الدانه
19-03-2002, 04:30 PM
خصيبه : السلام عليكم ورحمة الله و بركاته .. اشحالكم يا ويوه الخير .. وكل عام وانتوا بخير ..
و يجعلها لكم ولامة الاسلام و المسلمين سنة خير يا رب ..
عوشه : اللهم آمين يا رب العالمين .. اشحالكم يا عرب زايد .. ترى سمحوا لنا تاخرنا عليكم .. بس ترى مشاغل الدنيا ما تخلص ..
و بعدين ترى نحن نعزكم .. وانتوا ناس حلوين .. طيبين .. و بنحبكم ..
خصيبه : سمحوا لها ترى قناة art دخلت وياها على الخط ..
عوشه : بو طبيع ما يوز عن طبعه .. وانت و غشمرتج .. اقول خصوب أم حمود شو كانت تسوي عندكم البارحه ..
ترى ها الحرمه احب سوالفاها ..
خصيبه : صدقتي والله سوالفها ما تنمل .. الله يسلمج البارحه طول الليل وهي تخبرنا عن الامثال ..
و ليش قالوها .. صراحه استانست عليها .. ما شاء الله عليها موسوعه امثال متنقله وناطقه ..
لا وبعد شبينا الضو وكلنا خبز رقاق و شربنا حليب بوش ..
يقولج ام حمود قالت لغز واللي يحله يربح طاسة حليب بوش و غرشة سمن ..
عوشه: بتطلع روحي و السبه غشمرتج .. خبريني عن سوالف أم حمود ترى ذبحتيني ..
خصيبه : اذا اصغي يا فتاه .. من الامثال اللي قالتها .. (القطو العود ما يتربى) .. يعني الشخص العوي صعب تخليه يعتدل ..
مثلج يعني ما ينفع وياج لا طب ولا كي
عوشه : الله يسامج .. هذا انت اللي ما ينفع فيج شي .. كملي .. احسن لج ..
خصيبه : خلاص لا تزعلين .. بعد قالت لنا من الامثال .. (الفرس من خيالها ، والحرمة من ريّالها)..
وهذا المثل يقولونه للريال اللي يفر لحرمته الخيط و المخيط .. ويخليها على كيفها ..
يعني اذا شفتي حرمه متسلطه عرفي ان ريلها ساكت عنها و ما يقول لها شي ..
واذا شفتيها حرمة سنعه ميوده لسانها يعني عرفي ان ريلها صاير على رأي المصريين سي السيد ...
و بعد قالت لنا .. مثل تبين الصراحه ,, عيبني .. (حلاة الثوب رقعته منه وفيه)..
يعني ان الانسان يأخذ من اهله و يتعامل معاهم و يتزوج من ربعه و اهله لانهم بيكونوا
ستر و غطا عليه .. مب مثل معظم الشباب اليوم يتزوجون من الخارج ..
و الدوله ما قصرت سوت لهم صندوق الزواج .. بعد اش يبون ..
عوشه : صدقتي والله يا خصوب .. لا واكثر اللي يتزوجون من الاجنبيات وبالذات الهنديات هم الشواب ..
كنهم مب شايفين خير ..
كملي امثالج يا لغاليه وفي سوالف ام حمود
خصيبه : بعد مثل عيبني اللي هو .. (اللي ما يعرفك ما يثمنك )..
يعني الشخص اللي ما عاشرك وما تعاملت وياه ما يعرف قدرك و ما يعرف مزاياك ..
عوشه : هذا مثل ينطبق عليج .. بس رغم انج معاشرتي الا انج ما تعرفين قدري ..
خصيبه : غلطان اللي يرمسج عن الامثال .. قومي خلينا نسير المهرجان ...
عوشه : متعوده ترعي الهوش و البوش بالسيوح و الحزوم .. وتبا تسير المهرجان
خصيبه : هذا التخلف بعينه .. صج ما تعرفين بالتحضر .. هناك تشوفين العالم كله بمكان واحد في القريه العالميه ...
عوشه : وايد علي اشوف عزبة البوش .. بنات اليوم يا حبكم للطلعه ..
قومي خبزي و انا بييب طاسة حليب بوش ابرك لنا من المهرجان وغيره ..
خصيبه : الله يعيني عليج .. بس قبل ما اسير بتخبر عرب زايد عن قصة مثل ..
ترى خاطري اعرف قصته .. المثل هو ... (الفضول قتل العيوز).. يقولونه للشخص الفضولي ..
بس لو تخبروني عن قصته .. تكونوا مشكورين و بتربحون طاسة حليب بوش
عوشه : ربحوا المليون .. اسمحوا لنا .. و نشوفكم على خير ان شاء الله ..
خصيبه: وداعة الله يا جماعة الخير ..
وقفه اخيرة ..
ستظل امثالنا مرآة نستشف منها ماضينا وتراثنا
وستبقى لنا زادا نستلهم منه الحكمة و الموعظه
فما اجمل حياة خلقت جيل صنع حضارة
وما اجمل أخلاق غرستها الحياة فيهم
فأصبحت للانسان منارة
(hi)
و يجعلها لكم ولامة الاسلام و المسلمين سنة خير يا رب ..
عوشه : اللهم آمين يا رب العالمين .. اشحالكم يا عرب زايد .. ترى سمحوا لنا تاخرنا عليكم .. بس ترى مشاغل الدنيا ما تخلص ..
و بعدين ترى نحن نعزكم .. وانتوا ناس حلوين .. طيبين .. و بنحبكم ..
خصيبه : سمحوا لها ترى قناة art دخلت وياها على الخط ..
عوشه : بو طبيع ما يوز عن طبعه .. وانت و غشمرتج .. اقول خصوب أم حمود شو كانت تسوي عندكم البارحه ..
ترى ها الحرمه احب سوالفاها ..
خصيبه : صدقتي والله سوالفها ما تنمل .. الله يسلمج البارحه طول الليل وهي تخبرنا عن الامثال ..
و ليش قالوها .. صراحه استانست عليها .. ما شاء الله عليها موسوعه امثال متنقله وناطقه ..
لا وبعد شبينا الضو وكلنا خبز رقاق و شربنا حليب بوش ..
يقولج ام حمود قالت لغز واللي يحله يربح طاسة حليب بوش و غرشة سمن ..
عوشه: بتطلع روحي و السبه غشمرتج .. خبريني عن سوالف أم حمود ترى ذبحتيني ..
خصيبه : اذا اصغي يا فتاه .. من الامثال اللي قالتها .. (القطو العود ما يتربى) .. يعني الشخص العوي صعب تخليه يعتدل ..
مثلج يعني ما ينفع وياج لا طب ولا كي
عوشه : الله يسامج .. هذا انت اللي ما ينفع فيج شي .. كملي .. احسن لج ..
خصيبه : خلاص لا تزعلين .. بعد قالت لنا من الامثال .. (الفرس من خيالها ، والحرمة من ريّالها)..
وهذا المثل يقولونه للريال اللي يفر لحرمته الخيط و المخيط .. ويخليها على كيفها ..
يعني اذا شفتي حرمه متسلطه عرفي ان ريلها ساكت عنها و ما يقول لها شي ..
واذا شفتيها حرمة سنعه ميوده لسانها يعني عرفي ان ريلها صاير على رأي المصريين سي السيد ...
و بعد قالت لنا .. مثل تبين الصراحه ,, عيبني .. (حلاة الثوب رقعته منه وفيه)..
يعني ان الانسان يأخذ من اهله و يتعامل معاهم و يتزوج من ربعه و اهله لانهم بيكونوا
ستر و غطا عليه .. مب مثل معظم الشباب اليوم يتزوجون من الخارج ..
و الدوله ما قصرت سوت لهم صندوق الزواج .. بعد اش يبون ..
عوشه : صدقتي والله يا خصوب .. لا واكثر اللي يتزوجون من الاجنبيات وبالذات الهنديات هم الشواب ..
كنهم مب شايفين خير ..
كملي امثالج يا لغاليه وفي سوالف ام حمود
خصيبه : بعد مثل عيبني اللي هو .. (اللي ما يعرفك ما يثمنك )..
يعني الشخص اللي ما عاشرك وما تعاملت وياه ما يعرف قدرك و ما يعرف مزاياك ..
عوشه : هذا مثل ينطبق عليج .. بس رغم انج معاشرتي الا انج ما تعرفين قدري ..
خصيبه : غلطان اللي يرمسج عن الامثال .. قومي خلينا نسير المهرجان ...
عوشه : متعوده ترعي الهوش و البوش بالسيوح و الحزوم .. وتبا تسير المهرجان
خصيبه : هذا التخلف بعينه .. صج ما تعرفين بالتحضر .. هناك تشوفين العالم كله بمكان واحد في القريه العالميه ...
عوشه : وايد علي اشوف عزبة البوش .. بنات اليوم يا حبكم للطلعه ..
قومي خبزي و انا بييب طاسة حليب بوش ابرك لنا من المهرجان وغيره ..
خصيبه : الله يعيني عليج .. بس قبل ما اسير بتخبر عرب زايد عن قصة مثل ..
ترى خاطري اعرف قصته .. المثل هو ... (الفضول قتل العيوز).. يقولونه للشخص الفضولي ..
بس لو تخبروني عن قصته .. تكونوا مشكورين و بتربحون طاسة حليب بوش
عوشه : ربحوا المليون .. اسمحوا لنا .. و نشوفكم على خير ان شاء الله ..
خصيبه: وداعة الله يا جماعة الخير ..
وقفه اخيرة ..
ستظل امثالنا مرآة نستشف منها ماضينا وتراثنا
وستبقى لنا زادا نستلهم منه الحكمة و الموعظه
فما اجمل حياة خلقت جيل صنع حضارة
وما اجمل أخلاق غرستها الحياة فيهم
فأصبحت للانسان منارة
(hi)