شروق الشمس
10-03-2002, 12:08 AM
كان يا مكان في قديم الزمان حرمة طيبة متزوجة من زمان لكن رب العالمين ما رزقها بالذرية الصالحة وهي صابرة وراضية بأمر الله .. وفي يوم ضعفت ورفعت ايديها للسما ودعت رب العالمين ان يرزقها بولد او حتى هبان (الهبان هي آلة موسيقية مصنوعة من جلد الاغنام) …. استجاب رب العامين لدعاها ورزقها بهبان !! بس ما فرحت به وتمت حزينة وزعلانة وحطته في زاوية في البيت وكل ما اشتاقت له وايقت عليه … وفيوم بغوا الناس ايسيرون رحلة للبر سارت ام الهبان وياهم وهدت ولدها الهبان بروحه في البيت بس ما نست اتحط له الاكل والشرب والرحلة كانت اتطول اكثر من ثلاث شهور … وبس الميسورين الحال هم اللي يرومون ايسيرون الرحلة والفقارة اللي ما عندهم ايتمون في لبلاد .. يوم ردوا الناس من الرحلة ووياهم ام هبان سمعوا الناس يطرون واحد وسيم وقوي يصلي وياهم في المسيد بس ما يعرفون عنه شي !!
وفي يوم وام هبان اتنظف البيت سمعت صوت من الهبان يقول الهبان يبا يتزوج!!! قالت الام انت اللي ترمس قالها هيه انا قالته الام : خلاص دام هذى رغبتك انا بيوزك!! سارت الام تخطب لولدها من بيت لبيت طبعا الكل يرفض (حد يزوج بنته حق هبان!!!)
المهم واصلت الام البحث لين ما دقت باب صياد فقير عنده اربع بنات فخطبت بنته العودة .. الصياد قال ما عنده مانع شرط البنت اتوافق (الاب الديمقراطي ) لكن البنت العودة ماطاعت فشاور الاصغر والاصغر لين ما وصل للبنت الصغيرة .. فوافقت واتزوجت الهبان ..
وفي يوم نشت الحرمة من الغبشة وشافت ريلها طلع من هيئة الهبان ..والجربة على صوب وهو ما شاء الله ريال وسيم ماله مثيل ..اتريته لين ما سار لصلاة الفجر ويوم ظهر خذت الجربة وحرقته …. ويوم رد طلعت له قبل لا يدور عالجربة وعرف الريال ان حرمته حرقت الجربة واستانس عليها لانها خلصته من الجربة .. وعاشوا مع بعض عيشة سعيدة …… وتوتة توتة خلصت الحدوتة .
وفي يوم وام هبان اتنظف البيت سمعت صوت من الهبان يقول الهبان يبا يتزوج!!! قالت الام انت اللي ترمس قالها هيه انا قالته الام : خلاص دام هذى رغبتك انا بيوزك!! سارت الام تخطب لولدها من بيت لبيت طبعا الكل يرفض (حد يزوج بنته حق هبان!!!)
المهم واصلت الام البحث لين ما دقت باب صياد فقير عنده اربع بنات فخطبت بنته العودة .. الصياد قال ما عنده مانع شرط البنت اتوافق (الاب الديمقراطي ) لكن البنت العودة ماطاعت فشاور الاصغر والاصغر لين ما وصل للبنت الصغيرة .. فوافقت واتزوجت الهبان ..
وفي يوم نشت الحرمة من الغبشة وشافت ريلها طلع من هيئة الهبان ..والجربة على صوب وهو ما شاء الله ريال وسيم ماله مثيل ..اتريته لين ما سار لصلاة الفجر ويوم ظهر خذت الجربة وحرقته …. ويوم رد طلعت له قبل لا يدور عالجربة وعرف الريال ان حرمته حرقت الجربة واستانس عليها لانها خلصته من الجربة .. وعاشوا مع بعض عيشة سعيدة …… وتوتة توتة خلصت الحدوتة .