المساعد الشخصي الرقمي

مشاهدة النسخة كاملة : لحظة فراق


عــيـ دبـي ــون
28-03-2002, 02:29 PM
هذي أول قصيدة لي أكتبها في المنتدى...
أتمنى أنها تنال أعجابكم وهذا وعدي لج أختي الوعد..
لاني وعدتج أني أنزل قصيدة في منتدى الشعر.......
والسموحة للجميع....

يازين شـاقتني معانيك...وأنتة تشوق كل مشتاق
تدري بقلبي كم يدانيك...ومن شوفتك أيتم خفاق
مسكين قلبي دوم يعنيك...وفي كل لحظة أيتم تواق
ولجل المحبة هوب ناسيك...لكن خايف لحظة أفراق....
الوعد
28-03-2002, 05:42 PM
شكرا لأنك وفيت بوعدك ....... وشكرا على القصيده الجداً جميله ....... فلماذا تحرمنا من جميلك وتكتفي بالردود ...... الا نستحق منك الجميل ....... وانت دائما جميل ..... تقبل مني تحياتي .............. الـــــــوعد (h)
الشامسي
28-03-2002, 08:46 PM
يوم ييت ابتوادع واياهم 00 اسبقوني قبل لا اييهم

يوم ييت الجـــيت ميراهم 00 خالين منـــهم ويلعيهــم

قمت انوح ودمعي اسقاهم 00 للييران اللي حواليهم

لي فلا ياناس بنســــــاهم 00 فالمنام افز واطريهم

في الحفظ يارب ترعاهم 00 عن حسود مايدانيهم

ليتهم يعودون ولقاهم 00 ابسلام وسلم اياديهم

في سويدا القلب ميراهم 00 لا ولاعفيت مياريهم

ياعذابي الشين فرقاهم 00 غث نوم العين طاريهم

ياخوي قوم نس يدواهم 00 سير سلم يوم باتييهم

قلهم في ويل واهواهم 00 لو بغو الروح بفديهم

في الامر ومطيع لرضاهم 00 خادم ومملوك في ايديهم

كم لعا القلب وتنمناهم 00 في خلن خالي يلاجيهم

سلالالالالالالالالالالالالامي عليك وصح الله لسانك ياويلي انا على الفراق

تسلم الغالي وجذه اباك انا وقفت من شهر ماشارك في المنتدى عسبك

بتم اتحط اردود بس انا مول مب كاتب شي السالفه سالفة اعناد

كيفي ياخي

ع العموم يعطيك العافيه الغالي واتمنى انك تقبل مداخلتي الك وهي لاحد شعراءنا

على وعسى انها اتحوز على رضاكم

اخوك

الدمـــار


http://alwan.virtualave.net/music/madi/english/1492_Conquest_Of_Paradise.mid"
+*^^*ماريه*^^*+
28-03-2002, 10:47 PM
يؤ عيون دبي شو هل المفاجأه الحلوه

ثم تعال بس علشان خاطر وعد يعني شو احنا ما كنا نستاهل :mad:

المهم يعطيك الف عافيه واتمنى اني اشوف منك المزيد والمزيد :)

ماريه
عــيـ دبـي ــون
28-03-2002, 11:04 PM
تسلمين أختي وتستحقون كل خير والله:)
عــيـ دبـي ــون
28-03-2002, 11:07 PM
تسلم أخوي الدمار وتسلم على هذا الاختيار لهذي الابيات الجميلة
وخل عنك العناد;)
عــيـ دبـي ــون
28-03-2002, 11:09 PM
الله يعافيج أختي وتستاهلون والله كل خير:)
الوعد
30-03-2002, 01:02 AM
عيووووووون دبي .... تسلم ...... الدمـــــــار ....... دائما رائع .......
مــــــــــــــــــاريـــــــــــــوه ....... عن الغيره يالله ..... اسطلبي .... فديتج انا والله .... ماحصلتي حد تغارين منه غيري انا ..... يحليلي والله (hi)
الحالمة
30-03-2002, 11:54 PM
ما شاء الله عليــــك.. قصيدة رائعة...
و أرجو أن تحث نفسك على ابراز مواهبك.. من أجل أن تمتعنا..
و لا تكتفي بالردوووود...

تحيــــاتي لك... و أخوي الدمــــار أبدع في اختيار الرد.. ما قصّرتوا..



أختكم..
الحــــالمــــة
باربي
31-03-2002, 01:56 AM
صح لسانك ......... عيووووووووون

كلنا نخاف من لحظه الفراق
شعرك وايد حلوووووو
و ليش تبخل علينا بشعرك عيووووووون
و لا خايف من عيوووووون الحالمه ههههههههههه

يالله عيووووون طلع الابداااع

و شكرا

مع اجمل تحياتي باربي
عــيـ دبـي ــون
01-04-2002, 04:28 PM
تسلمين أختي الحالمة وكلج ذوق والله
وأن شاء الله:)
عــيـ دبـي ــون
01-04-2002, 04:32 PM
:D :D
تسلمين أختي وتحلى ايامج..
ومسكينة الحالمة ..:)
بس من اليوم وساير مابتعاطيني بعين هية مرة وحدة كانت وبس:D
ومن سبتها رديت من المركز الخامس إلى السادس:rolleyes:
احلى النوايا
05-04-2002, 09:08 PM
بصراحه يوم ان هذي كلماتك عيـ دبي ـون و انت بعد الدمـار..
اسمحولي مب كاتبه شي في قسم الشعر..
لاني ما اقدر على اوصل لمستوى الكلمات اللي تكتبونها..
الله يعطيكم العافيه..
.. احلى النوايا ..
عبدالله الخياط
07-04-2002, 11:54 PM
الحقيقة .. جميل ان تطرح كتاباتك .. وابداعات قلمك .. هنا في المنتدى الشعري ..
والاجمل هو ذلك التفاعل الجميل . . والذي يبين ان لك شعبية تنافس الكتبي نفسة ..
عموماً .. اشجعك .. واطلب منك المواصلة حتى تستفيد ونستفيد جميعنا من تجاربك ..
و ستجد نفسك تكتشف الكثير مما كان مختبيء عن ناظريك .. فالعين المجردة لا يمكنها ان ترى كل شي ..
فالتجعل يا عيووووون دبي .. كل من :
الوعد
الدمار
مارية
الحالمة
باربي
احلى النوايا .....
عبدالله الخياط .... و غيرهم من الاعضاء عيوناً ترى بها نفسك ..

ولكم جميعاً كل التقدير ...
وموفق يا عيون دبي ... اقصد يا عيون المنتدى
عــيـ دبـي ــون
11-04-2002, 12:42 PM
تسلمين أختي وهذا كلة من ذوقج:)
عــيـ دبـي ــون
11-04-2002, 12:46 PM
(h) (h) عبدالله الخياط(h) (h)

تسلم الغالي وبصراحة أنا لو كتبت ماعتقد بوصل لمستواك ومستوا أخوي الكتبي
أنتوا من الشعراء الكبار أخوي
وأنا مجرد هاوي للشعر بين فترة وفترة أكتب لي شي
وأشكرك على هذا الكلام الطيب
والله يعطيك العافية ......:)