولف وياك:D

الصراحه كنت ابقي اعرف احلى اكله ولكن شفت الاراء مختلفه...ومابقدر اجمعهم على صينيه وحده

لو جمعة السندويشات الطابور طوووووووووووويل مثل القطار...:D

ياحبكم للسندويشات ..:)



والصراحه اي تركيبه فيها دياي احس انه لازم يكون فيها بيض :D

وبعدين بيطلعون كتاكيت اصفر واحمر وبرتقالي وبيج واسود ليش داشين الروضه

وشايفين رسم يهال...:D

ماشاء الله ماخليتي شيء في البحرين الا وسجلتيه بدال ماتسجلين طرشي اشوي مايضر بالصحه

خلينا ناكل هم هم السنبوسه حلوه مال البحرين لذيذه اي واحد يروح البحرين لازم ياكل سنبوسه

واي واحد ايروح البحرين قرطاسه صغيره وسجلها على الحساب لي ولا سجلها على حساب ماريه

وماشاء سمك وبفك ...انا شو قايل(أضربك) مو قايل وجبه بس وحده والمشروب ...؟شيء واحد بس

اوكيك اتفقنا...؟:confused:
الرميثي
16-04-2002, 04:28 PM
تسلم الغالي على هذا الموضوع

انا بقولك شو احلى اكلمه تتلذذ فيها مرتين

ماشي عقب العراين
الطعم الاول انك تروح تدور العراين في البر وعقب تعب وهلاك ترجع بكم عريون هاي اروحه لذه:D

والذه الثانيه يوم عتسوي العراين


الحين غايته العراين مطر وشمس وبراق
مطر
16-04-2002, 11:45 PM
هلا فيك اخوي ويامرحبا والله

الصراحه اكله عجيبه....وماعليها فلفل قصدي كلام...:D

المهم اقول اخطف عليه بنسير اندور اوياك....تعال في سياره صغيره

علشان انشوف العرايين....المهم انا الحين ساير السوق بشوف عند الدواوير يمك القا شيء ناقظ في النص

المهم خلي بالك من العرايين تراها تكبر البطون...:D

اقول شو زين انسويه مجبوس ولا امودم ولا برياني.....؟

اعتقد ان الصالونه ....مابتي اوكيه صح ولا....؟:rolleyes:

المهم اذا حصلت طرشلي على الايميل كمن عريون ...بسويبهن توقيع في الفوتوشوب

ملاحظه لبعض الناس: العريون...هو الفقاع...او الزبيدي ....علم ولا لا؟;)
الرميثي
17-04-2002, 03:20 AM
خلاص بنسير وياك

منو هذيلاك العرب الي تفهمهم العريون

لكن الغاالي العريون غير والفقاع غير العريون تلقه ظاهر وتقول فيه ريل شالتنه

لكن الفقاع تلقاه شاق الارض شويه ومايظهر غير راسه

ماعليك مني في هاي السوالف خبير:D
لولوه
17-04-2002, 11:14 AM
احلى شي في سالفة العرايين انا نطلع العراجيب وننزل
نحن فرحانين وامي خايفه :D مسكينه :D

وبعدين الكل يدور والي يحطل يا فرحته:p
مطر
17-04-2002, 02:52 PM
والله ضحكتني العرب الي اقصدهم....







العرب الي اقصدهم يعني اللي مايعرف في حياته العريون...



صدقني والله فاهمني غلط يالرميثي...:) وانا عارف اللي تقصده انته ...



لكن خل فكرك بعيد 10 كيلو عن هالسوالف....:rolleyes:

مالي في هالسوالف موليه..


اقول انا عارف الفرق بين الاثنين...لكن حبيت اقرب الصوره اكثر عن اللي ماكد سمع

عن العراين....وملاحظتك جيده ماشاء الله تلسكوب فضائي....ياويلك عطيتك عين..

اذا عورك شيء راجعني في العياده كل عشر دقايق:D

واشرب ادواك كل 15 دقيقه شرب بس...لاتشرب معاه بلاليط قصدي مكرونه لا لا

قصدي هو الشاي:)
مطر
17-04-2002, 02:56 PM
اشكر على التواصل الدائم وماشاء الله عليك شاده حيلك...

اقول والله زينه طلعت الاهل ارباعه ....

بس ثاني مره يوم بتسيرون البر لاتشلون امكم اوياكم....

اذا بتباقم كل لحظه ...الله يعين ابوك عليها...لكن في حل كل مابينزل

ابوك من العرقوب خلي امك تنزل تمشيء لحد تحت....اسميها امك بتعيي من المشيء

وابوك بيستانس وبيفتك من الصدعه...:D
لولوه
18-04-2002, 03:24 AM
مطر

سبحان الله جنك انت كنت ويانا:D

وما فيه حل غير انا انزل امي وهي تمشي لكن المشكله تنزل كل اليهال:D

ونحن براينا وبعد ما تمشي السياره تخاف علي فيها:D
باربي
18-04-2002, 12:36 PM
خلالالالالالالالالاص مطر

بضرب عن الطعام

ما احب شيء

مع اجمل تحياتي باربي
مطر
19-04-2002, 12:20 AM
هلا فيك ...

اقول مادام امك بتنزل اليهال وابوك بتم ابروحه عيل حق اشو رايحين تتحوطون

سولكم عرقوب في بيتكم...احسن:D

(hi)
مطر
19-04-2002, 12:29 AM
هلا فيك عزيزتي...

بعدين تعالي ليش انتي مظربه عن الطعام....؟؟؟؟؟؟؟

منو قالك تظربين الطعام....وحليله بيصيح من الظرب:D

اقول هالحركات مو علينا....تظربين عن الصياني ...وانتي مو مخليه شيء من السندويشات:D

لا وبعد بارسل منخشه تحت السرير وتاكلين...;) اقول اذا ياك الفار خليله شيء من الجبن:)

شوفي اذ ا ماعطيتيه بيعظك وانتي نايمه:D

علشان جذيه خلي بالك...(hi)