أنسيني !!!

[مطر]

أنسي أسمي وأمسحيني من حياتك..وأنســــــــــــــــي يوم أني ساعه عرفتك...كنت أظنك....

كنت أظنك وافيه ومحد شراتك....وكنت اقـــــــــول في خاطري ما أظني يوم ألقى حد مثلك...

لكن الايام وظحتلي معنى غلاتي ...وأتضــــح في ساعـــه غدرك وكذبك...وأتضـــــح كل سر

أحتفضتيبه لنفسك....وبن المحبه اللي كانت في كـــــــــــــــلامك ؟ ووبن الغلا ؟ وبن الدمـوع

التي كانت من غلاتي تنزل من أعيـــــــانك.....؟وينه خفايا الشـــــــــــــــــوق وينه حنانك؟؟

ماكنت أتصور كل هذا يظهر منك..!!! وماكنت أعتقد ان عشرتنا بهذي السرعه عليك هانت...!!!

[الحالمة]

لا تطلـــب النســيــــان منّـي..
نسيانك و الموت عندي سيان..
لا تظلم القلب اللي حبّك..
و انتظــر وراجــع ضميرك..
لا تستمع قول العواذل..

تفتــكر أرضى بديلك؟؟!!
انت عمري و انت حبي..
و الوفا باقي بحتضني..
الله أعلم اش حكوا لك..
و ايها صورة ارسموا لك!!

إن حكوا لك إن غيرك في حياتي..
يرفض قليبك و ذاتك..
أنت متأكــد بأني أترك الدنيا و اجي لك..
لا تقول انسي حبيبي..
الموت أهون لو يجيلي..
نسيانك و الموت يا عمري سيان..

لا تصدق قول حاقد.. يمكن بضنه ظلمني..
و انت و اش فيها لو تسامـح..
عطني فرصة أثبت أنك يا غرامي متهمني..
و المتهم أصلا بريء.. إلا ان ثبتت الإدانه..
انطق و قول الدليل.. لا تقطع احبال الوصال..

هو صحيح لصغر سني المباهي سولن لي..
لكن انت الباقي الأول بقلبي و الأخيــر اللي حفظني..
لا تتركني لغيرك يغدر بي..
ولا تطلب النسيان مني..
يعل الموت يرجــع ينتزع منهو نساك...



و أتمنى أن أكـــون قد وفّقت بهذه المداخله.. لخاطرتك الرائعة...




تحيــــــــاتـــي
الحـــالمــــــــة

[مطر]

قبل ما اكتب لك اي كلمه كان الكلام عندي على ميزان...

وكنت اراجع نفسي وحاسبها....لكن لي متى السكوت يحرق اعصابي ...

تخونين وتدعين الامانه .....تغدرين وفي الظهر تطعنين واتقولي ...هذا شيء ماحد درابه..

أمهلتك قبل الفرصه ألف فرصه....ولكن للأسف عاندتي...عطيتك مايحببني فيك اكثر ...سلكتي

الدرب اللي منه حذرتك...تدرين اني قايل ان الخيانه مالها اي مسامح ....هذا شرع الحب مو شرعي...

وهذا الدليل عايش ابقلبي علا طول السنين...لاتدعين الوفا لا تدعين....صدقيني ان الوفا في هالزمن

انعدم واصبح شيء ماله مكان....واسمحيلي لوكنتي وافيه ماتركتك...ولا لحظه من ثواني السنين.....

[عــيـ دبـي ــون]

تسلم الغالي على هذي الخاطرة ولاتحرمنى من مشاركاتك(h) (h)

[مطر]

أشكرك من القلب وماتقصر وفيك الخير دايم ودوم ان شاء الله

اشكرك اما عن سالفة التواصل...فالتواصل سيضل بالقلوب...قبل

كل شيء...المهم اني ماضي معكم وعلا طريقكم امشي...امشي وكل

سعاده مادمتوا معي تساندوني...انا في الحقيقه لي كتابات كثيره

ولكن سأضل اكتب لكم ماهو الجديد واذا ارتم ان انشر شيء قد نشرته

فماعليكم الا ان تامرون عليه وبس...وان شاء الله نكون يد واحده

في كل شيء...بييييييب بيييييب باي.

تحياتي للجميع....اخوكم مطر.(h)

[بنت جميرا]

خاطرة جميله اخ مطر
وتواصل جميل من الاخت حالمة

ونتمنى ان نرى منك كل جديدك

(hi)

[مطر]

شكرا لك ولكتابتك....وماتقصرين...وان شاء الله سيستمر التواصل مادام العطاء

سيظل دائما من الخاطر من كل الاصدقاء الطيبين...

تحياتي لك...بنت جميرا........من مطر.

[بنت الكتبي]

ياليت الواحد الي يبا ينسى ينسى بسهوله كل الي صارله بس الدنيا عاد ماتساعد الواحد على النسيان وحتى لو حاول النسيان اخاف ينسى نفسه ولا ينسى احبابه

وتأتي الرياح بما لا تشتهي السفن ومشكوور يامطر على هذي الابيات المعبره وبالتوفيق انشاء الله ونتريا كل يديد منكم (h)

[مطر]

شكرا لك بنت الكتبي...

اما عن النسيان فالامور وايد كبيره ...وتتعدد الاشكال والانواع حد يقدر

وحد يحاول ...وبنشوف الزمن يمشي ونحن نمشي...علا الاثار نتخطى ...

والكل يحاول ...ولكن هناك صنف من الناس وهذا نادر في هالزمن الوفاء في قلوبهم

بحر والعشق فيهم احترام ....بفيض بعطاء ...واي عطاء هذا انه عطاء من صميم القلب

كل انسان يتمنى ان يلقى حب ينسيه الاخرين...والدنيا حظوظ ....يالله ترزقنا قولوا اميييين

تحياتي لك ولكلامك ومبروك عليك التسجيل وخلينا انشوف مشاركاتك يالطيبه...تحياتي باي.