المساعد الشخصي الرقمي

مشاهدة النسخة كاملة : مدرب يرفض تدريب المنتخب !!


شروق الشمس
20-03-2002, 06:39 PM
روي هدسون يفضح اتحاد الغفلة ويزيد الطين بله
وماذا يقول ؟

يقول لاحد الجهات الاعلامية في انجلترا :

تفاجآت من مطالبهم في الامارات !

تخيلوا بدلا من ان يناقشوا معي افكاري واستراتيجيتي كمدرب قالو لي بالحرف الواحد لايهمنا شي سوى انك تلعبنا بطريقة 4-4-2

يقول هودسن : قلت لهم الطريقة سنناقشها فيما بعد فهناك امور امهم وخطوات اهم قبل ان نقفز لهذه النقطة ، يقول فاجبوني : الخطة اهم وبعدها كلشي

ويقول هودسن : قلت لهم انا العب بها اغلب الوقت قال وقتها شعرت براحة كبيرة منهم

يقول خرجت منهم وانا مذهول وقلت لن ادربهم ابدا !

بالمناسبة هودسن ثاني مدرب يهرب بعد مالديني الذي قال لهم ساتحدث معكم بعد كاس العالم فهرب وتعاقد مع البارغواي!

منقول ..

واذا هذا كلام اتحاد الكرة ..
فحال المنتخب من سيء الى أسوء :( :(
عــيـ دبـي ــون
21-03-2002, 08:42 AM
عيل شو تتحرين أختي شروق الشمس ....
الاتحاد يعتبر هو المدرب في كل مبارة لعب هذا ولاتلعب هذا ونصل المنتخب من نادي الوحدة
وأحنى في بطولة والمدرب يجرب كل ساعة واحد من اللعيبة والقصد للدوري
لين ماحصلنا المركز الاخير.....

الله يرحم زمن الطلياني ولعيبة عصر المونديال:(
الحالمة
21-03-2002, 01:43 PM
شفتي عااااااااااد.. ما عطوه حتى فرصة يشرح أو يقول شيء...
على طووووووول 4-4-2 .. انزين عرفوا شو تعني و مع منوه يلعبونها..
للاسف الشديد.. دايما متسرعين.. يهتمون بالمظاهر و يتركون البواطن..
طابعهم صار مثال للتكاسل ...

الله يعينهم ..




تحيــــــاتـــي
الحـــالمــــــة
شروق الشمس
22-03-2002, 04:27 AM
اذا كان اتحاد الكرة هو المدرب فما في داعي للمخاسير ..
ومدرب رايح ومدرب ياي .. :o

من حق المدرب يدرب المنتخب بطريقته .. واذا كانت النتائج غير
مرضية .. ساعتها يتحاسب ..


ونحن من عقب وصولنا للمنديال ..... مافرحنا :(
راحت ذيج الايام .. :confused:
+*^^*ماريه*^^*+
25-03-2002, 02:26 PM
امممممممممم اقول شكله اتحداكم يبي له تغير بالكامل اذا كانت طريقتهم في معاملة المدربين بهل الطريقه .....

يعني انا ابي اعرف هم يجيبون مدرب بمبلغ خيالي علشان يرفع من مستوى الفريق آخرتهم يطلبون منه يسوي اللي في راسهم !!!!
خلي كل واحد فيهم يدرب الفريق بنشوف شو راح يصير وبلا تبذير !!!

ماريه
عاشق نصراوي
25-03-2002, 02:38 PM
لا لا هالكلام كله جذب في جذب .....
أصلا المنتخب من متى يلعب بطريقة 4-4-2 !!!!!

نحن متعودين نجوف المنتخب يلعب بطريقة 3-5-2
يا شباب بسكم شائعات
+*^^*ماريه*^^*+
25-03-2002, 02:46 PM
هههههههههههههههههه عاشق ماشاء الله عليك جاي ومعاك طفايه الحريق

ياله جماعه شكلها اشاعه يعني في امل انشاء الله :D

ماريه
شروق الشمس
26-03-2002, 02:31 AM
كاتبة الرسالة الاصلية مارية
ياله جماعه شكلها اشاعه يعني في امل انشاء الله

هههههههههههههه
هيه مارية .. في امل وحنان وسعاد و منال :D

عاشق نصرواي

انا دوم اسمع ان الاتحاد يتدخل في كل صغيرة
وكبيرة في المنتخب .. وما يخلون المدرب يشكل
المنتخب ويختار اللاعبيبن على كيفه :(
عاشق نصراوي
26-03-2002, 01:49 PM
من ناحية التدخل في المنتخب و اختيار اللاعبين فأنا وياك ... لأن عبدالله صقر مدرب المنتخب السابق قال حق لاعبين نادي حتا إنه استقال بسبب تدخل الإتحاد في كل صغيرة و كبيرة ... وإنهم ما يعطونه حرية التفكير ...

أما من ناحية كلام المدرب الانجليزي فانا مادري انت من وين يايبنه !!! ... وبعدين المنتخب مالعب بتشكيلة 4-4-2 إلا في عهد هنري ميشيل .... و من بعده كانوا يلعبون بتشكيلة 3-5-2

وشكرا
لولوه
26-03-2002, 02:25 PM
الله يعين المنتخب اذا كان هالكلام صج

نحن وصلنا لحاله ميؤوسه

وبالصراحه ما في احد متلعوز مثل الجماهير
مطر
30-03-2002, 03:02 PM
شكرا على هذا الموضوع
والصراحه الكلام في هذا الموضوع مستمر والاشاعات صحيح كثيره
بس هذي السالفه انا سمعتها من واحد من الربع وهو عنده اخو في اتحاد
الامارات ...وكلامك 100%
اما عن التطور في المنتخب انا اقول يمكن ناخذ بطولة اسيا عام 2020
وعام 2030 بنصعد كاس العالم...:D اوه نسيت بطولة الخليج يمكن يمكن
يمكن يمكن يمكن (أضربك) اوكي بقول يمكن نفوز بها عام الفين وشيء:D
وصدقوني يوم يتحسن لعب انديتنا التي تمثل بلادنا في البطولات الخارجيه
ساعتها بيكون للمنتخب وزن وهيبه اما الحين اغسلوا ايديكم منه ..
وحرام الصراحه المخاسير اللي يخسرونها عليه....
تحياتي
مطر
شروق الشمس
30-03-2002, 06:16 PM
سنة 2030 -- 2050

الله كريم :rolleyes: