واحد غبي

[محمد بن خادم الكتبي]

فيه واحد غبي!!
قصدي قلبه غبي..
كل شي ينقال..يصدقه
كل اللي يقوله..يطبقه
رغم إحترافه للخيانه..!
هالمره حب بأمانه..
صدق وعوود..
واعطى عهوود..
المشكله ماهو ..صبي
المشكله ..قلبه غبي..
حب وحده للأسف..
وهي قالت حبته..
أعطاها من عمره الكثير..
صار مملوك وأسير..
يحلم بيوم اللقا..
غرته كلمة..أحبك..
غرته كلمة ..حبيبي..
كل شي ينقال يصدقه..
كل اللي يقوله يطبقه..
قلب طيّب..بس غبي..
كم تعلم للسهر..
وكم ناجا هالقمر..
عمره مابكت عينه..
الامعاها..
عمره ماترجى..
الا هواها..
ويوم استحال اللقا..
ومن خوفه عليها..
قال اببعد...
قالت..وتحرقها الدموع..
ارجوك فكر في الرجوع..
حياتي دونك عدم..
لاتخليني وحيده..
بين آهات والم..
وانكسر قلبه ..الغبي..
صدقها..
وقرر يعيش الحلم..
ويبقى للنهايه...
ومرت الايام..ورى الايام..
واليوم راحت..
واستباحت كل ذكراها معاه..
حتى اسمه تنكره..
وتحطم القلب الغبي..
قصدي الشخص الغبي..

[عــيـ دبـي ــون]

ههههههههه
تسلم الغالي على هذي المشاركة الحلوة:D
يستاهل هالقلب الغبي اوة اقصد شراتك الشخص الغبي
متعود على الخيانة وفي النهاية نسووووة يستاااهل:rolleyes:

[الوعد]

رائعه جديده .... دائما مبدع .... مسكين الغبي والله .... قصدي صاحب القلب غبي

[احلى النوايا]

الله عليك الله..
اعجز عن الرد..
اقل شي اقوله لك..
تسلم وتسلم يمناك..
مع تحياتي ..
احلى النوايا

[الغــMــلا]

مرررحبا
الخاطره مرره حلووه واكثر من رائعه
يعطييك العافيه والله يكفينا شر الغباء
تحياتي (hi)

[الشامسي]

سلالالالالالالالالالالالالالالامـــــــــي عليك !!!!!!!!

تســـــــلم الغالـــــــي على ماخطته أناملــــــــــــك خاطره قمه من الروعه

واللي يصــــــدق كلام ابنيه غبي واكبر غبي:D

[+*^^*ماريه*^^*+]

خاطره جميله الكتبي .....
وهي تحمل تناقضات غريبه لهذا الانسان الذي كان يحترف الخيانه والخداع ...
وفي النهايه وقع في نفس الشباك التي كان يصنعها فحب بأمانه وبكل صدق ولكن للاسف احب الانسانه التي لا تستحق والتي ايضا مثله تحترف الخداع !!!

هل لنا الحق في ان نقول انه يستحق هذا العقاب .......... ام ان قول مسكين هذا الغبي ماكان لازم يحب ؟؟

ماريه

[محمد بن خادم الكتبي]

على رايك ماريه المفرووض مايحب :)

تسلمون على ردودكم
ولكم الف شكر

[الحالمة]

خـــاطرة جميله.. و اسمح لي بأن أقول.. عزوف الانسان عن الحب خطأ..
و أيضا من الخطأ أن يبني علاقة على مبدأ علاقه أخرى..

بس صدقني هو مو غبي..
هو انسان نادر في الوجود هذا الزّمان..
الحب عنده أصله تفاني.. مو وعود و امتحان..
لما حب.. صدق كل دقات قلبه..
بس للأسف خانه احساسه..
لو هو انتظر.. لو انتظر و دقق بعين اللي حبه..
جان من أول تلاشى حبها بين دقات قلبه..
لا تصدق الكلمة.. صدّق الأفعال..
كلنا اليوم يا رفيقي يقدر يقول الهيام..
الهيام اصبح كلام.. و العرب أحلى لسان..
منه تسمع رحيق و قصايد..
لكن المعنى يعاند..
اصبر و يمكن اللي عند ربك أكبر..
الغلط انك تصدق كل من قال انه يحبك..
لا تصدق لو يواعد أو يعاهد..
صدق الأفعال و فكّر قبل تهوى..
حتى ما في يوم يرجع..
و ينعتك بأنك غبي..

و اعذرني على المداخلة البسيطة.. ولكنها جاءت فقط من أجل ان توضح المعنى اللي حبيت أقوله..



و تحيـــــــــاتي لك..
الحــــالمــــــــــة

[الروووووح]

صاحبك هذا الغبي ..

كسر خاطري والله ..

أتعبني حاله هالغبي ..

من قالله يكذب ما يحب ..

من قالله يعشق من تصد ..

من قالله ومن اجبره ..

قلبه كان طيب غبي ..

مسكييييييييييييين والله هالغبي ..

وهي كانت اذكى منه ..

خذت منه كل قضا ..

خذت منه كل شيء ..

قلبه الطيب واحلامه الصغار ..

اتعبني حاله هالغبي ..

كسرني حاله هالغبي ..

....

مسكيييييين قلبه هالغبي ..

صدق كذوووووبٍ كثيرة ..

حب بطبعه واسلوبه ..

حب بأمانة هالغبي ..

حبه كان صادق زمن ..

وهي اغدرتبه هالغبي ..

مسكييييييييين حاله هالغبي ..

اقبض صديقك يا وفي ..

قولله لا تحب .. لا تحب ..

محد يستاهل محب ..

اسمع مني كلمتي ..

لا شاب يستاهل لا بنت ..

لا انس لا جان من يحب ..

واممممممممموااااااااااااااح على راسه هالغبي ..

والسموحة منك ومن الغبي ..

[عبدالله الخياط]

اخوي محمد ..رائع ان تعرض المشاكل بصوره هزليه ..

عموما .....


قلبة غبي ..
شخصة غبي ..
حتى ولو حبة غبي ...
انته تبي .. وغيرك يبي ..
والمشكلة .. ما تنتهي ..

قلبة غبي ..؟؟
والا الزمان اللي جعل .. كل الصدق ..
كل الوفاء .. كل الدفاء ..
شمعة ولا بد تنطفي ..
يا صاحبي .. ما هو غبي ..
بس احنا فسرنا الحقايق ..
حسب المزاج وما نبي ..!!
دمرنا حتى قلوبنا ..
غيرنا طعم اسلوبنا ..
لين اصبحت .. كل الحروف .. ماهي حروف ..
حتى الشعر .. اصبح معانا مبتلي ..
نرسم بدون احساس ..
نوهم معانا الناس ..
حتى اصبح الشاعر كذوب ..
واصبحت يا قلب الوفي ...
قلبٍ غبي ..


تدري ترى مو ذنبا ..
نحنا انتعلم .. طبعنا
من غيرنا .. ولو غيرنا كان الخطا
حنا بلا مبدا ..
حنا بلا احساس ..
نترك ثمين الماس ...
ونركض ورى قطعة حجر .. والا نحاس
ما ندري وش يعني ..
ولا نفرق بين كل اللي نشوفة
بين شمس وظلام ..
بين شخصٍ يحب .. وما يبي
وبين حب الوفي ..
وحب الغبي ..
اقصد شخصٍ غبي


اخوك / عبدالله الخياط

[الحالمة]

خـــاطرة جميــــلة و ما أجمله من رد مساير لما خطته مشاعر الكتبي..
و الرد أجمل من الكلمات، و الكلمات ذات وقع حسّــاس..
و ما شاء الله عليكم..



تحيــــاتــــي
الحـــالمــــة

[الوعد]

الله عليك ........ مداخله رائعه ......... تسلم ايدك على ماخطت (rose)

[عبدالله الخياط]

الحالمة
الوعد

الله عليكم ...
انا كلي شرف ان الرد عجبكم ...
عموماً ..اتمنى انه عجب ... الكتبي

[الشاعر]

ما فيني واحد فسر الحب الصحيح
من يخون الحب هو يعني الذكي
عشان قلبه صريح قلتوله انته غبي

0000000000

تفسيرك يا الكتبي للغبي خطا
هو وفاء لمحبه وكل عمره عطا
اصبح من يحب من قلبه غبي والله خطا

000000000000

من فينا ما اصبح غبي
دام من خانه حبيبه اصبح غبي
كلنا عشنا ماساته
يعني كل واحد فينا غبي

00000000

الحالمه : اصبتي وكان كلامج صريح
صدوق المشاعر اصبح اليوم غبي

00000000
الخياط
شفت كيف الكلام هو صدق ولا كلام
من حب واعطا السلام صار اليوم اكبر غبي

00000000000

الغبي من يحب ولا يدري
اصلا هو من يحب 00
يضحك على نفسه ويقول انا والله احب
يومين وكل شي ينسي
قلبه اصلا مليان لو خلي
المهم يحب لو ما يحب هذااك هو الغبي
يضحك على نفسه ويتعذب
وهو يدري انه على نفسه يلعب
ويقوول لناس والله الحب تعب

هذاااك هو الغبي

000000000000000000




تحياتي
الشاعر

[الرميثي]

يسلم يمينك

ويسلمون الشاعر وروح على الرد عليك