الحظ يعاند ويعاند ويعاند والعين يكسر الحظ

[الرميثي]

لعب الحظ دور كبير في مبارات العين والشارقه

تقدم الشارقه بثلاث اهداف وذالك بعد ماكانت في فريق العين ثغور
صغيره وستفاد منها الفريق الشرجاوي

والشوط الثاني

خطط جميله ومميزة للمدرب جمال حاجي بعد ان استبدل الدفاع بالهجوم
...((وكثرت الدق يبطل الحام ))... تقلب غير غريب على فريق العين وعكس المباره 3/3

هذا بعد ماابذلوا جهد كبير وكثرت الكورات الخطيره التي تهدد بستمرار مرما الشارقه
الي تمكن العين على كسر الحاجز الحديدي

ويحتج فريق الشارقه على الهدف الثالث الذي يظهر العين بنقطه والشارقه بنقطه

وطرد احد المهاجمين في صفوف الشارقه
وهذا قرار سليم من حكم سليم التحكيم

ارضوا يا الشرجاويه بهذي النتيجه

هب كل طير ينكل لحمه





الي عنده اي ملاحظه يطرحها ولا يتردد
والي يريد يبارك للفريقين يتقدم




والسموحه على القصور:)

[عاشق نصراوي]

أول شي بغيت أبارك للفريقين النقطة الي حصلوها.....

وبس بغيت إني أعلق على هالحكم ....... طبعاَ هذا الحكم يحكّم لأول موسم له في دوري الدرجة الأولى .... وهو كثير الأخطاء دايماَ ..... وأنا لاحظت إن أغلب المباريات إلي حكمهم كان يظلم الفريقين ... خاصة في مباراة النصر و الوحدة الي هو كان سبب في اللعب البطيء في المباراة

لكن بالنسبة لمباراة اليوم .... فكان الحكم متردد في قراراته ... بس القرارت كلها كانت صحيحة من ضربة غير مباشرة إلى طرد رزاق ثم إلى الهدف ..... وكان الحكم متوتر جدا في هذه المباراة

وحبيت أقول إن دوري الإمارات ينقصه حكام زينين .... لأن أغلب الحكام يظلمون الفرق بس مادري ليش هم متعاطفين وايد مع نادي العين !!!

[لولوه]

والله كانت المباراه وايد حلوه وعجيبه لكن تصرف لعيبة الشارجه خربت عليهم
والمستفيد الوحيد هو نادي العين
لكن المشكله الحين في العقوبات الي بطيح في جبود نادي الشارجه
لو ان اللعيبه مسكوا اعصابهم جان ماصار الي صار
وابصراحه تصرف الحكم عيبني .... ان اللعيبه يضاربون وهو يالس يكتب ارقام قميصاتهم
بس ليش الشرطه ما ادخلت يوم شافه سوء تفاهم :confused:
وآسفه لاني طولت عليكم

[الرميثي]

اخوي حبيت اوضحلك نقطه مهمه واوضحلك سبب حب الحكام لنادي العين
حبيبي اول شي ان نادي العين له صولات وجولات في الخليج
ثاني شي
ان هذا الفريق الي انته هب مقتنع انه ينحب
اثبت جدارته في السنوات الي سبقت انه يحتل احسن المراكز والبطولات

وعلى فكره
واكثر شي يميز فريق العين يا الغالي ان هذا الفريق مانزل ولا مره درجه ثانيه
يعني هذا يدل على مكانته في الامارات ولعبه المتميز الي يتقد كل يوم عن الثاني
واحب اقولك ان جماهير العين اكثر جماهير
وهذا الفريق قال عنه محمد نجيب هذا هو الزعيم مب من عدنا يبنا شي
اخوي هذي العبه فيها خسارة وفيها فوز وانا ما اقولك ان فريق العين ولا مره خسر لكن الواحد يحسب
كثرت الفوز مب الخسارة

واقولك ان في فرق لها مكانه ولها جماهيرها
هب بس العين
وان شاءالله تحب نادي العين مثل مايحبونه مب بس الحكام كل من يعرف معنى العب الحلو والمتميز هو الي ينجبر يحب
فريق كبير مثل نادي العين


والكبير كبير الغالي

عسى ماثقلت عليك
واسمحلي ان تماديت في شي
هذا الفريق انا احب له المدحه واحب له الخير وكل واحد لازم يرمس عن
فريقه ويمدحه
وهاي كلها نقاشات مالها نهايه
نحب ان نسمعها ونقولها لكي تستمر هذي العبه الي لها شعبيه كبيره في الامارات والخليج واوروبا
والعالم اجمالي الغالي

تقبل تحياتي
ولا تحط في خاطرك شي نحن هني نتناقج في امور الرياضه وكلنا اخوان
وكل واحد يعز الثاني ويحطاه قدر وشان

[الرميثي]

انتي المباره كانت مثيرة بشكل صراحه فنان
وهذا هب غريب لازم العين والشارقة تكون في المباره اهداف ما ادري ليش
بذات هذيله الفريقين يوم يتلاقن يتيمعن الاهدا
بصراحه عيبني قول محمد عمر بشمال رييله
تسديده يعجز ان يردها محسن مصبح
واشكرج على المشاركه:)