المساعد الشخصي الرقمي

مشاهدة النسخة كاملة : مايصير؟؟!!


فديت العين
20-10-2003, 06:59 PM
السلام عليكم والرحمة ..

شحالكم يالربع؟؟؟

عساكم بخير؟؟؟

اخواني وخواتي فيه ملاحظة بسيطة جدا ان شاء الله انها من مصلحة الدار وتخدم الجميع

لاحظت من سنة كاملة وجود بعض المواضيع المثبته من قبل المشرفين وهي لاتزال مثبته؟؟؟؟؟؟؟؟؟؟؟؟؟؟؟؟؟؟؟

البعض منها صار لها سنة؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

يعني لو تنفسووووووووووووون شوي على الاعضاء وباقي الكتاب انهم يشاركون وياكم وتثبتون مواضيعهم عشان تشجعونهم وعشان يكون فيه توازن في العدل يكون شوي احسن

المشرف .. مايحتاج انه يثبت موضوعه لانه يملك الخاصية ويملك ايضا خصائص اخرى وواجبه تنشيط وابراز دوره في الدار سواء من خلال المتابعة او الاهتمام بالاعضاء والدار والقسم المشرف عليه ..

يعني مجرد اقتراح ورأي وانتوا ادرى

انه لابد اننا مانجحف حق الاخرين بتثبيت مواضيعنا ولابد نعطي الفرصه للاخرين

والعضو يفرح اكثر لو ثبتوا موضوعه وبيحس ان فيه اهتمام من قبل المشرفين عليه وبيزيد من انتاجيته

ماانكر انه فيه مرات لابد ان المشرف يثبت موضوعه

من خلال التنبيه او النصح او الاعلان او التشجيع

ولكن مايتم الموضوع مثبت سنة كاملة او فترة طويلة

فياليت يكون هناك توازن في التثبيت والتحفيز والتشجيع

حتى يكون محفزا ومشجعا للاعضاء وشكرا لكم اخواني وجزاكم الله خير على ماتبذلونه من جهد
شروق الشمس
20-10-2003, 07:27 PM
اعتقد انها ملاحظة في محلها
لكن في اشياء مهمة ونريد كل الاعضاء خاصة الجدد انهم يطلعون عليها

وتسلم اخوي على هذه الملاحظة

لا تحرمنا من مشاركاتك وملاحظاتك المثمرة :)
فديت العين
20-10-2003, 07:40 PM
تسلمين اختي شروق الشمس وماعليج زود

ماخذ بعين الاعتبار هالشي

فيه طرق ثانية اكثر ذكاء واكثر جذبا ولفتا لهذه الملاحظات والتنبيهات

من خلال مثلا اعلان يكون على شكل شهري

او من خلال شروط التسجيل
او من خلال نافذة صغيرة قبل مايسجل العضو ويوافق على التسجيل

او من خلال التوقيع

يعني تنحط في توقيع المشرف

هناك اكثر من طريقه من خلالها يستطيع المشرف اداء واجبين في واجب واحد

ومثل ماقلت اني ماعارض او اني ضد المشرفين ولكن انتي عارفة اختي شروق الشمس انه لابد من تشجيع الاعضاء لانهم عماد المنتدى وقاعدته الاساسية

والله من وراء القصد
Methayel
20-10-2003, 07:42 PM
http://www.mowjeldoha.com/mix-pic/borders/www.mowjeldoha.com-borders-54.gif





السلام عليكم و رحمة الله و بركاته



اخي الكريم شكرا على حرصك على مصلحة المنتدى

و على تشجيع الاعضاء

و ان شاء الله الاداره بتتكفل بالموضوع

جزاك الله خير




http://www.mowjeldoha.com/mix-pic/borders/www.mowjeldoha.com-borders-53.gif
فديت العين
20-10-2003, 07:54 PM
يجزانا ويجزاج الخير

وتسلمين
عــيـ دبـي ــون
20-10-2003, 09:25 PM
كاتب الرسالة الأصلية فديت العين


ماانكر انه فيه مرات لابد ان المشرف يثبت موضوعه

من خلال التنبيه او النصح او الاعلان او التشجيع



ومثل ماقالت لك أختي شروق الشمس أخوي

وبالنسبة لاقتراحك نطرش لهم كل شهر اعلان ويكون الاعلان نفس الشي بيملون الاعضاء منها ولكن المشرف يشوف الشي المناسب في قسمة ويثبت الموضوع الاهم والذي يستحق التثبيت

أشكر لك حرصك على المنتدى واتمنى ماتكتفي بس بملاحظات نتمنى نشوف مشاركاتك بعد

وياهلااااااا
فديت العين
20-10-2003, 09:39 PM
انا معاك لكن سنة كاملة؟؟؟؟؟؟؟؟؟؟

حتى مظهره مب شي

كيف بتشجعون الاعضاء عيل؟؟؟

اذا طريقة البريد مب حلوه فهناك التوقيع اذا هو يبى مصلحة الدار هناك بنر يحطه المسؤول العام داخل القسم او في الدار الرئيسية وهناك طرق وايده تفي بالغرض

اللي اقصده ياخوي انه لابد يكون هناك تحريك لمواضيع الاعضاء وانتوا ادرى بالمصلحة العامة

وبصراحة انا ماشجع المشرفين على تثبيت مواضيعهم خصوصا اذا خذت مدة طويلة

اولا الاعضاء بيملون وثانيا مابيكون هناك حركة في المواضيع

وصدقني ابى اشارك لكن يوم اشوف مثل هالمواضيع اكتفي بالقراءة عشان لااظلم نفسي ولااتعب غيري
عــيـ دبـي ــون
20-10-2003, 09:52 PM
ومثل ماقلت اخوي ونحن ادرى بالمصلحة والمشرفين ادرى بأقسامهم

ونحن عاطين كل المشرفين الثقة الكامله ومعطينهم الحرية في أقسامهم..

ويعطيك العافية
فديت العين
20-10-2003, 09:55 PM
شوف مثلا احصائية سريعة بعدد المواضيع المثبتة في المنتدى

طبعا مواضيع المشرفين ..

المنتدى العام

2

الاصدقاء :

3

المنتدى الرياضي

2

منتدى الطرائف والالغاز

2

المنتدى الاسلامي

1

منتدى الثقافة والعلوم

1

منتدى التراث والمجتمع

2

منتدى الشعر

3

منتدى منقولات القسم الادبي

1

منتدى الكمبيوتر والبرامج

1

منتدى التصاميم والجرافيكس

3

منتــــدى الهواتف والعاب الكمبيوتر

1

22 موضوع مثبت للمشرفين؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

وكم واحد للاعضاء؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

وفيه مواضيع مثبته للي كانوا مشرفين وصاروا اعضاء للحين ماانشال عنها التثبيت؟

اخوي الغالي مب اعتراض ولاجدال

ولكن والله من حب وحرص على المنتدى
عــيـ دبـي ــون
20-10-2003, 10:06 PM
بس المثبتات بهذي الاحصائية مش كثيرة اخوي

مادام انها من واحد إلى 3:)

بس ياليت اخوي تسوي إحصائية بعد و تشوف تواريخ المواضيع المثبته

وتشوف كم واحد مثبت من سنه.....
فديت العين
20-10-2003, 10:59 PM
يامرحبابك وسهلا

عندك 2 خلصن سنة كاملة منها واحد طافت عليه سنة وخمس شهور والثاني باقيله شهرين ويعبر السنه

و2 حولهن من السنه قاصر كمن شهر

والباقيات نص سنة .. ربع سنة .. عدة شهور ..

وسلامتك ..
غناء المطر
21-10-2003, 02:31 PM
فديت العين

تسلم أخوي على اهتمامك بالمنتدى ومصلحته والله يعيطك العافيه :)

بالنسبه لمنتدى الكومبيوتر
منتدى الكمبيوتر والبرامج

1

المواضيع المثبته موضوعين مب موضوع واحد وموضوع أكود المنتدى ضروري للأعضاء اما الموضوع الثاني فهو مجموعه من البرامج والكاتب أحد أعضاء المنتدى

أنا وياك ان التثبيت يشجع الأعضاء لكن في مواضيع مثبته ضروريه ووضع الموضوع في توقيع المراقب ما راح يكون مناسب لكن الاقتراحات الثانيه حلوه :)
فديت العين
21-10-2003, 07:57 PM
تسلم اخوي غناء المطر

انا اقصد المواضيع المثبته للمراقبين الغالي ادري 2 بس واحد للمراقب
وتسلم والله اكيد للمصلحة العامة تم تثبيته

فيكم الخير والبركة

تسلمون وبارك الله فيكم
في زمن الغربه
21-10-2003, 08:11 PM
سلام عليكم

الاخ فديت العين معاه حق وكلامه صحيح ميه ف %

لين متى والمواضيه بتم مثبته ؟؟

على الاقل شهر بس التثبيت يتم مب سنه عنبو حول كامل

رايك يا خوي فديت العين سديد ورائع

اختكم في زمن الغربه
فديت العين
21-10-2003, 08:45 PM
جزاج الله خير اختي في زمن الغربة

والله يكتب اللي فيه خير وبركة للجميع
صالحه
01-11-2003, 02:04 AM
وعليكم السلام ورحمة الله وبركاته

جزاك الله خيرا