المساعد الشخصي الرقمي

مشاهدة النسخة كاملة : الزعيم يحطم امال الشارقة


الرميثي
19-03-2002, 09:54 PM
سوينه تصويت على هذي المبارة المهمه للفريقين

وكان فيها التصويت تعادل 2للعين و2 للشارقة

في الشوط الاول انتهز الفرصه الفريق الشرجاوي بتسجيل هدفين لصالح الشارقة

والعين يلعب ولا يفقد الامل حتى في الوقت الايضافي

العين يضغط ويضغط لكي يعدل النتيجه اول الاهداف...

من جويلتي لاعب هجوم العين

وفي اخر الدقائق التي لعب فيها فريق الشارقة لعب عشوائي يظهر الكرة من خط ال18

ولاكن جماهير العين التي تهتف بصوت عالي عيناوي عيناوي عيناوي عيناوي

اعطت حافز كبير جداً لفريق العين لكي يعدل النتيجه وقبل انتهاء المباره يحرز العين

الهدف الثاني الذي يحطم امال الشارقه التي كانت ستظهر من الملعب بفوز شرقاوي

رفعه ولا اجمل من سبيت خاطر في رأس ارثر الذي غير مجرى المبارة لكل منهم

2/2 ويظهر الفريقين من الملعب بنقطه للزعيم ونقطه شرجاويه

ومبروك للفريقين على هذا الاداء الجميل الذي استمتعنا في هذي المبارة

التي كانت من اصعب المباريات الشرجاويه والعيناويه في هذا الدوري

وهذا الدوري غير عن كل المراحل التي مر بها الانديه الاماراتيه

بهذا الدوري يحمل اكثر من خمس فرق في الصداره التي كل منها يفرق عن الثاني بفرق الاهداف او نقطع
او نقطتين

اتمنى لكل فرق بالتوفيق :)
شروق الشمس
20-03-2002, 12:52 AM
نتمنا التوفيق لكل الفرق
لولوه
20-03-2002, 08:53 AM
مرحبا الرميثي

نفس نتيجة المباراه الاولى تعادل
لكن الاولى انتهت 3/3..... والثانيه 2/2
ومبروك للفريقين النقطه الي حصلوا عليها
عاشق نصراوي
20-03-2002, 02:23 PM
كنت اتمنى فوز فريق الشارقة ....
بس ما اقول غير الحمدلله على كل حال ... خاصة انهم يلعبون بفريق الشباب (تحت 19)
الرميثي
21-03-2002, 03:59 AM
اشكرج اختي على المشاركه

والله يسمع منج ويتوفقون كل الانديه الاماراتيه والخليجيه ويحققون

في عالم الكرة شي نقدر نتكلم ونقول العرب سوت شي :)
الرميثي
21-03-2002, 04:10 AM
هلا اختي احب اقولج شي

الشي الغريب ان العين دوم في كل مبارياتها تلعب وتضغط على المرمى الين تفتتح اول هدف

وهذا طبع العين دوم يلعبون هجوم لكن الي استغرب منه

افتتاح الشارقة على العين انا اقولج الاسباب

اول شي الشارقة تلعب دفاع وتعتمد اعتماد كلي على الهجمات المرتده الي تساعد على
الحصول على هدف

يلعب العنبري احد لاعبين الشارقه وهذا الاعب يمتاز بالتمرير الصحيح وادقان الكنترول
وهذا يعطيه امكانيه انه يلعب هجوم ويساعد المهاجم على احراز الهدف

على العموم احلى شي في العين جماهيره الي ما تتعب عن التشجيع
وهذا الي يخلي فريق العين يدرك التعادل مع الشارقة

اظن ان العين يظهر بنقطه احسن عن لا يعطي الشارقة ثلاث نقاط تمكنهم على الحصول على المركز

اشكرج اختي على مشاركج ويانه وان شاءالله نشوفج دوم
الرميثي
21-03-2002, 04:31 AM
اخوي صعب جداً جداً ان الشارقة تفوز على الزعيم العيناوي

واظن ان هذا القب ما يبناه من فراغ ......

وبعدين مش نحن الي سميناه الزعيم محمد نجب الي سماه الزعيم

وهذا يدل على زعامته بين الانديه الاماراتيه وقوته المستبده


على فكره العين ولا مره نزل درجه ثانيه

اخوي يقولك المثل

يتمنى ولا يلقا

وبعدين تحت 19 سنه هذا لهم فخر كبير انهم لعبوا ويا نادي كبير


اود انك تكون واقعي .
الحالمة
21-03-2002, 01:46 PM
المباراة كانت حلوة و بصراحة كانت ممتعه.. الكل كان متحمّس..
و لو العين ما ياب الهدف الثاني ان جان نط لهم عرج..

يالله بالبركة عليهم اثنينهم.. و لكل مجتهد نصيب..




تحيـــــــــاتــي
الحــالمـــــــة
الرميثي
22-03-2002, 05:06 AM
لا اختي غلطانه

انا بقولج الاسباب

ما اعرف ليش مدرب العين جمال حاجي مايلاعب رامي اسلم
ثاني شي في الخطه اغلاط وايد ودم جمال حاجي يعدل الخطه في الشوط الثاني

يعني يحمدون ربهم انهم فلتو بنقطه احسن عن لايظهرون مندون نقطه

انصحج اختي انج تغيرين اسلوبج في الرمسه دام الاحترام بيني وبينج

لاتخلين منتدى الرياضة يستوي منتدى المشاكل

الواحد يتناقش بسلوب يرضي عمره ويرضي غيره

ان كان تبغين ترمسين وتتناقشين انا كل يوم ادخل هذا القسم وتقدرين تقولين الي تبينه
منغير تجريح في الكلام

وبهذي الطريقه نقدر نتفاهم ونوصل الي حل

مشكوره اختي .
لولوه
23-03-2002, 11:30 AM
شوف اخوي الرميثي وبصراحه وبدون زعل

انالقيتلك شغل في ابوظبي الرياضيه ( محلل رياضي )

والله انك تستاهل وزياده (h)

ماشاء الله .... ما شاء الله .....ما شاء الله عليك

ادقق في كل شي :D
الرميثي
23-03-2002, 06:57 PM
تسلمين يا اختي لكني هب محلل رياضي ولا شي

لكني اتابع الكرة بستمرار واعرف وايد

هب الحين تيني وحده وتقول كلمتين

ولا وحده منهن صح

والصدق محد يزعل منه
+*^^*ماريه*^^*+
25-03-2002, 02:31 PM
شوفوا انا بصراحه ما شفت المباراه ولا اعرف اللاعبين ولا المدربين

بس من قريت الموضوع والردود وتحاليل الاخ الرميثي الحلوه قلت في خاطري يا ريتني شفتها :)

ماريه
الرميثي
25-03-2002, 07:43 PM
تسلمين اختي وهذا كله من ذوقج

ومشكوره على المشاركه ومتابعت قسم الرياضة

وان شاءالله تشاركينه بمواضيع حلو
الوعد
27-03-2002, 09:57 PM
مبروك للجميع ... وكلنا عيال ديره وحده .... الفوز للكل ... سواء العين فاز او الشارجه .... كله واحد ماشي فرق .... في كل الحالات .... اسم بلادنا مرفوع .... وسلامتكم
الرميثي
01-04-2002, 09:29 PM
ختيه ماصار اله الخير والشر هب من طبايعنا

كلنا اهل وايد وحده ولا شي يفرقنا غير المماتي

والي صار هي مناقشه فقط وتجنبنا فيها الكلام الي يضر الواحد

وخلصت السالفه بخير وسلام

تسلمين اختيه على المشاركه واهتمامج في قسم الرياضة عاودينه كل يوم وشاركينه في مواضيعنا وردودنه:)
عاشق نصراوي
01-04-2002, 11:17 PM
المباراة صار لها اسبوعين و هي مخلصة .... انتو اشحقة مطولين السالفة وايد ؟
الرميثي
02-04-2002, 10:04 PM
الغالي السالفه خلصت بس شو تبغيني اقول حقهم :confused: