نكت عن العجايز [الأرشيف] - منتديات الكتبي

مشاهدة النسخة كاملة : نكت عن العجايز

مطر

26-03-2002, 02:44 AM

فيه عجوز راحت تعزي ناس . قالت لهم كيف مات أخوكم ؟
قالو لها كان واحد من زملاه يمزح معاه بمسدس .. فطلعت رصاصة بالغلط مع راسه
قالت العجوز ايه .. الحمدلله ما جت في عينه
_______________________________________
عجوز في محو الأمية.... سألتها المدرسة أعطينا جملة فيها إدغام بغنة ؟ قالت عمن يعميك
__________________________________________
عجوزتين مروا عند شاب ،الأولى قالت له تتزوجني ،فقال لها أتزوج كلبة وما أتزوجك، فقالت الثانية هو هو هو
__________________________________________
عجوز رمت نفسها في البحر ... لييييييش ؟؟؟
عشان يقولون من ضحايا تايتانيك
______________________________________________
فيه عجوز راحت للصيدليه وقالت للصيدلي عندك فيكس ؟
قال لها وش قلتي .. يا بنت
قالت أقول عندك .. تويكس ؟
________________________________________________
فيه ثنتين عجايز سهرانات على المصارعة الحرة ... إلا وقامت وحده فيهم وقفلت التلفزيون .. قالت لها الثانيه ليش سويتي كذا يا وخيتي ؟
قالت لها والله لو ما قفلته كان تذابحوا
________________________________________________
كان في عجوز و شايب يبغون يتذكروا ايام الخطوبة و تواعدوابالحديقة اللي كانوا يتواعدون فيها زمان ويوم جا الموعد قعد الشايب ينتظرها عشر ساعات و ما جت و يوم شافها باليوم الثاني قالها ليه ما جيتي بالموعد ؟...قالت معليش واللة امي شافتني ولا خلتني اطلع
________________________________________________

ارجو ان تعجبكم.....بيييييب بيييييييب باااااااااي.

شروق الشمس

26-03-2002, 03:08 AM

http://www.plauder-smilies.de/jump.gif http://www.plauder-smilies.de/jump.gif
نكت حلوة يا مطر ولا تحرمنا من مشاركاتك في قسم الطرائف :)

والله يطول بعمر كل العيايز .. وما شاء الله عليهن سوالفهن ما تنمل ;)

لولوه

26-03-2002, 08:26 AM

:D :D :D :D
يا سلام عليك يا مطر
نكت ما عليهن كلام

زهـرة الـوادي

28-03-2002, 04:58 AM

:D

:D وابووووويه على العيايز :D

الشامسي

28-03-2002, 06:25 AM

هيه والله وااابويه على العيايز:D

تسلم مطر

+*^^*ماريه*^^*+

28-03-2002, 03:31 PM

فديتهم العيايز يجننون هههههههههههههههههههههه :D
تسلم مطر عرفت تختار احلى النكت من اظرف الناس :p
ماريه

باربي

28-03-2002, 11:29 PM

تسلم مطر كل النكت حلوووه

مع اجمل تحياتي باربي

عــيـ دبـي ــون

28-03-2002, 11:42 PM

http://198.65.138.9/images/animated/animated122.gif
لاتكون أخوي تخطط تأخذ وحدة عيوز أعترف عادي مابنخبر حد لاني
ابغي اشتري هدية عبارة عن طقم أسنان حق العروس :D

مطر

29-03-2002, 12:53 AM

عيون دبي

والله شدراك اني كنت ناوي .....

ناوي....

ناوي...

اقول...

ولا لا؟؟؟:rolleyes:

احسن مابقول....(أضربك)

خلاص....

بقول....

والله كنت ناوي على الرحيل

على السفر....

ويوم كنت في الطياره....

طلعة احذايه عيوز:mad:

وشرة من الطياره ....ولن الباب مصكوك ...

والعيوز تربع ورايه ....تعال تعال

وانا شارد...

اتصدق انخشيت في مال الاكل ...

وخطفت العيوز مسرعه :D

ودعمت الحمام ....ولاطلعة ...لحد ماوصلنا بنغلاديش:D

قصدي بريتش....يعني بريطانيا...;)

تحياتي لك (h)

مطر

لولوه

30-03-2002, 08:53 AM

مطر شو السالفه

ليش العيوز وراك وراك اكيد قايللها شي

ولا شايفتنك حلو فتذكرت ايام الشباب

وما قدرت تقاوم

مشكله يوم الواحد يكون كشخه:D

(h) (h) (h)

مطر

30-03-2002, 02:31 PM

اشكرك على المشاركه..والصراحه الســــــــــــــــــالفه كبيره
بقولك مو مشكله علشان لا احــــــــــد ايغلط مثلي ...:rolleyes: بيني وبينك انا كنت ادور علا رقم الكرسي اللي مكـــــــتوب عندي في البطاقه داخل الطياره...المهم وصلت وكان الكرسي جنب الدريشه وقلت في خاطري بشوف الدنيا تحت يوم بطير الطياره ويوم وصلت حصلت وحده لابسه احمر وقاعده اطالع بالجامه ...وقلت في خاطري قام حظي ...بسولف ويا وحده على طول الخط ;) وكنت بقعد وقلت يهون الكرسي واتهون الدريشه...يوم المزيون
احذايه..وقعدة على الكرسي اللي جنبه..وقلة لها مساء الخير الشيخه ولفت وهي اتقول هلا هلا مساء النور...ويوم شفتها الله لايراويكم:confused: اتفاجأة خفت تضربني سكته قلبيه...:eek: كنت ابقي اشرد من الخوف مارمت اتحرك في البدايه....:D وتميت اقرأ على روحي اية الكرسي والمعوذات....وتميت العن الحظ اللي يابني حذاها ..:)

ـــــــــــــــــ
ـــــــــــــــــ
التكمله تحت...
ـــــــــــــــــ
ـــــــــــــــــ

مطر

30-03-2002, 02:33 PM

تكملة اللي بالاعلى...وذلك بسبب عدم استيعاب الكتابه كامله ..
ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــ

واتبسمة لي ...أهني استوية انا مثل الخبزه في الماي..ان قمت بطيح وان تميت بموت:D وتقبضة بالكرسي وشوي اشوي لين ماتحرك الدم فيني:) وانا مو مصدق الموقف...الله لايراويكم هذا الويه....اضروس ثلاثه ولا اربعه ...وخشم اتقولون مصكوك عليه الباب مال الحوش...وبراطم مثل براطم الغوريلا...لا الغوريلا اجمل بعدها منها :p
المهم شردة وهي ادورني ...وخلاف شافتني امشي صوب مال الاكل ويت تركض مسرعه:D
شفتوا الثور يوم يأشروله بقطعة قماش حمرا...مثله يتني تركض ...:D علا طول انخشية في مال الاكل وهي دخلة الله يعزكم الحمام....والبقيه اتعرفون السالفه..:) وهذي هي السالفه بحذافيرها..نصيحه اي واحد بيركب الطياره ياخذ حذره....ولا تراه بيحصل شيء مايسره :)
تحياتي لك
مطر

لولوه

31-03-2002, 12:15 PM

هاهاهاهاها ............ كركركركركر

يزاك واقل من يزاك

آآآآآخ لو لحقتك شو كان بصير شكلك حلو

مطر هذا شكلهاhttp://www.mykit.net/smilies/1luvu.gif

وهذا شكلكhttp://www.mykit.net/smilies/cry_2.gif

عيل اتودر الدريشه علشان وحده مزيونه قاعده عدالها

مطر

31-03-2002, 01:56 PM

هلا لولوه اشكرك على التواصل عزيزتي...

والصراحه لو صورتي نفس ماتقولين كان اشوا....لكن ضعف الصوره ميت مره

كنت اشويه وبصرخ مثل البنت يوم اتشوف صرصور وفار حلوين يتمشون

عند اريولها...:D لكن اللي منعني شدة المفاجأه ونسيت حتى الصرخه

كيف يصرخونها....:D اما عن اني اودر الدريشه ...لوكانت مزيونه وتستاهل

وقالت لي طف من الطياره بطف شرط ايكون بحر تحتي:D ولا ما بطف ...

ولا يعاطوني مظله مال المطر علشان اتخفف الصدمه;)

تحياتي

مطر

لولوه

31-03-2002, 03:34 PM

افااااااااا يا مطر جان كونتوا عش الزرجيه http://www.mykit.net/smilies/bash.gif

وبعدين نحن ما نصارخ لان صرصور مر من عند ريولنا انزين http://www.mykit.net/smilies/mad_2.gif

واسهل طريقه للصراخ فج احلجك وقول آآآآآآآآآآآآآآآآآآآآآآآهههه وخلاص

ولا من جمالها ما قدرت تعبر عن شعوركhttp://www.mykit.net/smilies/biggrinbounce2.gif

خلاص اعترف والي مزهب الطقم اييبه لمطر يلبسه عيوزته يوم الملجه:D

(h) (h) (h) (h)

مطر

01-04-2002, 08:54 AM

هلا عزيزتي...واشكرك على الرد والتواصل...

الحين انا تبيني ادفن عمري برماد محروق:mad:

الحين بترتاحين يوم بيقولولك مطر عرس وخذ عيوز:(

ان شاء الله اتم طول عمري عزابي ولا ألقي روحي

من الهاويه...;)

والله لو قالوا لي طف من الطياره على جبل ولا تزوجها

بقولهم مب بس على جبل لو تبوني اطف داخل بركان يغلي

ولا اتزوج هالساحره العوده...:D

وبعدين انا في حياتي ما صارخت الا مره وحده بس

وين هالمره وين ؟ وين ؟ وين ؟

ايوه تذكرة يوم زختني الكيمرا الخفيه كان واحد متلبس

ويه شيطان وكنت راد متأخر طلعلي نص الشارع يركض على خطوط

المشاه وبدال ما اعاطيه بريك....عطيته ريس وبقية ادعمه..لكن الله

ستر ...ومساكين الحبايب اونهم بيضحكون ردوا وبغوا يموتون من الزيغه

واما عن سالفة الطقم...بدال ما البسها بزغدها لحد ماتموووووت :D

وبفتك من الحشره...

تحياتي لك

مطر