المساعد الشخصي الرقمي

مشاهدة النسخة كاملة : ما هي الدولة التي عشقتها بعد دولتك؟


مطر
26-03-2002, 02:50 AM
السلام عليكم ورحمة الله وبركاته

اكيد اذا سألت اي شخص

قلت له ما هي احب دولة لديك

سوف يقول وبكل افتخار ........ بلدي ,,, أليس كذلك

ولكن اذا سألته ما هي الدولة التي تعشقها بعد دولتك

سوف يفكر ويرى وينظر ويستنتج ما في عقله ثم سوف يقول لك الجواب ...........

والان اوجه السؤال للجميع ....وتقبلوا اجمل التحيات...
مطر
26-03-2002, 02:59 AM
اوووووه نسيت اقولكم شو من الدول اللي احبها طبعا بعد بلادي الامارات فديتها...

أحب السعوديه لان فيها مكه وقبر الرسول صلى الله عليه وسلم.

واحب قطر....لان لي ربع فيها كثير..

واحب مصر لاني درسة فيها...

واحب اسبانيا لان فيها ذكريات جميله...

((واحب الهند لان الهنديه اللي تشتغل عندنا اتسوي برياني لذيذ:D ))اتفضلواااااا ولا اقولكم خلاص شبعة..;)
+*^^*ماريه*^^*+
26-03-2002, 03:47 PM
هههههههههههههههههههههههههه مطر ما خليت دوله ما حبيتها

شوف فديتها البحرين امووت فيها (K.B)

بس من دون مجامله الامارات (UAE) اهيه البلد الثاني اللي احبها بعد بلادي ووايد كنت اروحها وانا صغيره ولحد الحين

بعدهم عاد احب السعوديه (KSA) خصوصا مكه والمدينه وجده وابها احلى المناطق عندي

آه وتركيا وماليزيا من احلى المناطق السياحيه عندي واتمنى ازورهم مره ثانيه :)

ماريه
شروق الشمس
26-03-2002, 08:53 PM
الانسان اي بلد يزوره يحمل في قلبه ذكريات ومواقف
طريفة ..

انا احب السعودية ورحتها مرة وحدة للعمرة ..

وأحب امريكا لأني عشت فيها ايام من عمري وأتمنى لو ترجع ..

والهند رغم الفقر والبؤس اللي الشعب فيه .. الا انهم ناس محبين للحياة
ومتفائلين .. كنت مستغربة وايد

وماليزيا وسنغافورة وباريس وبلجيكا وسويسرا كلها دول حلوة
ولي فيها ذكريات ..

لكني يوم اسافر عقب 4 أو خمس ايام احن للبلاد وابا ارد البيت :(

بلادي وان جارت علية عزيزة .. واهلي وان ضنوا عليه كرام :)
مطر
27-03-2002, 08:12 AM
+*^^*ماريه*^^*+

:) :) :)

الصراحه نسيت اقول احب البحرين وايد وخاصه السنبوسه بلفلفل..قصدي بالزعتر..

لا لا بالهال .....الصراحه مذاقها لذييييييييييييييييييييييييييييييذ وايد انصح اللي ماذاقها

ايذوقها ...(F1) الطعم بيجنن ويحنن...علا قولة المصريين اللي يشرب من ماية النيل لازم يرجع تاني

وانا اقول اللي ياكل طرابيل البحرين لازم ايحن ثاني وثالث....والله ناسي هن طرابيل ولا درابيل:D ؟؟؟؟

اقول انا ماقلت الا كمن دوله ولكنك انتي .........شو بقول عنك خريطة العالم صميتيها...;)

ههههههههههه:D

تحياتي لك بيييييب بييييب باي.
+*^^*ماريه*^^*+
27-03-2002, 09:29 AM
ههههههههههههههههههههه مطر حبك لاي بلد يعتمد على ذوقك في الاكل اشوف ;)


يعني في النهايه معدتك اهيه اللي تحكم :p
ماريه
مطر
27-03-2002, 05:27 PM
+*^^*ماريه*^^*+

:)
:D
:cool:

شكرا لك وعلى كلامك وعلى سوالفك الحلوه...لكن تعالي منو اللي ماخلا دوله

ماحبها انا ولا انتي...؟!!

اقول انا اذا حبيت كمن دوله ...انتي اشوفك اتحبين العالم كله:D :D

وبعدين ألحين اللي بيقرأ كلامك بيقول أكيد ان مطر دب من كثر ماياكل..؟!!!

والصراحه للعلم فقط الحمدلله اني مو دب ......

الصراحه احب الرياضه كتييييير كتييييير...ومشكوره كتير على السوالف;)
الوعد
27-03-2002, 05:36 PM
الصراحه ...... مافي اعز من بلادي (UAE) (UAE) (UAE)
واحب السعوديه وااااااااايد
احب البحرين .... اه يالبحرين ....... لها ذكريات .... حلوووووووووووووووووووه .. (K.B)

بس حبيت واااااااااااااااااااايد طبيعة ايران .... تجننت عليها ... بالذات الشمال ...
وعلى العموم .... انا مااسافر وايد .... في السنه حسنه ....
مطر
27-03-2002, 05:44 PM
الوعد

شكرا على التواصل ...وفي الحقيقه انا سمعت عن شمال ايران

انها طبيعه خلابه ...والصراحه مافي بعد الطبيعه...واللون الاخضر..

والماي والشلالات...وصوت المياه وهي تمشي وهي تركض:D

تحياتي لك...وتانكيو وايد.
الدانه
27-03-2002, 11:03 PM
وأنا ;) طبعاً أحب وأعشق وأموووت واهوووى 00000000 الإمارات

وبعدين أحب كل دوله زرتها

واللي تحمل في مخيلتي ذكريااااات حلوووه

ما تنسى




(hi)
الوعد
27-03-2002, 11:31 PM
اااااااااه .... ذكرتني بالذي مضى ........ كله ولا الطبيعه ........ روعه ........ روعه ........ مادري كيف اوصفها .... مع انه البلد مب متطوره وايد .... ومافي اثار للتقدم .... لكن الطبيعه والاماكن الاثريه .... كانت شو اقوللك .... ماتنوصف .... جنه في الارض .... سبحان الله




وتقبل مني تحياتي ........ (hi)
مطر
28-03-2002, 12:12 AM
الدانه ...

اشكر لك على المشاركه لكن لوكنتي كتبتي كمن دوله كان احسن

على اساس انعرف شو من الدول تتكرر ذكرها ...في هذا الموضوع

شكرا بس نتريا اسم الدوله ;) !!!

يالله باي.
مطر
28-03-2002, 12:16 AM
الوعد

الذكريات الجميله ماتفارق الانسان مهما عاش من السنين

وخاصة المكان اللي يعشقه القلب وتحبه العين ...

سؤال يراودني شو الوقت المناسب او الاشهر المناسبه

لزيارة المنطقه التي ذكرتيها...؟

وشكرا دائما وابدا...

انا بالانتظار على الخط لا على الكمبيوتر:D
الوعد
28-03-2002, 04:46 PM
تبغي الصراحه .... الجو في 4 و5 ثلوج ..... 6 .... يذوب الثلج ..... طبعا انا مادري عن البلاد وماعرف لغتهم .... هاي المشكله الوحيده اللي واجهتها هناك ..... بس في شهر 6 .... الجو بارد .... مع امطار ..... ومغيم ...... تبا الصدق رووووووووووووعه .... بالذات جالوس وتبريز ..... انصحك تقضي اي مصيف لك هناك ..... بتستانس
فديت العين
29-03-2002, 01:43 PM
الامارات

ثم

الامارات

ثم

الامارات

وكل الدول حلوه دام ان فيها امن وسلام




تسلم على الموضوع (hi)
مطر
30-03-2002, 12:32 AM
اشكرك على المشاركه ....

تحياتي لك واشكرك ولكن على اساس كنت ابغي اعرف اكثر الدول

ذكرا ومحبه ...وطبعا اكيد ان الامارات في اقلوبنا الاولى والاخيره

ولابد ان الانسان انه يحب دوله ثانيه مثل ماقالوا الاصدقاء....

تحياتي لك

مطر
باربي
05-04-2002, 02:37 PM
انا احب فرنساااا بلاد النور و الازياء و الحريه

احبهااا

و شكرا

مع اجمل تحياتي باربي
مطر
06-04-2002, 08:15 AM
هلا عزيزتي ...

اشكرك على المشاركه وماقصرتي...

والصراحه فرنسا حلوه ولاتنمل.....صحيح انها بلاد النور

والازياء والحريه....حتى عندنا في الامارات خالد حريه

رئيس رابطة المشجعين:D

...الصراحه ريال ولا عليه كلام...والنعم وسبعة اعوام

قصدي انعام;)


تحياتي

مطر
فديت العين
10-04-2002, 02:46 PM
العفوو اخوي مطر

والله ياخوك .. مادري شو اقولك

خلني بس اسافر في الصيف وبخبرك


لاني سرت مصر ومااعجبتني

ان شاء الله هالسفره احلى

بس الدولة اللي احبها بعد الامارات هي المغرب مع اني ماسرت لها
عنود الصيد
10-04-2002, 03:03 PM
في القلب واحد مامعاه ثاني ....

اكيد الامارات هي الاولى في القلب والاخيره .... بس اذا في دوله ثانيه ...

اكيد بتكون " الدوله التي لا تغيب عنها الشمس " يعني بريطانيا واكيد لندن وبس...(h)

مع خالص حبي
العيـــــوز
13-04-2002, 02:05 PM
امممممممممممممممممممممممممممم .....

طبعا لبلاد اللي احبها هي (UAE) (UAE) والحمد لله و....نعمه والله يوم كتب لي اكوون جزء منها...

ربي يحفظها لنا ويديم روووحها الشيخ زايــد ويطول بعمره يارب...

أما الدوله الثانيه فهي (KSA) (KSA) حبيبة قلبي لاسباب ذكرها الاخوااااااااان طبعا...واسباب ما يعلمها إلا رب العالمين...:D ;) (h)

أما الدوله الثالثه فهي بيتي اللي عشت فيه..أعتبره دولـــــه مستقله....واااااااااااااااااااااااااااااااو محلى بيتنا والله...

وبس دامني في الامارات وفي بيتنا ماريد أسااافر بيت ثاااااااااااااااااااااني....

إلا اذا للسعوديه..




لكم تحياااااااااااااااااااااات ..(hi) العيــــــــــوز
مطر
16-04-2002, 11:56 PM
لك جزيل الشكر على تفاعلك مع الموضوع انته وكل الاصدقاء اللي شاركو معي

وثانيا نصيحه مابتتندم عليها...اذا تحب تروح المغرب...لا تفوتك زيارة اسبانيا لانها قريبه قص

تذكره بالباخره وبتختصر المسافه بدال ماتسافر مره ثانيه لها...علا فكره من اسبانيا تقدر اتسافر الى الدول

المجاوره لها بالقطار والمواصلات مو غاليه وايد اوكي يعني بتستفيد ...وايد

وشكرا لك مره اخرى.
مطر
17-04-2002, 12:08 AM
هلا فيك ويامرحبابك معانا ....

اكيد الامارات اولا واخيرا...ولكن الدوله الاخرى هي دوله انحب انسافرها لمقاصد كثيره ...

ولندن حلوووووووووووه وانا اموت فيها وايد.....ويمكن اروح الصيف هذا ان شاء الله..
مطر
17-04-2002, 12:13 AM
اشكرك جزيل الشكر على المشاركه اللطيفه....

ومافي عقب البيت مكان احلى للحرمه انها تقعد فيها...والله يعمر في بيتكم ان شاء الله

وعقبال ما اشوفه عشرين طابق...ليش بتبنين برج:D

المه تحياتي لك ...وشكريا مره اخرى:D