المساعد الشخصي الرقمي

مشاهدة النسخة كاملة : مسابقة اجمل الابيات + من القائل ؟؟؟


عبدالله الخياط
02-03-2002, 08:33 PM
اخواني واخواتي المراقبين والاعضاء
يسرني ان ابدا هذة المسابقة الشعرية والتي تهدف لتنشيط العقل البشري ..
وتعمل على اثراء الملكات الشعرية .. كما انها ستبين مدى اطلاعكم جميعاً

ساقوم بكتابة ابيات من قصائد شعراء و شاعرات مختلفين
ولن اذكر اي اسماء ، والمطلوب :

أولا : معرفة اسماء الشعراء .

ثانياً : ترشيح اجمل الابيات في التصويت .

وفي النهاية سيكون لدينا حل + تصويت
و سيأهل الشاعر او الشاعرة الفائزة بالتصويت للدور القادم بنفس الابيات المختارة
×××××××××××××××××××××××××××××××××××××××××××××××××× ××

مسابقة شهر مارس / 2002 م ( الدور التمهيدي ) :
الاختيار الاول : :

اهيم بك من بـــدّة النــــــاس واهــواك
وارضى بوصــــلك ..لو دقيقــة تجيني
كل المشاعر صـغــتها اليــــوم لرضاك
بــــس التـــــــــفت يمي .. وبدد أنيني

××× ×××

الاختيار الثاني :

ذابت الشمس بعيوني .. و ارحلـــــت قبل الفجر
وانكسر أخر بقايا .. " هـ " الحلــــــول الممكنه
إنتظرتك مات صبـــري .. وابتديت مــــن الصفر
أحــــزم عيوني واهاجر .. للجــــروح .. المزمنه

××××××

الاختيار الثالث :

اشوفك ضـــــــايقٍ صــــــدرك غضب زعلان لك مدّه
على هونك عــــسى مانــــي سبب حزنك وضيقاته
دخيلك وش بقـــى عندك.. ترى صبــــري وصل حده
دخيلك مـــا بقى فيـــــني ســــوى قلبي و لوعاته


واتمنى للكل المشاركة و التوفيق ...

اعداد :
عبدالله الخياط
2 / مارس / 2002 م
الوعد
03-03-2002, 05:41 AM
والله الأبيات مب غربيه عليه ...... لكن الاهم إني اعرف منو اللي صاغهن ..... ولايهمك .... بنسوي سيرج .... ههههههه .... الله يساعدنا بس (hi)
عبدالله الخياط
04-03-2002, 11:45 PM
اشكرك يالوعد
لكن انا مستغرب حتى التصويت محد صوّت ....؟!؟!؟!؟!؟!؟!؟!؟!؟!
بنت جميرا
07-03-2002, 05:14 PM
الابيات الاولى جميله الصراحه
واختيار رائع لجميع الابيات شكرا لك اخي الكريم (hi)
بنت الكتبي
10-03-2002, 01:31 AM
لو بقيت اختار عاتبني رجاك
ولو بقيت اقول جفاني صفاك
قول انته وريح القلب بهواك(h)
(h) وان بقى شيء كملته معاك
ان ضواني الحب عذبني وياك
وان جفاني الحب خلاني بهلاك(h)
وانظر اليوم حالي ياملاك
عقب خلي جفاني رضاك
يعلم الله ما تسوى هالدنيا بلاك
والله يبعد عنكم دروب الهلاك
والسموحه عد ماقلنا في هواك(h)



الصراحه كل الابيات جميله والمجموعه الثالثه معبره وايد وانا موافق على هذي المجموعه
وتقبلوا منا كل التقدير والاحترام وبالتوفيق انشاء الله (h)
مطر
10-03-2002, 08:20 AM
في الحقيقه الابيات كلها حلوه ولكن ....

اللي عجبني أكثر الاختيار الثاني ...وأصوتله 100%

اما من القائل فما تحضرني الاجابه...

تحياتي لك يابوحميد.....

من مطر.
الرميثي
10-03-2002, 06:55 PM
كل الابيات حلوه والكلمات

ان شاءالله نشوف منك كل شي يديد ونشوف هاي المسابقات الحلوه

انا صوت على على الثالث وبعد الاول اشوفهن احلى هنتين:)
الحالمة
10-03-2002, 08:05 PM
الأبـــيـــــــات كلهـــــا.. كل مجمـــوعة أحلـــى من الثانيـــة..
أسفة على تأخري في الرد.. بس بصراحة كانت عندي مشكلة ما أقدر أرد على المشاركات المطرووووووحة...

تدري النجـــوم ساعات ينطفي نورها...


حـــاولت بصراحة أشارك في مين القايل.. بس بصراحة كل مجموعتي ما أسعفتني.. مع ان الأسلوب يشككني بأني لي المعرفة في بعضهم..
ما عليه.. أنا مش راح أتسرّع و أتمنى أني ألقى بس اصبر بعد شوي.. قاعدين نعمل سيرج..


الأبيــــــات الأجمل في رأيي...

اهيم بك من بـــدّة النــــــاس واهــواك
وارضى بوصــــلك ..لو دقيقــة تجـيني
كل المشاعر صـغــتها اليــــوم لرضاك
بــــس التـــــــــفت يمي .. وبدد أنيــنـي

السبب.. أنها تحمل القدر الأكبر من الحب.. الشوق.. الحنين.. تأثير الحبيب في تبديد الألم و الأنين.. و هو كل ما يحتاجه المحب من حبيبه.. لأن شيء طبيعي أن يزعل المحب، و يراضيه حبيبه.. لكن الأهم أن لا يتوانا بأن يذّكـــره بمدى تأثيره عليه، و مدى حاجته له

أتمنى أن أكــــون قد وفقت.. ولو أني أرى بأن رأيي مخالف لاخواني الأعضاء المشاركين مع احترامي.. بس هذي وجهة نظري...



تحيـــــــــاتـــي
الحــــــالمـــــــة
الغلا
13-03-2002, 02:22 AM
الصراحه احترت ما اعرف شو اختار ...

والله كل بيت اخلى من الثاني

على العموم الف شكر لكم وانا احين بصوت


الله يوفقكم


تحياتي ... اختكم
الغلا:)
الحالمة
21-03-2002, 08:57 PM
بصراحة أشوف انا مزعلين ضيفنا الشاعر / عبدالله الخيــــاط...

وينكم.. و ين رحتوا.. حتى متكاسلين عن تصوتوووووون..
بصراحـــة عيب.. طيب ابداء رأي..
ردّوا عليه على الأقل...
أشوفه غايب عنـّــــا أتاري من هالموضوووع..

ياله بصراحة عيـــــب وايد في حقة...
الكل لازم يصوّت.. ما بتاخذ منكم المسألة إلا ثواني...





تحيــــــاتـــــي
الحـــالمــــــة
زهـرة الـوادي
21-03-2002, 09:30 PM
فعلا كل الأبيات جميلة :)

بس إلىّ عجبني أكثر الثالث :)
الحالمة
22-03-2002, 09:57 AM
مشكوووورة على المبادرة..
و أتمنى البقيــة يحذون هالحذو...

بس غريبة بصراحة...
الكتبي.. و الدمـــار ما جاوبوا.. لا تنسون أنهم شعراء..
أتكون بعضا من القصائد تخصهم؟!؟!؟!؟



أوكي.. يمكن..



تحيــــــاتــي
الحـــالمـــــة
الحالمة
02-04-2002, 05:24 PM
وينك.. وين الحلوووول...
نحنا ما نسينا المسابقة.. و إلا ناوي تعاقبنا و ما تخبّرنا بالفايز...
في انتظار اعلانك..



تحيـــــاتـــي
الحـــالمـــــة
عبدالله الخياط
02-04-2002, 08:50 PM
اشكركم جميعا على المشاركة
وانتظروا النتائج




مع خالص التقدير
باربي
05-04-2002, 04:55 PM
بصراحه كل الابيات حلوه
كل بيت احلى من الثاني

بس عيبني الشعر الاول

فيه سلاسه و رقه و جمال

مع اجمل تحياتي باربي
الوعد
11-04-2002, 04:00 PM
السلام عليكم .... اشحالكم ...؟؟؟ عساكم طيبين ..؟؟؟

وجـــــــــــــــــــــــدتــــــــــــــــــها .....



المهم .... انا اليوم وااااااااااااايد مستانسه اني عرفت الحل لاختيارين... واتمنى يكونون صح


اولا...: اشوفك ضايقٍ صدرك ............. الشاعره ... بنت العطاء



ثانيا :اهيم بك من بدة الناس واهواك ......... الشاعره هالة الشمس ...


اما الاختيار اللي في النص ..... للأسف ماعرفته ....
الحالمة
28-04-2002, 08:14 PM
السلام عليكم.. و يسعد مســـــــاك..

طــوّلت علينا بالإجـــــــابـــة.. و نحنا بانتظارك..


تحيــــاتـــي
الحــالمـــة
عبدالله الخياط
29-04-2002, 12:59 AM
الوعد ... الحقيقة انك مجتهد
الاجابة صحيحة
اما الاختيار اللي ما عرفته فهو للشاعر محمد المسلمي من سلطنة عمان
مبرووووووووك

لك من كل التقدير..

والحالمة اسف على التأخير
الحالمة
30-04-2002, 01:14 AM
و عبد الله الخيــــاط.. ما يهمـّـــك.. انا بس مستيله الفضول..
و إلا أدري أنك مش ناسي..

سامحني..


ألف ألف مبرووووووك الــــوعـــــد.. انت وحــدة مجـــدة..


تحيـــاتــــي
الحــالمــــة
الوعد
30-04-2002, 02:43 AM
اخويه عبدالله ...


الله يبارك فيك ... مشكوووووور ... اليوم زادت وناستي من متى وانا اتريا النتايج ... ااااااااه ... واخيرا

تعبي ماراح على الفاضي ... مشكوووووووووووووووووور




بس انا زعلانه عليك :( :mad:


كل هاليوله اللي مسويتنها في المنتدى ...واخر شي تتحسبني وااااااحد!!:(



انا وحده ..... وسووووووووووووووووووري ..(hi)
الوعد
30-04-2002, 02:46 AM
(F33) (F33) (F33) (F33) (F33)



الحالمه

مشكوووووووووووووووووووره ....

الله يبارك فيج ..