المساعد الشخصي الرقمي

مشاهدة النسخة كاملة : مايفضح اللي حب ... إلا


الوعد
03-03-2002, 06:21 PM
هناك من يحاول إخفاء حبــــــه ... عن الناس ... عن من يحب... عن الكل ... إما خوفاً ... أو خجلا ... او حبا في حفظ أموره لنفسه ... وإما أنه هناك عدم قدرة على البوح .. أو بعداً عن الأنظار .... ولكن ...
الفـــــــــــــــــراق ..... آه من الفراق إن حدث ....هل بإمكان المحب... الإنسان الشاعر ... الحساس ... أن يخفي ألمه وحزنه في قلبه ... وإن حاول .... فإن له قلب يحس ... وستظهر آثار حزنه مهما حاول إخفائها ...
قصيدة تعجبني ... لشاعري المميز .. أسيـــــــر الشوق ... أتمنى أن ينال اختياري على رضاكم واستحسانكم ..
مايفضح اللي حب إلا آخر اللحظات ....
لامد كفه بالوداع وصد بعيونه ...
معاه رايات الأسى وجيشٍ من العبرات ...
وبين الحنايا صهيل خيول محزونه ..
سلام .. ياللي ناوي الفرقا عدد مافات ...
وتعداد مامر السحاب وهلت مزونـــــه ...........
سلام من قلبٍ سكنته انت والحسرات ....
غـــــــــلاي ..... تكفى يامودع ناظري صونه ...
ارحل ... وأنا بارحل ...
معي هم .... وتعب .... وسكات ....
وأسرار مابيني وبين الروح مدفونه ...
ارحل مادام الله كتب لك يالحبيب شتـــــــــــات ...
مالي على حكم القدر رايٍ ولامونه ...
مالي بعدك إلا الصبر ... ومجاذب الونات ..
وقصيدي اللي كل خلق الله يغنونه ....وإن طالت الغيبه ... أباانعي الحب لو مامات ..
عسى الهوى بك يشتعل .. وتردك ظنونه ....
وغصباً عليكم لازم تعجبكم القصيده ... :mad: .....هههههههه ..... لاحبايبي ... اسولف وياكم ...
ابي رايكم وبس .... وهو اللي يهمني .... بدون أي مجااااااااااااااااااااااملات
تقبلـــــــــــــــــــــــــــــــوا خالص حبي ....... الوعــــــــــــــد (h) (h)
الشامسي
03-03-2002, 06:41 PM
الوعد حــبه بقلبي بعده مامات . حتى لو هو نـــــــسى مضنونه

عيوني تـــــــبات ليلها ساهرات . من سبة اللي شد عنيه اضعونه

سهران ليـــــــــــلي مول مابات . هل كيف ينسى من هم يحبونه

هممممممممم الوعد اول شي صح الله لسانج
ثاني شي
الصراحه القصيده معانيها واااايد حلوه
بس
توقف
صفق
برافو
انتي
ثمانيه من عشره

:)
بباي

اخوج الدمار
بنت العين
03-03-2002, 06:57 PM
الله روووووووووووووعة ..

بس يوم ينكشف الحب من بين الناس يضيع الحب ..

وتصدق عاد هالقصيده تعتبر من اقرب القصايد المقربة الى نفسي ..

واللي يحب انسان يصبر عليه ويحاول يقوله كلمة احبك بس بطريقة يثير فيها احساس الطرف الثاني ويخلي كلمة احبك لها طعم وشكل ثاني ..

ولكن عندما يحين موعد الفراق وانت لم تنطق بها او لم تستطع البوح بما يكنه قلبك فانك تتعذب وتهوى في قعر الالم من شدة الحزن على فراق من احبه القلب .. يالله مااصعب كلمة الفراق والله صعبه صعبه .. جنها تنزع الروح من داخل .. وخصوصا يوم تكون غصبا عنك وانت تحب .. او تكون بسوء فهم .. والله صعبه ..

الوعد ..


اشكرك والله على هالكلام الطيب والقصيده الرائعة ..


بنــ العين ـت
الحالمة
03-03-2002, 09:57 PM
اختيـــــــار موفّــــــــق...
و تستاهــــــل.. 8 على 10.. و من عندي نقطة..
تبقى 9 من 10 ...


تحـــيـــــــــاتـي
الحـــــالـمــــة
شبابي
03-03-2002, 10:19 PM
والله اختي تستاهلين تسعه من عشره شو اوكي:D
الوعد
04-03-2002, 03:27 PM
الدمــــــــــــــــــــار.. بنت العين ... الحالمه .... شبابي ........
مشكورين .... وتسلمون ........ إن شاء الله المره اليايه القى 20 من 10 ....... هههه سخيفه ...
اوعدكم بالأفضل إن شاء الله ... تقبلووووووووا حبي ... أختكم ... الوعـــــد :p