المساعد الشخصي الرقمي

مشاهدة النسخة كاملة : الغشــــوة


شروق الشمس
20-03-2002, 01:40 AM
الغشـــوة هي الشيلة التي تغطي بها المراة وجهها وهي مستطيلة من القماش الرقيق المصنوع من القطن او الحرير توضع فوق الوجه مباشرة بعد ان تقوم بارتداء الشيلة بلفها على راسها فاما ان تكون الغشوة من الشيلة اللي تلفها على وجهها او من شيلة منفصلة
والغرض من الغشوة هو الاحتشام كي لا يرى الغريب وجه المراة فحتى النسوة اللاتي يرتدين البرقع يضعن الغشوة ايضا فوقه لاخفاء الوجه تماما .. وعندما تذهب لبيت الجارة تضع الغشوة وعند وصولها لبيت المراة والسلام عليها ترفع الغشوة وتثنيها على الراس فوق العباءة وعندما تهم بالخروج تستدها على وجهها ثانية :)
زهـرة الـوادي
20-03-2002, 02:09 AM
تسلمين يا شروق على هذي المعلومات :)
لولوه
20-03-2002, 09:04 AM
شروق الشمس حلوه منج انك تذكرين البنات

لكن تعرفين صاروا البنات يودرون الغشوه ليش ما ادري

مع اني اشوفها استر بكثير والله(h)
ظلال القمر
20-03-2002, 11:49 AM
معاكِ حق يا لولوة

و للأسف الشديد طغت ظاهرة إبراز مقدمة خصلة الشعر لدى النساء
و تغطيت الباقي ؟؟!!
و أنا أنتعجب أشد العجب من الفائدة من وضع غطاء الرأس دام أنه لم
يوضع لأجل الستر ؟؟!!
هل هي الموضه!!!!!!

الله المستعان
شروق الشمس
20-03-2002, 10:02 PM
مشكورين خواتي عالمشاركة

صحيح ان الغشوة في الفترة الاخيرة قلت لكن في ناس استعاضت
عنها بالبرقع السعودي .. وهو منتشر حاليا عندنا

لكن في المقابل شي الفئة اللي تطرون هن .. والصج اذا بتنصحينهن
ايعصبن .. :mad: .. محد يروم يرمسهن :confused:
الدانه
20-03-2002, 10:15 PM
ريم يسحر من حلاته كل عين
اللّه أكبر كيف يفعل بالانام
يرتعد منه الأسد لو في العرين
يقتل بعينه ويحيي بالكلام
خَصّه الرحمن بأخلاقٍ ودين
لابسٍ ثوب الحيا والاحتشام
لاح برقٍ من ورا الغشوه يبين
كل ما جن الدّجى شق الظلام
لى بشوفه ينجلي جور السنين
ويبتدي عمرٍ جديدٍ بالسلام
ماليٍ قلبي من أشواق وحنين
وجاريٍ حبّه بدمّي والعظام
لا مفر ولا مقر ولا معين
كيف باسْلمْ والهوى هم وهيام

شرووق
ومشكوووره عالموضوع الحلو 0000

(hi) دانوووه
شروق الشمس
20-03-2002, 10:53 PM
تسلمين على هذى الكلمات الحلوة ..
وسلم يمناج الغالية ..

ومشكورة عالتواصل ..
ودام الردود كله من بنات المنتدى ..
فعادي بنات شلوا الغشوة .. وما يحتاي ماشي شباب :)
الدانه
21-03-2002, 12:01 PM
ههههههههههههههههه
مشااااااكل يا شرووووق
وانا أول وحده ما صدقت(hi)








(h) تحياتي لج
شروق الشمس
21-03-2002, 11:30 PM
هههههههههههههه
خذي راحتج البيت بيتج :)
الحالمة
22-03-2002, 09:55 PM
تسلمين على هالموضــــوع..
و بصراحة الله يعطيج العافيـــة..



تحيـــاتي
الحــــالمـــة
لولوه
23-03-2002, 08:48 AM
حبيبتي شروق صح انه البنات الحين بدلوا الغشوه بالنقاب

لكنهن ما يخلون شي على عيونهن من الايشدو والايلاينر الا وحطوه

وهذا بروحه فتنه

لو كل وحده حطت النقاب بدون تزيين عيونها بكون ستر

الله يستر علينا وعلى بنات الناس
شروق الشمس
24-03-2002, 03:31 AM
الله يعافيج ويسلمج
ما تقصرين الغالية .. ردودج لها اثر طيب في نفسي
فديت العين
28-03-2002, 11:16 PM
تسلمين على هالمعلومات والتفاصيل السنعه

بس للاسف بنات اليوم مايلتزمون بها


الله يستر على بناتنا
شروق الشمس
29-03-2002, 10:19 AM
حد ملتزم وحد لا
والله يستر علينا وعليهن

تسلم عالمشاركة :)
باربي
04-04-2002, 03:45 AM
تسلمين اختىى على جميع مشاركاتج القيمه

مع اجمل تحياتي باربي