ثلاثيات نســــائيـــة.:؛،,:.

[الحالمة]

أحبّتي.. اختــرت لكن هذه الثلاثيات.. و ما أروع أن نلتمس هذه الصفات في شخصنا.. فما أجمل أن يكون المرء فخورا، رقيقا في تعامله و واثقا لا مغرورا..
اخترت لكن بعضا من هذه المقتطفات.. تسطرها شاعرات مميزات..



فخــــــر..

شفتك و كن الجرح لي بي تداوى
………………… من بعد ما شفتك تناسيت ما فات
قدّام عينك كبريائي تهاوى
………………… و ايقنت بأنّ الحب بي حي ما مات
من فرحي بشوفك شعوري تساوى
………………… أضحك.. و في عيني من الحزن دمعات

********************************* "ذكــريــات – الإمارات"

رقــــــة…

ودي أحطك بين قلبي و عيني
………………… و اخلّد اسمك و انقشه في ضلوعي
وودي يساري تتحد مع يميني
………………… شعار عزة نفس.. لا للخضوعي
وودي العمر.. باقي العمر في يديني
………………… سنين عمري لك سراج و شموعي

******************************* " عبيـــر البنفسج"

ثقـــــة…

أنا حورية اسمي عبير النرجسي و لونه
………………… و لو سيد القطوف يشوف حسني تاه و تولّه
على باب المغارة أهلّي.. و اقف دوني و دونه
………………… و من يقدر يجاري الليث إذا سهم الوغى سلّه
و سافر بالهيام و هام.. و ترّك حب مضنونه
………………… نسى أنّه من بغى وصلي نجوم الكون أقرب له

******************************** " عيون النرجســي"


من اختيارات شاعري.. على الخـــــوّار.. آمل أن تنال اعجابكم..




تحيــــــــاتــــي
الحــــالمــــــــة

[الشامسي]

سلمت يمناج اختي

وصح الله السان الشاعر

اخوج

الدمار

[عيون الليل]

تسلمين اختي الحالمه على مشاركاتج الحلوه...
وبالتوفيق..

[عــيـ دبـي ــون]

تسلمين أختي على هذا الاختيار والله يعطيج العافية
أختيار رائع بصراحة:)

[+*^^*ماريه*^^*+]

اختيارات حلوه تسلمين على ذوقج الحالمه :)

ماريه

[الحالمة]

مشكووورين على ردودكم الجميلة..
و تسلموووون.. و إن شاء الله دايما أكون عند حسن ضنكم..

و ترى هذي مقتطفات.. من اختيارات شاعري العزيز، ذو البسمة الطفولية / علي الخوار


تحيــــــاتي
الحـــالمـــة