مجــــاراة الشـــــاعرة دهن العــــود .... لشعر الشيخ فــــزاع

[عشق _ غيري]

بسم الله الرحمن الرحيم


اعزائي الاعضـــــاء ...

اتيت واحمل لكم أجمل ما قيل في الشعر النبطي...

مجــــــــــاراة لقـــصــــــــائد الشيخ حمدان بن محمد بن راشــــــــد

واتمنى ان تنال هذه المشاركة على اعجاب الجميع :)


حوار بين دهن العود
والشيخ حمدان بن محمد بن راشد الملقب (بفزاع )

http://dm3a.com/dehan_al3od_faza3_files/68.gif http://http://dm3a.com/dehan_al3od_faza3_files/Animation2.gif

http://dm3a.com/dehan_al3od_faza3.htm

قال فـــــزاع

أنا في الشعر أبن هذاك إذا أنته ما تدري
أهيج في البحور أمواج أمشيها على كيفي

وأقولك لا تجاريني ترى أمشي بدرب وعر
وإذا تبغي تجاريني ترى لك صامد سيفي

ولا تضمن تحوز النصر وأنا بحر وانته نهر
وإذا عارضت تياري تبرى موجي وسيفي

وكم واحد غيرك تعرض لي وجاه الكسر
ودارت به هبوب رياح في أقوى عواصيفي

تهاجم سايل الأقلام وسطر ما يهزه سطر
وانته وينها افكارك عن بيوتي وتهديفي

تباروس العلا وانته تحول في طريقك حدر
تحاول بس ما تقدر بأن توصل مشاريفي

نجوم الليل ما تنور إذا بين شعاع البدر
وش اللي يجمع الوسمي على سحب ورعد صيفي

تشوف الجاذبيه لي في هالدنيا تجرك جر
أنا عكسه أفرك وين ما أبغي على كيفي


************************************************** ******************

مجاراة دهن العود (( لفزاع ))

************************************************** *******************

ونعم(ن) بك وابوك الشيخ ودرن منبعه من در
ولا شك انك الفارس بعسرات المواقيفي

وترى ما قيل او ينقال وألا سوف كله شعر
يطقه هاجس المهتاض تركيب(ن) وتوليفي

ولو رز الشعر خشمه وجا قدام وجهك خر
يعرف انك بيوم(ن) ما تجيبه غصب ومعيفي

محيطات البحور السود في كفك تجره جر
جواهر وسط قيعانه على امواج(ن) مواحيفي

فيه الموت فيه الخير ناس(ن) غاض ناس(ن) سر
واذا زاد الغضب عنده يطم البـر والريفي

تجّمع بك فصول العام يوم(ن) برد ويوم(ن) حر
جبل راسي حصاه المجد وحده كنه السيفي

اذا قالوا نطق فزاع وقف من يسير ومر
يبا يسمع لرمساتك تسر القلب والكيفي

يباري للسما عزك طرد غيم المزون وقر
ينافس كل نجماته وبدره في المشاريفي

ولك حق انك تباهي ومن عادا فهو يسعر
وقود السمر ما يصلح يقارن مع دخن ليفي

وكلن عارف(ن) قدره ومفروض(ن) يكف الشر
ولكن وش نسوي به يجي ناس(ن) ملاقيفي


من شعر دهن العود


انتـــــــظروا المزيــــــــد :)

[@قمر العين@]

تسلم وما قصرت على الأختيار الموفق ونتريا يديدك :)

[عشق _ غيري]

:(


:(



:(


انا وحححححححححححححححححححححححححححححححححححده

مب واحد

:)

والله يسلمج ومشكوره ع التعقيب

[همس العيون]

ياسلالام عليه الصراحه كلــمات حلوووه ,, وصح لسانه ,,

عشق غيري تســلمين ويعطيج العافيه :)

[البياتي]

والله الشاعرة دهن العود شاعرة والكل شهد لها

ماشاء الله عليها صدق وانا تعاملت معها في اغنيه مهداه الى رئيس الدوله الشيخ زايد رئيس دولة الامارات

http://www.alkitbi.net/vb/showthread.php?s=&threadid=18255

هذا رابط الاغنيه

شكرا اخوي الكريم على هذا الموضوع

مع خالص تحياتي واشواقي : البياتي